'அம்மா எனக்கு இந்த சாப்பாடு பிடிக்கல'..'இது நல்லா இல்ல'.. 'அண்ணன் அடிக்குறான்'.. இதுபோன்ற பல குறைகளை உங்கள் குழந்தைகள் உங்களிடம் சொல்லுகிறார்களா? ஆம் என்றால் அதுகுறித்து அவர்களிடம் ஒருபோதும் கோபப்பாடாதீர்கள். ஒருவேளை நீங்கள் கோபப்பட்டால் அது அவர்களது எதிர்காலத்திற்கு தீங்கு விளைவிக்கும்.
25
Child complaining about everything in tamil
இப்படி உங்கள் குழந்தைகள் அடிக்கடி உங்களிடம் புகார் செய்கிறார்கள் என்றால், நீங்கள் அவர்களிடம் கோபப்படுவதற்கு பதிலாக அதற்கான காரணம் என்ன என்று முதலில் தெரிந்து கொள்ளுங்கள். அதுபற்றி இங்கு பார்க்கலாம்.
பெற்றோரிடம் குழந்தைகள் குறை சொல்வதற்கான காரணங்கள்:
கவனத்தை ஈர்ப்பது:
எல்லா விஷயத்திற்கும் புகார் சொல்லும் பழக்க இருக்கும் குழந்தை பல சமயத்தில் கவனத்தை ஈர்க்கும் ஒரு வழியாகும். இந்த பழக்கம் உள்ள குழந்தை தனது பெற்றோர்கள், நண்பர்கள் மற்றும் ஆசிரியர்கள் தனக்கு செவிசாய்க்க வேண்டும் என்றும், தனது பிரச்சினையை தீர்க்க வேண்டும் என்றும் விரும்புகிறார்கள்.
விளையாட்டில் சிறு சண்டைகள்:
குழந்தைகள் விளையாடும் போது சின்ன சண்டைகள் வருவது சகஜம் தான். இது மூலம் அவர்கள் பல விஷயங்களை கற்றுக்கொள்கிறார்கள். எனவே, இதுகுறித்து அவர்கள் உங்களிடம் புகார் செய்தால் நீங்கள் அதை பெரிய விஷயமாக எடுத்துக்கொள்ள வேண்டாம். மேலும் அதை நீங்கள் தீர்க்க முயற்சி செய்யுங்கள்.
45
parents and child relationship in tamil
அதிருப்தி உணர்வு:
சில சமயங்களில் குழந்தைகளிடம் மனதில் அதிருப்தி உணர்வு ஏற்படும். இதனால் அவர்கள் அடிக்கடி குறை சொல்லுவார்கள். எனவே, அவர்கள் எந்த விஷயத்தில் அதிருப்தியாக இருக்கிறார்கள் என்று கண்டறிய முயற்சி செய்யுங்கள்.
புரிந்து கொள்ளுங்கள் :
குழந்தைகள் அடிக்கடி புகார் செய்தால் அவர்களுக்கு ஏதேனும் பிரச்சினை இருக்கிறதா என்று முதலில் புரிந்து கொள்ள முயற்சி செய்யுங்கள். இப்படி செய்வதன் மூலம் அவர்கள் தங்களது பழக்கத்தை மாற்றி கொள்வார்கள்.
பல சமயங்களில் பெற்றோர்கள் தங்கள் வேளைகளில் பிசியாக இருக்கும் போது குழந்தைகள் அடிக்கடி புகார் சொல்லுவார்கள். அந்த சமயத்தில் அவர்கள் மீது கோபப்படுவது தவறு. அதுபோல, குழந்தை முன் யாரையும் குறை சொல்லாதீர்கள். அதற்கு பதிலாக உங்களது நடத்தையை மாற்றுங்கள்.
நினைவில் கொள்:
பொதுவாக குழந்தைகள் 7 வயது வரை பெற்றோரிடம் பல விஷயங்களை கற்றுக்கொள்கிறார்கள். எனவே, இந்த வயதில் பெற்றோர்கள் தங்கள் குழந்தை சொல்வதை கேட்டு யாரையும் புண்படுத்தாதபடி தீர்வு காண வேண்டும். பல சமயங்களில் பெற்றோர் குழந்தைகளின் செயலைக் குறித்து குற்றம் சாட்டுகிறார்கள். ஆனால் இது தவறு. எனவே, குழந்தையிடம் அன்பாக பேசுங்கள்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
