Bedroom Cleaning: படுக்கையில் கண்ணுக்குத் தெரியாத கிருமிகள்.. இந்த 5 விஷயங்களை மறக்காம செய்யுங்க!

Bedroom Cleaning: படுக்கையறையில் கண்ணுக்குத் தெரியாத கிருமிகள் மற்றும் தூசுகள் உள்ளன. இவற்றை நீக்க வாரத்திற்கு ஒருமுறை பெட்ஷீட் துவைத்தல், மெத்தையை வெயிலில் வைத்தல் உள்ளிட்ட 5 எளிய முறைகளை கடைபிடிக்க வேண்டும். இது குறித்து விரிவாக பார்ப்போம்.

படுக்கையில் கண்ணுக்குத் தெரியாத கிருமிகள்

தினமும் காலையில் எழுந்ததும் பெட்ஷீட்டை உதறி விரித்து, தலையணையை அடுக்கி வைப்போம். படுக்கை சுத்தமாக இருந்தால், அறையே சுத்தமாகிவிட்டதாக நினைப்போம். ஆனால் உண்மை என்னவென்றால், படுக்கையில் தான் தூசு, வியர்வை, இறந்த செல்கள் அதிகம் இருக்கும். பெட்ஷீட்டை மாற்றுவதால் மட்டும் இந்த கண்ணுக்குத் தெரியாத அழுக்குகள் போகாது.

இதனால் அலர்ஜி, மூக்கடைப்பு, அரிப்பு, தூக்கமின்மை போன்ற பிரச்சனைகள் வரும். அதனால், தினமும் வீட்டைச் சுத்தம் செய்வதோடு, வாரத்துக்கு ஒரு முறையாவது படுக்கையறையை 'டீப் கிளீனிங்' செய்ய வேண்டும் என நிபுணர்கள் சொல்கிறார்கள். இதற்கு அதிக நேரம் ஆகாது, வெறும் 30-40 நிமிடங்களில் இந்த 5 விஷயங்களைச் செய்து முடித்துவிடலாம்.

1. படுக்கையில் இருந்து தொடங்குங்கள்

வாரத்துக்கு ஒரு முறை பெட்ஷீட், தலையணை உறை, நீளத் தலையணை உறை ஆகியவற்றை சுடுநீரில் துவைக்க வேண்டும். மெத்தையை வேக்யூம் கிளீனர் வைத்து நன்றாகச் சுத்தம் செய்யுங்கள். வேக்யூம் கிளீனர் இல்லை என்றால், மெத்தையை 2 மணி நேரம் வெயிலில் காய வையுங்கள். தலையணைகளையும் வெயிலில் வைக்க வேண்டும். இதனால் அதில் உள்ள தூசுப் பூச்சிகள் செத்துவிடும்.

2. திரைச்சீலைகள், ஜன்னல்

படுக்கையறையில் உள்ள திரைச்சீலைகளில் நிறைய தூசு ஒட்டியிருக்கும். வாரத்துக்கு ஒரு முறை அதை உதறி விடுங்கள் அல்லது லேசாக வேக்யூம் செய்யுங்கள். ஜன்னல் கிரில்கள், ஸ்லைடிங் கதவுகளின் இடுக்குகளை ஈரமான பிரஷ் வைத்துச் சுத்தம் செய்யுங்கள். முகம் பார்க்கும் கண்ணாடி அல்லது டிரஸ்ஸிங் டேபிளைத் துடைத்து விட்டால், அறை உடனடியாகப் பளிச்சென்று மாறிவிடும்.

3. எலக்ட்ரானிக் பொருட்கள்

ஏசி, ஃபேன் இறக்கைகள், டியூப் லைட் போன்றவற்றில் படியும் தூசு, அறைக்குள்ளேயே சுற்றிக்கொண்டிருக்கும். வாரத்துக்கு ஒரு முறை காய்ந்த துணியால் ஃபேன் இறக்கைகளைத் துடையுங்கள். சைட் டேபிள், பீரோவின் மேல் பகுதி, ஸ்விட்ச் போர்டு போன்ற இடங்களை கிருமிநாசினி ஸ்ப்ரே அடித்துத் துடையுங்கள்.

4. கட்டிலுக்கு அடியிலும் கவனம் செலுத்துங்கள்

கட்டிலுக்கு அடியில், பீரோவுக்குப் பின்னால், ஜன்னல் மூலைகளில் தான் அதிக தூசு சேரும். இந்த இடங்களை நாம் தினமும் பெருக்க மாட்டோம். அதனால், வாரத்துக்கு ஒரு முறை ஈரத்துணி அல்லது மாப் வைத்து இந்த மூலைகளைத் துடையுங்கள். கட்டிலுக்கு அடியில் தேவையில்லாத பொருட்களை வைக்காதீர்கள். அப்போதுதான் காற்று நன்றாகப் போய் வரும்.