Cleaning Hacks: வெள்ளை பிளாஸ்டிக் சேர் கறையை போக்க 3 சிம்பிள் டிப்ஸ்!

உங்கள் வீட்டு வெள்ளை பிளாஸ்டிக் சேர்களில் உள்ள பிடிவாதமான கறைகள் மற்றும் மஞ்சள் நிறத்தை நீக்கி, புத்தம் புதுசு போல மாற்ற சில எளிய வீட்டுக்குறிப்புகள் இங்கே உள்ளன. குறைந்த நேரத்தில் சேர்களுக்குப் புதிய பொலிவைக் கொடுக்கலாம்.

வெள்ளை பிளாஸ்டிக் சேரை சுத்தம் செய்யும் முறைகள்

நம்ம எல்லாரு வீட்டுலயும் வெள்ளை பிளாஸ்டிக் சேர் இருக்கும். வீட்ல இருந்தாலும் அது சீக்கிரம் அழுக்காயிடும். சேரோட பின்பக்கத்தை நாம பெருசா கவனிக்க மாட்டோம். ஆனா பார்க்கும்போது வெள்ளை நிறம் கறுப்பாவோ, மஞ்சளாவோ மாறியிருக்கும். சில சமயம் எவ்வளவு தேய்ச்சாலும் அந்த கறை போகாது. இந்த மாதிரி நேரத்துல, சில சிம்பிள் வழிகளை வெச்சு சேரை ஈஸியா க்ளீன் பண்ணலாம். அது என்னென்ன வழிகள்னு பார்க்கலாம் வாங்க.

பேக்கிங் சோடாவைப் பயன்படுத்துங்கள்

வெள்ளை சேர்ல ரொம்ப பிடிவாதமான கறை இருந்தா, வீட்ல இருக்குற பேக்கிங் சோடாவை யூஸ் பண்ணலாம். பேக்கிங் சோடால கொஞ்சமா தண்ணி சேர்த்து பேஸ்ட் மாதிரி ரெடி பண்ணிக்கோங்க. அப்புறம், சேர்ல இருக்குற கறை மேல ஸ்பான்ஜ் அல்லது பிரஷ் வெச்சு இந்த பேஸ்ட்டை தடவுங்க. ஒரு 10-15 நிமிஷம் கழிச்சு, மெதுவா ஸ்க்ரப் பண்ணி கழுவினா, கறை எல்லாம் மாயமா மறைஞ்சிடும்.

எலுமிச்சை சாறு மற்றும் உப்பு

சேர் முழுக்க மஞ்சளா இருந்தாலோ அல்லது அங்கங்க கறை இருந்தாலோ, எலுமிச்சை சாறும் உப்பும் யூஸ் பண்ணுங்க. முதல்ல, ஒரு எலுமிச்சையை ரெண்டா வெட்டிக்கோங்க. இப்போ, அந்த எலுமிச்சை மேல உப்பைத் தொட்டு, சேர் மேல மென்மையா தேய்க்கணும். ஒரு 10 நிமிஷம் கழிச்சு, சுத்தமான தண்ணியில கழுவினா சேர் பளிச்சுனு ஆகிடும்.

டிடர்ஜென்ட் மற்றும் வெதுவெதுப்பான நீர்

ஒண்ணு, ரெண்டு சேர் இருந்தா மேல சொன்ன வழிகளைப் பயன்படுத்தலாம். ஆனா, நிறைய சேர்கள் இருந்தா, வெதுவெதுப்பான தண்ணியில கொஞ்சம் டிடர்ஜென்ட் பவுடரை கலந்துக்கோங்க. இந்த தண்ணியை சேர்கள் மேல ஊத்தி ஒரு 10 நிமிஷம் அப்படியே விடுங்க. அதுக்கப்புறம், நல்லா தேய்ச்சு சுத்தமான தண்ணியில கழுவினா அழுக்கு எல்லாம் போயிடும்.

சுத்தம் செய்த பிறகு இப்படி செய்யுங்கள்

சேர்களைக் கழுவ எந்த கெமிக்கலையும் யூஸ் பண்றதை தவிர்க்கிறது நல்லது. அதே மாதிரி, சேரை கழுவுனதுக்கு அப்புறம், ஒரு காய்ந்த துணியால நல்லா துடைச்சு எடுங்க. அப்புறம், சேர்ல இருக்குற ஈரம் காயுற வரைக்கும் வெயிட் பண்ணுங்க. அதுக்கப்புறம்தான் சேர்களை ஒன்னுக்குள்ள ஒன்னு போட்டு வீட்டுக்குள்ள வைக்கணும்.