காலியான மருந்து பாட்டில்களை தூக்கி எறியாதீங்க.! வீட்டை அழகாக்கும் இந்த 5 கைவினைப் பொருட்களை செய்யுங்க.!

DIY Old Bottle Decoration Ideas : வீட்டில் காலியான மருந்து பாட்டில்களை தூக்கி எறியாமல், சூப்பரான வீட்டு அலங்காரப் பொருட்களை செய்யலாம். மினி வாஸ், செடி வளர்ப்பு, ஃபெய்ரி லைட்ஸ் என குறைந்த செலவில் உங்கள் வீட்டுக்கு ஒரு ஸ்டைலான லுக் கொடுங்கள்.

DIY Old Bottle Decoration Ideas

நம்ம வீட்ல அடிக்கடி மருந்து அல்லது சிரப் பாட்டில்கள் காலியானதும், அதை குப்பையில்தான் போடுவோம். ஆனா, கொஞ்சம் கிரியேட்டிவா யோசிச்சா, அதையே சூப்பரான வீட்டு அலங்காரப் பொருளா மாத்தலாம். இந்த பாட்டில்கள் உறுதியா, டிரான்ஸ்பரன்ட்டா, பல வடிவங்கள்ல வர்றதால, இத வெச்சு ஸ்டைலான கிராஃப்ட் செய்யுறது ரொம்ப ஈஸி. இதுக்கு செலவும் ரொம்ப கம்மி. உங்க வீட்டுக்கு ஒரு பர்சனல் டச் கொடுக்க, இந்த 5 ஐடியாக்களை டிரை பண்ணிப் பாருங்க.

மினி ஃபிளவர் வாஸ்:

காலியான சிரப் பாட்டிலை நல்லா சுத்தம் செஞ்சு, அதுல தண்ணி ஊத்தி ஃப்ரெஷ் அல்லது செயற்கைப் பூக்களை வைங்க. அந்த பாட்டிலுக்கு பெயின்ட் அடிச்சு, சணல் கயிறு அல்லது ரிப்பன் கட்டி இன்னும் அழகாக்கலாம். இந்த குட்டி வாஸ் உங்க டேபிள் அல்லது ஜன்னல் ஓரங்களில் வைக்கலாம். இது உங்கள் வீட்டிற்கு ஒரு ஃப்ரெஷ் லுக் கொடுக்கும்.

ஃபெய்ரி லைட் டெக்கார்:

டிரான்ஸ்பரன்ட் பாட்டில்களுக்குள் ஃபெய்ரி லைட்ஸை போட்டு ஒரு அழகான விளக்கை உருவாக்கலாம். ராத்திரி நேரத்துல, இந்த சாஃப்ட் லைட்டிங் உங்க ரூமுக்கு ஒரு இதமான, அழகான தோற்றத்தைக் கொடுக்கும். இதை உங்க பெட்சைட் டேபிள்லயோ அல்லது லிவிங் ரூம்லயோ வைக்கலாம். இரவு நேர நைட் லேம்ப்-களுக்கு பதிலாக இந்த விளக்குகளை பயன்படுத்தலாம்.

பென் ஸ்டாண்ட் அல்லது பிரஷ் ஹோல்டர்:

சின்ன மருந்து பாட்டில்களை நீங்க பென் ஸ்டாண்ட் அல்லது மேக்கப் பிரஷ் ஹோல்டரா பயன்படுத்தலாம். இதுக்கு பெயின்ட் அடிச்சு அல்லது ஸ்டிக்கர் ஒட்டி உங்க ஸ்டடி டேபிள் அல்லது டிரெஸ்ஸிங் டேபிள்ல வைங்க. இது பார்க்கவும் அழகா இருக்கும், யூஸ்ஃபுல்லாவும் இருக்கும்.

மினி பிளான்டர்:

சின்ன பாட்டில்கள்ல மண்ணை நிரப்பி, சக்குலன்ட்ஸ் (succulents) அல்லது சின்னச் செடிகளை வளர்க்கலாம். இது உங்க பால்கனி, கிச்சன் அல்லது இன்டோர் கார்டனுக்கு ஒரு சூப்பர் ஐடியா. இதை நீங்க தொங்கும் செடிகளாகவும் (hanging planter) பயன்படுத்தலாம்.

பெர்ஃபியூம் அல்லது ஆயில் டிஃப்பியூசர்:

காலி பாட்டில்கள்ல எசென்ஷியல் ஆயில் மற்றும் சில குச்சிகளைப் போட்டு, நீங்களே ஒரு ஹோம்மேட் டிஃப்பியூசரை உருவாக்கலாம். இது உங்க வீட்டை நல்ல நறுமணத்தால் நிரப்பும், பார்க்கவும் ரொம்ப ஸ்டைலா இருக்கும்.