AI-யால் வேலை போகுமா? ஆபீஸில் நீங்கள் கில்லி ஆக இந்த 5 வழிகள் போதும்!

"AI வேலையைப் பறிக்கும்" என்பது பழைய பேச்சு "AI-ஐ விட நான் கெத்து" என நிரூபிப்பதே இன்றைய சவால். வேலை போகுமோ என்ற பயம் வேண்டாம்; உங்கள் திறமையை நிலைநாட்டி அலுவலகத்தில் தனித்து நிற்க இந்த வழிகளைப் பின்பற்றுங்கள். வெற்றியும் மதிப்பும் உங்களைத் தேடி வரும்

மனித உணர்வுகளுக்கு ஈடு இல்லை

AI தகவல்களைத் தரும், ஆனால் ஒரு மனிதனின் வலியை அல்லது மகிழ்ச்சியைப் புரிந்து கொள்ள முடியாது. உங்கள் சக ஊழியர்கள் மற்றும் வாடிக்கையாளர்களின் உணர்வுகளைப் புரிந்து கொண்டு செயல்படுவதில் (Empathy) நீங்கள் கில்லாடியாக இருந்தால், எந்த ரோபோவாலும் உங்களை ரீப்ளேஸ் செய்ய முடியாது.

'AI-ஐ அடிமையாக்குங்கள்'

AI-க்கு பயப்படுவதை நிறுத்திவிட்டு, அதை உங்கள் உதவியாளராக மாற்றிக் கொள்ளுங்கள். உங்கள் வேலையில் உள்ள சலிப்பான விஷயங்களை (Data entry, scheduling) செய்ய AI-ஐப் பயன்படுத்துங்கள். "AI-ஐத் தெரிந்த ஒருவரால், தெரியாத ஒருவரின் வேலை பறிபோகலாம்" என்பதே உண்மை.

லாஜிக்கைத் தாண்டிய முடிவு

AI எப்போதும் முன்கூட்டியே கொடுக்கப்பட்ட தகவல்களை வைத்துத்தான் பேசும். ஆனால், ஒரு இக்கட்டான சூழலில் சட்டென ரூட்டை மாற்றி புதுமையான முடிவுகளை எடுப்பது மனித மூளையால் மட்டுமே முடியும். இந்த 'Critical Thinking' திறனை வளர்த்துக் கொண்டால் நீங்கள் உங்கள் நிறுவனத்திற்கு ஒரு அரிய சொத்து!

பழையவற்றை மறக்கும் கலை

"நான் 10 வருஷமா இப்படித்தான் பண்றேன்" என்று பிடிவாதமாக இருக்காதீர்கள். பழைய முறைகளை மறந்து விட்டு, புதிய டெக்னாலஜிகளை வேகமாக கற்றுக்கொள்ளும் (Unlearn & Relearn) மனப்பக்குவத்தை வளர்த்துக் கொள்ளுங்கள். நீங்கள் அப்டேட்டாக இருந்தால், கம்பெனி உங்களை விடாது!

தொடர்புகளே உங்கள் பலம்

மெஷின்கள் டேட்டாவால் இணைக்கப்பட்டுள்ளன, மனிதர்கள் உறவுகளால் இணைக்கப்பட்டுள்ளனர். உங்கள் துறையில் உள்ள வல்லுநர்களுடன் நல்ல நட்பை வளர்த்துக் கொள்ளுங்கள். ஒரு மனிதன் பரிந்துரைக்கும் வாய்ப்பை, ஒரு அல்காரிதம் தட்டிப்பறிக்க முடியாது.