தென் இந்தியாவில் அதவும் சென்னையில் இருந்து ஈசியா போற தொலைவில் ஒரு காஷ்மீர் இருக்கு தெரியுமா? எங்க இருக்கு எந்த இடம் என்று தெரியுமா? வாங்க பாக்கலாம். பின்னாடி போகலாம்
ஆந்திராவில் பனி பெய்யும் ஒரு இடம் இருக்கிறது என்றால் நம்ப முடிகிறதா? ஆனால் அதுதான் நிஜம். தென்னிந்தியாவிலேயே குளிர்காலத்தில் மிகக் குறைந்த வெப்பநிலை பதிவாகும் ஒரே இடம் இந்த லம்பசிங்கிதான். இதனால்தான் இதை 'ஆந்திராவின் காஷ்மீர்' என்று அழைக்கிறார்கள். விசாகப்பட்டினம் மாவட்டத்தில் உள்ள சிந்தபல்லி வட்டத்தில், கடல் மட்டத்திலிருந்து சுமார் 1000 முதல் 1025 மீட்டர் உயரத்தில் இந்த அழகான கிராமம் அமைந்துள்ளது. விசாகப்பட்டினம் நகரத்திலிருந்து வெறும் 100 கி.மீ. தொலைவில் உள்ள இந்த மலைவாசஸ்தலம், இன்று இயற்கை விரும்பிகளின் ஃபேவரைட் ஸ்பாட்டாக மாறியுள்ளது.
26
அற்புதம் அதிசயம் அட்டகாசம்
லம்பசிங்கிக்கு 'கொர்ரபயலு' என்ற உள்ளூர் பெயரும் உண்டு. உள்ளூர் மொழியில் 'கொர்ர' என்றால் 'குச்சி' என்றும், 'பயலு' என்றால் 'வெளியே' என்றும் அர்த்தம். அதாவது, குளிர்காலத்தில் இரவில் வீட்டை விட்டு வெளியே இருந்தால், குளிரில் குச்சி போல உறைந்துவிடுவார்கள் என்பதே இதன் பொருள். இங்கு குளிரின் தீவிரம் எப்படி இருக்கும் என்பதற்கு இந்தப் பெயரே ஒரு சிறந்த உதாரணம். குளிர்காலத்தில் இங்கு வெப்பநிலை சில நேரங்களில் 0 டிகிரிக்கும் கீழே சென்றுவிடும். 2008 டிசம்பர் மற்றும் 2011 ஜனவரியில் இங்கு வெப்பநிலை பூஜ்ஜியத்திற்கும் கீழ் பதிவானது.
36
மாயாஜாலம் நிகழ்த்தும் சுற்றுலா
லம்பசிங்கியின் வானிலை மிகவும் விசித்திரமாகவும், மாயாஜாலம் போலவும் இருக்கும். சாதாரண நாட்களில் கூட, காலை 10 மணி வரை சூரியனைப் பார்க்க முடியாது. அடர்ந்த பனிமூட்டம் முழுவதையும் மறைத்திருக்கும். குளிர்காலமான டிசம்பர், ஜனவரி மாதங்களில், மதியம் 12 மணி வரை கூட சூரியன் சரியாகத் தெரிவதில்லை. மீண்டும் மதியம் 3 மணி ஆனதும், அடர்ந்த பனிமூட்டம் சாலைகளை முழுமையாக மூடிவிடும். சில சமயங்களில், அதிகாலையில் மெல்லிய பனிப்படலம் கூட உருவாகும். இந்த பனிமூட்டமான வானிலையில் அதிகாலையில் மலைகளில் பைக் ரைடிங் செய்வது, பைக்கர்களுக்கு ஒரு கிரேஸியான அனுபவத்தைக் கொடுக்கும்.
சாகசப் பிரியர்களுக்கு இங்கு ட்ரெக்கிங், ஹைக்கிங், மற்றும் கேம்பிங் செய்ய பல வாய்ப்புகள் உள்ளன. இங்குள்ள மலைகள், அடர்ந்த காடுகள், மற்றும் பள்ளத்தாக்குகள் பயணிகளை கட்டிப்போடுகின்றன. லம்பசிங்கியைச் சுற்றியுள்ள காபி மற்றும் மிளகுத் தோட்டங்கள் இப்பகுதியின் முக்கிய வருமான ஆதாரம். இந்தத் தோட்டங்கள் பிரிட்டிஷ் காலத்திலிருந்தே இங்கு பயிரிடப்படுகின்றன. இங்கு விளையும் காபி மிகவும் தரமானது என்பதால், அமெரிக்கா, பிரிட்டன் போன்ற நாடுகளுக்கும் ஏற்றுமதி செய்யப்படுகிறது. இந்தத் தோட்டங்கள் வழியாக அதிகாலையில் நடப்பது பயணிகளுக்கு ஒரு சிறந்த அனுபவத்தைத் தரும்.
56
போன மயங்கி விழுந்துடுவீங்க சந்தோஷத்துல
லம்பசிங்கியைச் சுற்றிப் பார்க்க சில அற்புதமான இடங்கள் உள்ளன: • தாஜங்கி நீர்த்தேக்கம்: லம்பசிங்கியிலிருந்து வெறும் 6 கி.மீ. தொலைவில் சிந்தபல்லி செல்லும் வழியில் இந்த சிறிய நீர்த்தேக்கம் உள்ளது. பின்னணியில் மலைகள், அமைதியான நீர் என புகைப்படக் கலைஞர்களுக்கு இது ஒரு பெர்ஃபெக்ட் லொகேஷன்.
• கொத்தபல்லி நீர்வீழ்ச்சி: லம்பசிங்கியிலிருந்து சுமார் 28 கி.மீ. தொலைவில் அரக்கு பள்ளத்தாக்கு பகுதியில் இந்த நீர்வீழ்ச்சி அமைந்துள்ளது. இது இன்னும் நவீன கட்டுமானங்கள் இல்லாமல், மிகவும் இயற்கையாகவும் அமைதியாகவும் இருக்கிறது.
• உப்படா கடற்கரை: குளிரான சூழலில் இருந்து சற்று இதமான கடல் காற்றை அனுபவிக்க விரும்பினால், காக்கிநாடா அருகே உள்ள உப்படா கடற்கரைக்குச் செல்லலாம். லம்பசிங்கியிலிருந்து இரண்டு மணி நேர பயணத்தில் இந்த கடற்கரை உள்ளது.
• சிந்தபல்லி: லம்பசிங்கிக்கு அருகில் உள்ள மற்றொரு பிரபலமான வன மலைவாசஸ்தலம் சிந்தபல்லி. இங்குள்ள தாஜங்கி பள்ளத்தாக்கு பயணிகளை வெகுவாகக் கவரும்.
66
மேப்: இப்படித்தான் போகனும்
லம்பசிங்கி இன்னும் முழுமையாக வர்த்தகமயமாகவில்லை. அதனால், தங்குவதற்கு பெரிய ஹோட்டல்களோ அல்லது அதிக உணவு ஆப்ஷன்களோ இங்கு இருக்காது. பயணிகள் விசாகப்பட்டினத்தில் தங்குவதற்கு பல ஹோட்டல்கள் உள்ளன. இருப்பினும், ஆந்திரப் பிரதேச சுற்றுலாத் துறை (APTDC) ஆன்லைன் மூலம் லம்பசிங்கியில் தங்குவதற்கான சில பேக்கேஜ்களை வழங்குகிறது. மேலும், APSRTC இங்கு ஃபாரஸ்ட் சஃபாரி போன்ற சுற்றுலா சேவைகளையும் இயக்குகிறது.
எப்படிச் செல்வது?: லம்பசிங்கி சாலை வழியாக நன்கு இணைக்கப்பட்டுள்ளது. இது விசாகப்பட்டினத்திலிருந்து 101 கி.மீ., சிந்தபல்லியிலிருந்து 19 கி.மீ., மற்றும் நர்சிபட்டினத்திலிருந்து NH5 வழியாக 32 கி.மீ. தொலைவில் உள்ளது. பெங்களூருவிலிருந்து இதன் தூரம் சுமார் 991 கி.மீ. ஆகும். வைசாக், நர்சிபட்டினம், மற்றும் சிந்தபல்லியிலிருந்து லம்பசிங்கிக்கு நேரடியாக அரசுப் பேருந்துகள் மற்றும் தனியார் வாகனங்கள் கிடைக்கின்றன.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
