Toilet Seat: டாய்லெட் சீட் ஆடுதா? பிளம்பர் தேவையில்லை.. 1 ரூபாய் செலவு இல்லாம நீங்களே சரி பண்ணலாம்!

Toilet Seat: டாய்லெட் சீட் லூசாக இருந்து அடிக்கடி நகர்வது எரிச்சலாக இருக்கிறதா? இதை சரிசெய்ய பிளம்பரை அழைக்க வேண்டாம். வீட்டிலேயே நீங்களே இதை எப்படி எளிதாக சரிசெய்யலாம் என்பதை பார்ப்போம்.

ஆடும் டாய்லெட் சீட்டை சரி செய்ய சிம்பிள் டிப்ஸ்

வீடு கட்டும்போது எல்லா பொருட்களையும் தரமாக வாங்குவோம். ஆனால், தினமும் பயன்படுத்தும் டாய்லெட் சீட் நாளடைவில் லூஸ் ஆகிவிடும். இது சிறிய பிரச்னை என நினைத்து கவனிக்காமல் விட்டால், சீட் உடைந்து போக வாய்ப்புள்ளது. உங்கள் வீட்டு டாய்லெட் சீட்டும் இப்படி ஆடுகிறதா? அப்போ இந்த ஸ்டெப்ஸை ஃபாலோ பண்ணுங்க.

இதையும் படிங்க: Cooker Cleaning: அடிபிடித்த குக்கர் புதுசு போல ஜொலிக்க சிம்பிள் ட்ரிக்ஸ்.. மணிக்கணக்கில் தேய்க்க வேண்டாம்!

டாய்லெட் சீட் லூசாக முக்கிய காரணங்கள்

டாய்லெட் சீட்டை நாம் அடிக்கடி பயன்படுத்துவதால், அதை கமோட் உடன் இணைக்கும் மவுன்ட்டிங் போல்ட்கள் (Mounting Bolts) லூசாகிவிடும். சில சமயம், பிளாஸ்டிக் பாகங்கள் தேய்ந்து போவது, ஹிஞ்சஸ் (Hinges) எனப்படும் கீல்கள் பழுதடைவது அல்லது ஆரம்பத்திலேயே சீட்டை சரியாகப் பொருத்தாதது போன்றவையும் முக்கிய காரணங்கள்.

மவுன்ட்டிங் போல்ட்களை டைட் பண்ணுங்க

டாய்லெட் சீட் ஆடுகிறது என்றால், முதலில் அதன் பின்னால் இருக்கும் போல்ட் அல்லது நட்டுகளை சரிபார்க்கவும். இவை சீட்டின் மாடலைப் பொறுத்து மேலே அல்லது கமோட்டின் கீழே இருக்கும். ஸ்க்ரூடிரைவர் மற்றும் பிளையர்ஸ் பயன்படுத்தி இவற்றை டைட் செய்யலாம். ஆனால் கவனம், போல்ட்களை ஓவராக டைட் செய்யாதீர்கள்; அதிக அழுத்தம் கொடுத்தால் பிளாஸ்டிக் போல்ட் அல்லது கமோட் உடைய வாய்ப்புள்ளது.

இதையும் படிங்க: Snake Dream: கனவில் பாம்பு வந்தால் என்ன அர்த்தம்? நல்லதா, கெட்டதா?

உதிரி பாகங்களின் நிலையை கவனியுங்கள்

போல்ட்களை டைட் செய்த பிறகும் பிரச்னை தொடர்ந்தால், சீட்டின் ஹிஞ்சஸ் மற்றும் பிளாஸ்டிக் ஃபிட்டிங்ஸை பாருங்கள். நீண்ட நாள் பயன்பாட்டால் அவை தேய்ந்து போயிருக்கலாம். அப்படி இருந்தால், அந்த உதிரி பாகங்களை மாற்றுவது அல்லது பிளம்பர் உதவியை நாடுவது நல்லது.

நான்-ஸ்லிப் பேட்களின் பயன்பாடு

போல்ட்கள் சரியாக இருந்தும் சீட் நகர்ந்தால், சீட்டின் அடிப்பகுதியில் ரப்பர் அல்லது நான்-ஸ்லிப் பேட்களை (Non-slip pads) ஒட்டுங்கள். இது சீட்டிற்கு நல்ல கிரிப் கொடுக்கும், மேலும் பயன்படுத்தும்போது சீட் அங்கும் இங்கும் நகராமல் தடுக்கும். இது மிகவும் எளிதான மற்றும் குறைந்த செலவு கொண்ட ஒரு தீர்வு.

எப்போது புதிய சீட் பொருத்த வேண்டும்?

டாய்லெட் சீட்டில் எங்காவது விரிசல் ஏற்பட்டிருந்தாலோ அல்லது ஹிஞ்சஸ் முழுவதுமாக உடைந்திருந்தாலோ, புதிய சீட் வாங்குவதுதான் ஒரே வழி. லூசான சீட்டை தொடர்ந்து பயன்படுத்துவது ஆபத்தானது. நீங்களே சரிசெய்ய கடினமாக உணர்ந்தால், ஒரு திறமையான பிளம்பரை அழைத்து சரிசெய்வது பாதுகாப்பானது.

முக்கிய அறிவிப்பு: இந்தத் தகவல் பொதுவான புரிதலுக்காக மட்டுமே. ஃபிட்டிங்ஸை டைட் செய்யும்போது அதிக அழுத்தம் கொடுக்க வேண்டாம், அது சேதத்தை ஏற்படுத்தக்கூடும். பிரச்னை பெரிதாக இருந்தால், எப்போதும் ஒரு நிபுணர் உதவியை நாடுங்கள்.