Fridge Magnets: பிரிட்ஜ் கதவுல மேக்னட் ஒட்டுறீங்களா? பிரிட்ஜ் சீக்கிரம் ரிப்பேர் ஆகுமா?

Fridge Magnets: பிரிட்ஜ் கதவுல விதவிதமான மேக்னட் ஒட்டுற பழக்கம் உங்களுக்கு இருக்கா? பாக்க அழகா இருக்குன்னு நிறைய பேர் இதை செய்றாங்க. ஆனா இதனால பிரிட்ஜ் சீக்கிரம் ரிப்பேர் ஆகிடுமா? வாங்க உண்மையை தெரிஞ்சுக்கலாம்.

பிரிட்ஜ் மேக்னட்ஸ்...

இப்பல்லாம் வீட்ல பிரிட்ஜ் இல்லாதவங்களே இல்லை. நிறைய பேர் பிரிட்ஜ் கதவுல சின்னச் சின்ன மேக்னட் ஒட்டி வைப்பாங்க. டூர் போனப்ப வாங்குனது, குழந்தைங்க போட்டோ, ஷாப்பிங் லிஸ்ட், பில்னு பல விஷயங்களை ஒட்டி வைப்பாங்க. இதனால பிரிட்ஜ் பாக்க அழகா இருக்கும். ஆனா, இந்த மேக்னட்னால பிரிட்ஜ் சீக்கிரம் ரிப்பேர் ஆகிடுமா? இதோட கூலிங் குறைஞ்சிடுமா? நிபுணர்கள் என்ன சொல்றாங்கன்னு பாக்கலாம்.

மேக்னட் ஒட்டுனா பிரிட்ஜ் ரிப்பேர் ஆகுமா?

இந்த மேக்னட் ஒட்டுறதால பிரிட்ஜ் கம்ப்ரஸர் மேல அழுத்தம் அதிகமாகும், இதனால பிரிட்ஜ் சீக்கிரம் ரிப்பேர் ஆகிடும்னு நிறைய பேர் நினைக்கிறாங்க. ஆனா, இந்த சின்ன மேக்னட்னால எந்த பாதிப்பும் வராதுன்னு நிபுணர்கள் சொல்றாங்க.

கடையில விக்கிற சின்ன டெக்கரேட்டிவ் மேக்னட் பிரிட்ஜோட வேலை செய்யும் திறனை குறைக்காது. அதுமட்டுமில்லாம, இப்போ வர்ற பிரிட்ஜ் எல்லாமே ஹை-டெக்னாலஜில வருது. இதுல இருக்குற கம்ப்ரஸர், கூலிங் சிஸ்டம், எலக்ட்ரானிக் பாகங்கள் இந்த சின்ன மேக்னட்னால பாதிக்கப்படாது.

இதை மட்டும் பிரிட்ஜ்ல ஒட்டாதீங்க..

1. அதிக எடையுள்ள மேக்னட்ஸ்: நிறைய பேர் பெரிய, வெயிட்டான மேக்னட்களை பிரிட்ஜ்ல ஒட்டுவாங்க. இதை கண்டிப்பா செய்யக்கூடாது. இது பிரிட்ஜ் கதவு மேல அதிக பாரத்தை கொடுக்கும். நாளடைவுல கதவுல அழுத்தம் அதிகமாகி பிரச்சனை வரலாம்.

2. ரப்பர் சீல் மறைக்கக்கூடாது: மேக்னட் அல்லது பேப்பர் பிரிட்ஜ் கதவுல இருக்குற ரப்பர் சீலுக்கு நடுவுல மாட்டுனா, கதவு சரியா மூடாது. இதனால கூலிங் வெளிய போயி, கரண்ட் பில் அதிகமாகும்.

3. ஸ்டெயின்லெஸ் ஸ்டீல் பிரிட்ஜ்: எல்லா ஸ்டெயின்லெஸ் ஸ்டீல் பிரிட்ஜ்லயும் மேக்னட் ஒட்டாது. சில மாடல்கள்ல நான்-மேக்னடிக் ஸ்டீல் பயன்படுத்துவாங்க.

எப்போ கவனமா இருக்கணும்? தொழிற்சாலைகள்ல பயன்படுத்துற பவர்ஃபுல் மேக்னட்களை பிரிட்ஜ் பக்கத்துல வைக்காதீங்க. ஸ்மார்ட் பிரிட்ஜ் டிஸ்ப்ளே மேல மேக்னட் ஒட்டாதீங்க.

அப்போ மேக்னட் ஒட்டலாமா? தாராளமா ஒட்டலாம். சின்ன டெக்கரேட்டிவ் மேக்னட்னால எந்த பாதிப்பும் வராது. ஆனா வெயிட்டான மேக்னட் ஒட்டுறதையும், ரப்பர் சீல் கிட்ட ஒட்டுறதையும் தவிர்த்துடுங்க.