Dermatologist Tips: சோப் மற்றும் பாடி வாஷ் இரண்டும் சருமத்தை சுத்தம் செய்தாலும், pH அளவு மற்றும் ஈரப்பத பாதுகாப்பில் பெரிய வித்தியாசம் உள்ளது. தவறான தேர்வு சரும வறட்சி மற்றும் ஒவ்வாமைக்கு வழிவகுக்கலாம்.
காலை குளிக்கும் நேரத்தில் பெரும்பாலானோர் கவனிக்காத ஒரு விஷயம், சோப்பைப் பயன்படுத்தலாமா அல்லது பாடி வாஷை தேர்வு செய்யலாமா என்பதுதான். இரண்டுமே சருமத்தை சுத்தம் செய்யும் திறன் கொண்டவை. ஆனால் சருமத்தின் நீண்டகால ஆரோக்கியத்தைப் பொறுத்தவரை, இந்த தேர்வே பெரிய தாக்கத்தை ஏற்படுத்தும்.
25
சுத்தம் செய்வதில் இரண்டும் சமம்தான்
சோப் மற்றும் பாடி வாஷ் இரண்டிலும் அழுக்கு, வியர்வை மற்றும் எண்ணெய் படலங்களை அகற்றும் சர்ஃபாக்டண்ட்கள் உள்ளன. இதனால் சுத்தம் செய்யும் திறனில் பெரிய வித்தியாசம் இல்லை. அதிக நுரை உருவாகும் பாடி வாஷ் அதிகமாக சுத்தம் செய்கிறது என்ற நம்பிக்கை பரவலாக இருந்தாலும், அதற்கு அறிவியல் ஆதாரம் இல்லை. அதிக நுரை என்பது பல நேரங்களில் மார்க்கெட்டிங் உத்தியாக மட்டுமே பார்க்கப்படுகிறது.
35
சருமத்தின் pH அளவு ஏன் முக்கியம்?
மனித சருமத்தின் இயல்பான pH அளவு லேசான அமிலத்தன்மையுடன் இருக்கும். இதுவே சருமத்தை வெளிப்புற கிருமிகள் மற்றும் மாசுபாட்டிலிருந்து பாதுகாக்கும் பாதுகாப்பு அடுக்காக செயல்படுகிறது. ஆனால் பல சாதாரண சோப்புகள் அதிக காரத்தன்மை கொண்டவை. இதனால் சருமத்தின் இயல்பான பாதுகாப்பு அமைப்பு பாதிக்கப்பட்டு வறட்சி, அரிப்பு மற்றும் சிவத்தல் போன்ற பிரச்சனைகள்.
தரமான பாடி வாஷ்கள் பெரும்பாலும் சருமத்தின் pH அளவுக்கு ஏற்ப வடிவமைக்கப்படுகின்றன. கிளிசரின், கற்றாழை மற்றும் பிற ஈரப்பதமூட்டும் பொருட்கள் சேர்க்கப்படுவதால், சுத்தம் செய்வதோடு சருமத்தின் ஈரப்பதத்தையும் பாதுகாக்கின்றன. குறிப்பாக வறண்ட சருமம் அல்லது சென்சிடிவ் சருமம் உள்ளவர்களுக்கு இது சிறந்த தேர்வாக கருதப்படுகிறது.
55
எந்த சருமத்திற்கு எது பொருத்தம்?
எண்ணெய் பசை அதிகம் உள்ளவர்கள் சில நேரங்களில் மிதமான சோப்பைப் பயன்படுத்தலாம். ஆனால் வறண்ட அல்லது சென்சிடிவ் சருமம் உள்ளவர்களுக்கு பாடி வாஷ் பாதுகாப்பான தேர்வாகும். பெரும்பாலான தோல் மருத்துவர்களும் தற்போது pH சமநிலை கொண்ட பாடி வாஷ்களை பரிந்துரைக்கின்றனர். சருமத்தை சுத்தமாக வைத்திருப்பது மட்டுமல்ல, அதன் இயல்பான பாதுகாப்பை காப்பதும் முக்கியம் என்பதை மறந்துவிடக்கூடாது.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
