Calcium Foods: பாலுக்கு நிகரான கால்சியம் சத்து கொண்ட உணவுகள்...எலும்புகள் உறுதியாக கண்டிப்பாக அவசியம்

Calcium Foods: சிலருக்கு பால் ஒவ்வாமை பிரச்சனை இருக்கும். எனவே, பால் குடிக்க விரும்பாதவர்கள் பாலுக்கு நிகரான, கால்சியம் நிறைந்த மாற்று உணவுகள் சில கீழே பட்டியலிடப்பட்டுள்ளது. அவற்றை படித்து தெரிந்து கொண்டு பயன்பெறுங்கள். 

Calcium

எலும்புகள், பற்கள் உறுதிக்கு, தசைகளின் இயக்கத்திற்கும், நரம்புகளின் செயல்பாட்டிற்கும் கால்சியம் சத்து அவசியமாகும். எனவே, உடலில் கால்சியம் சத்து அதிகரிக்க மருத்துவர்கள் கால்சியம் நிறைந்த உணவுகள் மற்றும் மாத்திரைகளை பரிந்துரைக்கின்றனர். நமது உடலில் கால்சியம் சத்து குறைந்து விட்டால் முதுகு வலி, கால் வலி, தசைப்பிடிப்பு, மூட்டு வலி, எலும்பு அரிப்பு, நகம், பற்கள் உள்ளிட்ட பல்வேறு உடல் நலம் பாதிப்புகள் ஏற்படும்.  எனவே, உணவின் மூலம் தினசரி உங்களுடைய கால்சியம் அளவைப் பெற...நீங்கள் ஒரு கிளாஸ் பாலை குடிப்பது அவசியமான ஒன்றாகும்.

Calcium

சிலருக்கு பால் ஒவ்வாமை பிரச்சனை இருக்கும். எனவே, பால் குடிக்க விரும்பாதவர்கள் பாலுக்கு நிகரான, மாற்று உணவாக கால்சியம் நிறைந்த உணவுகள் சில கீழே பட்டியலிடப்பட்டுள்ளது. அவற்றை படித்து தெரிந்து கொண்டு பயன்பெறுங்கள்.

தானியங்கள்:

கேழ்விரகு, கொள்ளு, ராஜ்மா போன்றவற்றில் புரதம் மற்றும் ஃபைபர் சத்துக்கள் அதிகம் உள்ளன. ராஜ்மா பொதுவாக தாவர அடிப்படையிலான உணவு முறையாகும். இது உங்கள் உடலுக்கு போதுமான கால்சியம் சத்துக்களை வழங்குகிறது. கேழ்விரகு, கொள்ளு, ராஜ்மாபோன்றவற்றில் உள்ள கால்சியம் மற்றும் மெக்னீசியம் சத்துக்கள் நம் உடலில் உள்ள எலும்புகளை வலுப்படுத்தி மூட்டு வலி வராமலும் எலும்புகள் தேய்மானம் ஆகாமலும் தடுக்கின்றது.  

Calcium

பழங்களில்:

அத்தி, ஆரஞ்சு, வாழை, கொய்யா பழங்கள் கால்சியம் சத்து அதிக அளவு நிறைந்துள்ளது. பால் குடிக்க விருப்பதவர்கள் இவற்றில் ஜூஸ் செய்து குடிக்கலாம். இவற்றில் அதிக அளவு பொட்டாசியம்,மெக்னீசியம் சத்துக்களும் உள்ளன. இவை உடலுக்கு தேவையான தெம்பை கொடுக்கிறது. 

Calcium

கீரை வகைகள்:

வெந்தயக் கீரை, முள்ளங்கிக் கீரை, முருங்கை கீரை, பாலக் கீரை, கொத்தமல்லி, வெங்காயத்தாள், போன்ற கீரை வகைகளில் அதிக அளவு கால்சியம் சத்து நிறைந்துள்ளது. உங்கள் தினசரி உணவில் இரண்டு கப் கீரையில் பயன்படுத்துவதால் சுமார் 394 mg  கால்சியம்  நீங்கள் பெற முடியும். 

Calcium

பாதம் மற்றும் பயிறு வகைகள்:

பாதாம் கால்சியம் அதிகம் கொண்ட உணவு பொருளாகும்.ஆம், 1/4 கப் பாதாமில் சுமார் 320 mg  கால்சியம் நிறைந்துள்ளது. மேலும், பாதாமில் நார்ச்சத்து மற்றும் வைட்டமின் ஈ நிறைந்துள்ளது. எனவே தினமும் பாதாம் எடுத்து கொள்வது மிகவும் அவசியம். அதுமட்டுமின்றி, பாசி பருப்பு, மசூர் தால், பீன்ஸ், கடலைப் பருப்பு உள்ளிட்ட பல்வேறு பருப்பு வகைகளில்  100 கிராம் முதல் 140 மில்லி கிராம் வரை கால்சியம் உள்ளது.

இறைச்சி உணவுகள்:

மீன்,நண்டு போன்ற உணவுகளிலும் கால்சியம் சத்து அதிக அளவு நிறைந்துள்ளது.
அதிலும் பொறித்த, வறுத்த மீன்,, நண்டுகளை விட குழம்பு மற்றும் கிரேவியில் அதிக அளவு கால்சியம் சத்து கொண்டுள்ளது.