தண்ணீீர் ஆரோக்கியத்திற்கு மிகவும் நல்லது என்றாலும், சில உணவுகளை சாப்பிட்ட பிறகு தண்ணீர் குடிப்பதை தவிர்க்க வேண்டும். இல்லையெனில், செரிமான பிரச்சினைகள், வாயு, அமிலத்தன்மை போன்ற பிரச்சினைகளை சந்திக்க நேரிடும்.
சிலர் சாப்பிடும் போது ஒரு சொட்டு தண்ணீர் கூட குடிக்க மாட்டார்கள். ஆனால் ஒருசிலர் ஒவ்வொரு வாய்க்கும் தண்ணீர் குடிப்பார்கள். உண்மையில், சாப்பிடும் போதும், சாப்பிட்ட பிறகும் முடிந்தவரை தண்ணீர் குடிக்காமல் இருப்பதே நல்லது என்று நிபுணர்கள் கூறுகின்றனர்.
பலர் வேர்க்கடலை சாப்பிடும் போதும், சாப்பிட்ட பிறகும் நிறைய தண்ணீர் குடிப்பார்கள். ஆனால், இப்படி செய்யவே கூடாது. நிபுணர்களின் கருத்துப்படி, வேர்க்கடலை சாப்பிட்டவுடன் தண்ணீர் குடித்தால், இருமல், தொண்டை புண் போன்ற பிரச்சினைகள் வரும். எனவே, வேர்க்கடலை சாப்பிட்டவுடன் தண்ணீர் குடிக்க வேண்டாம்.
ஆம், பழங்களை சாப்பிட்டவுடன் தண்ணீர் குடிப்பது ஆரோக்கியத்திற்கு நல்லதல்ல. உண்மையில், நீங்கள் பழங்களை சாப்பிட்ட பிறகு தண்ணீர் குடிக்க தேவையில்லை. ஏனெனில், ஒவ்வொரு பழத்திலும் நீர் சத்து நிறைந்துள்ளது. ஆனால், நம்மில் பலர் பழங்களை சாப்பிட்ட பிறகும் நிறைய தண்ணீர் குடிக்கிறோம். இருப்பினும், பழங்களில் சர்க்கரை அல்லது சிட்ரிக் அமிலம் உள்ளது. எனவே, நீங்கள் பழங்களை சாப்பிட்ட 45 நிமிடங்கள் வரை தண்ணீர் குடிக்கவே கூடாது.
தேநீர், காபி அல்லது சூடான பால் போன்ற சூடான பானங்கள் குடித்த பிறகும் தண்ணீர் குடிக்க வேண்டாம் என்று நிபுணர்கள் கூறுகின்றனர். ஏனெனில், அப்போது சூடாக குடித்துவிட்டு, மீண்டும் குளிர்ந்த நீர் குடித்தால், பல பிரச்சினைகள் வரும். குறிப்பாக, வாயு, அமிலத்தன்மை மற்றும் எடை அதிகரிப்பு போன்ற பிரச்சினைகள் வரும் அபாயம் அதிகரிக்கிறது.
சாப்பிட்ட பிறகு சிலர் கண்டிப்பாக சோடா அல்லது கார்பனேற்றப்பட்ட நீர் குடிப்பார்கள். ஆனால், இவற்றைக் குடித்தால், வயிற்றில் வாயு அதிகரிக்கும். மேலும், வயிறு உப்புசம் பிரச்சனையை சந்திக்க நேரிடும். மேலும், இது நீங்கள் சாப்பிட்டதை சீரணம் ஆகாமல் தடுக்கும்.