ஓ.பி.எஸ்- டிடிவி.தினகரனுக்கு அமித் ஷா போடும் முட்டுக்கட்டை..! தவெகவுக்கு செக் வைக்கும் அமமுக..!

பொங்கல் பண்டிகைக்கு முன்பே ஓ.பி.எஸும், டிடிவி.தினகரனும் தவெக கூட்டணிக்கு வந்துவிடுவார்கள் என செங்கோட்டையன் நம்பிக்கையாகச் சொல்லிக் கொண்டு இருக்கிறார். ஆனாலும், ஓ.பி.எஸும், டிடிவி.தினகரனும் தவெக பக்கம் செல்வதை அமித் ஷா விரும்பவில்லை என்கிறார்கள்.

ஓ.பி.எஸும், டிடிவி.தினகரனும் தவெக கூட்டணிக்கு செல்லவுள்ளதாக உறுதியாகக் கூறப்படும் நிலையில், அவர்களை டேசிய ஜனநாயக கூட்டணிக்குள் கொண்டுவருவதே அமித் ஷாவின் அசைன்மெண்ட் என்று அடித்துக் கூறுகிறார்கள்.

வரும் பொங்கல் பண்டிகைக்கு முன்பே ஓ.பி.எஸும், டிடிவி.தினகரனும் தவெக கூட்டணிக்கு வந்துவிடுவார்கள் என செங்கோட்டையன் நம்பிக்கையாகச் சொல்லிக் கொண்டு இருக்கிறார். ஆனாலும், ஓ.பி.எஸும், டிடிவி.தினகரனும் தவெக பக்கம் செல்வதை மத்திய உள்துறை அமைச்சர் அமித் ஷா விரும்பவில்லை என்கிறார்கள். பாஜக தரப்பில் இருந்து இருவரிடமும் தொடர்ந்து பேசிக் கொண்டு இருந்தாலும் கூட, அவர்கள் இன்னும் உறுதியான பதிலை கொடுக்கவில்லை. இந்த நிலையில் மாவட்ட வாரியாக, தொகுதி வாரியாக நிர்வாகிகள் கூட்டத்தை நடத்திக் கொண்டு வருகிறார் டிடிவி.தினகரன். பல தொகுதிகளில் தனது கட்சியின் வேட்பாளர்களையும் அறிவிக்கத் தொடங்கி இருக்கிறார்.

அமமுக இடம்பெறுகிற கூட்டணியில் ஆண்டிபட்டதொகுதியை அமமுகவுக்குத்தான் ஒதுக்க வேண்டும். நானே கூட ஆண்டிப்பட்டி தொகுதியில் நிற்பேன் என தினகரன் பேச திருச்சி கூட்டத்தில் முசிறி தொகுதி அமமுக வேட்பாளராக முன்னாள் எம்.எல்.ஏ., ராஜசேகரை அறிவித்து இருக்கிறார் டிடிவி.தினகரன். நாங்கள் இணைய உள்ள கூட்டனியில் 50 தொகுதியை கொடுங்கள், 80 தொகுதியை கொடுங்கள் எனக் கேட்க மாட்டோம். எங்கள் பலத்தையும், எதார்த்தத்தையும் புரிந்து எங்களுக்கான தொகுதிகளை வாங்குவோம் எனப் பேசியிருக்கிறார். 

டிடிவி.தினகரன் வேட்பாளர்களை அறிவித்து உறுதி செய்த தொகுதிகளை மறுக்காமல் கொடுக்கிற ஒரே கட்சி தவெக தான் என்றும், அத் ஷா போன்றவர்கள் அழுத்த கொடுத்தால், தினகரன் அறிவித்திருக்கிற தொகுதிகளை கொடுத்தால் கூட்டணிக்கு வருவோம் என்கிற நிபந்தனையை அமமுக விதித்துள்ளது.