Pregnancy Symptoms: ஒவ்வொரு பெண்ணின் வாழ்விலும் தாய்மை உணர்வு என்பது, மிகவும் புனிதமான ஒன்றாகும். அந்த வசந்தகால நிலையினை அடைவதற்கு கர்ப்பமாக இருக்கும் போது பெண்கள் சிலருக்கு தோன்றும் அறிகுறிகள் பற்றி இந்த பதிவின் மூலம் தெரிந்து வைத்து கொள்வோம்.
நாம் கர்ப்பமாக இருப்பதை கண்டறிவதற்கு, இன்றைய நவீன காலத்தில் மருந்து கடைகளில் கிடைக்கும் டெஸ்ட் கிட்டை வாங்கி பரிசோதனை செய்யலாம். அதில் இரண்டு கோடுகள் வந்தால் நீங்கள் கர்பம் என்றும், ஒரு கோடு மட்டும் வந்தால் நீங்கள் கர்பம் இல்லை என்றும் அர்த்தம். ஆனால், முந்தைய காலங்களிலெல்லாம் கர்ப்பத்தைக் கண்டறிய கையில் நாடி பிடித்து பார்ப்பார்கள். இதுபோல கர்ப்பத்தை கண்டறிய பல வழிமுறைகள் உள்ளன.
ஒவ்வொரு பெண்ணுக்கும் கர்ப்பமாக இருப்பதற்கான அறிகுறிகள் வெவ்வேறுவிதமாக இருக்கும். சிலருக்கு அறிகுறிகள் இல்லாமல் கூட இருக்கும். அதற்கு அவர்களின் உடல் நிலை முக்கிய காரணமாக அமைத்துள்ளது. இருப்பினும், மாதவிடாய் தள்ளிப்போன பிறகு ஒவ்வொரு பெண்ணிற்கும் ஏற்படும் ஆரம்ப கால பொதுவான அறிகுறிகள் சில உள்ளன. அவற்றை தெரிந்து வைத்து கொள்வோம்.
குமட்டல், வாந்தி, சோர்வு போன்றவை, கர்ப்பமாக இருக்கும் பெரும்பாலான பெண்களுக்கு முதலில் தோன்றும் அறிகுறிகள் என்கின்றனர் மருத்துவர்கள்.
மாதவிடாய் தள்ளிப்போவது:
சீரான மாதவிடாய் சுழற்சியின் போது, திடீரென்று மாதவிடாய் வருவது தாமதம் ஆனால், அதுவும் கர்ப்பத்திற்கான அறிகுறியாகும். இன்றைய மேற்கத்திய உணவு கலாசாரத்தில் பெரும்பாலான பெண்களுக்கு, சீரற்ற மாதவிடாய் சுழற்சியை எதிர் கொள்கிறார்கள். ஆனால் 10 நாட்களுக்கு மேலே போனால் அது கர்ப்பத்தின் அறிகுறியாக ஆரம்பிக்கும்.
பசி:
கர்ப்ப காலத்தை எட்டியுள்ள பெண்கள் வழக்கத்தை காட்டிலும், அதிக பசியை உணர்வார்கள். கருத்தரிப்பால் உடலில் ஏற்பட்டுள்ள ஹார்மோன் மாற்றம் மட்டும் ஊட்டச்சத்திற்கான தேவை அதிகரிப்பதால் பெண்ணுக்கு பசியும், தாகமும் அதிகரிக்கும்.
மார்பகங்கள் வலி :
மாதவிடாய் தள்ளிப்போன பிறகு, மார்பகங்கள் கனமாகவும், வீக்கம் ஏற்பட்டதைப் போன்ற வலி ஏற்படும். இந்த அறிகுறியை சிலர் மாதவிடாய் ஏற்படுவதற்கு முன்பும் உணர்வார்கள். கர்ப்பம் தரித்திருந்தால் தொடர்ந்து அந்த வலி இருக்கும். சில நேரம், மார்பக காம்புகள் தடித்து, கருமையாக மாற ஆரம்பிக்கும்.
அடிக்கடி சிறுநீர் கழித்தல் :
நீங்கள் அடிக்கடி சிறுநீர் கழிக்க பாத்ரூம் செல்கிறீர்கள் என்றால் அது நீங்கள் கர்பமாக இருக்கிறீர்கள் என்று அர்த்தம். நீங்கள் வழக்கத்தை விட இரவிலும் அடிக்கடி சிறுநீர் கழிப்பீர்கள். இதற்குக் காரணம், உங்கள் உடல் வெளிப்படுத்தும் கூடுதல் நீரை வெளியேற்ற ஓய்வின்றி சிறுநீர் பை வேலை செய்கிறது என்று அர்த்தம்.
மூச்சு திணறல்:
நீண்ட தூரம் உடற்பயிற்சி, கடுமையான வேலை போன்றவற்றில் மூச்சு திணறல் ஏற்படுவது வழக்கம் தான். ஆனால், ஒருமுறை மாடிப்படி ஏறும் போது திடீரென்று அதிகப்படியான மூச்சு திணறல் வந்தால் நீங்கள் கர்ப்பமாக இருக்கலாம்.
இரத்தப் போக்கு :
சிலருக்கு வழக்கத்தைக் காட்டிலும் ஒன்று, இரண்டு நாட்களுக்கு மிகக் குறைவான ட்ராப் போன்று இரத்தப் போக்கு ஏற்படும். இதை கர்ப்பத்தின் அறிகுறியாக இருக்கலாம்.
உடல் சோர்வு:
நீங்கள் எப்போதும் போல் செய்யும் வேலைகளைத்தான் செய்கிறீர்கள். இருப்பினும் வழக்கத்தை விடவும் அதிகமான சோர்வை உணர்கிறீர்கள் என்றாலும் அதுவும் கர்ப்பமாக இருப்பதற்கான அறிகுறிகள் ஆகும். பல பெண்களுக்கு சோர்வு முதல் மூன்று மாதங்கள் தொடர்ந்து இருக்கும்.
முதுகுவலி:
முதுகுவலி கர்ப்பிணிப் பெண்களிடையே மிகவும் பொதுவான அறிகுறிகளில் ஒன்றாகும். ஏனென்றால், குழந்தைக்கு ஏற்றவாறு கருப்பை விரிவடைகிறது.
திடீரென்று எடை அதிகரிப்பது:
நீங்கள் கர்ப்பமாக இருப்பதை கண்டறிவதற்கு நீங்கள் எப்போதும், வழக்கமாக உட்கொள்ளும் உணவு வகைகளை தான் உட்கொள்வீர்கள். இருப்பினும், உடல் எடையானது திடீரென்று அதிகரித்தால், அதுவும் கர்ப்பமானதற்க்கான அறிகுறிகளுள் ஒன்று.
காலை சுகவீனம்:
பெரும்பாலான பெண்கள் தூங்கி எழுந்துவிட்ட காலை வரும்போது, சுகவீனம் என்பது இருக்கும். சிலருக்கு இது மாலை அல்லது இரவு வேளைகளில் கூட ஏற்படலாம். அதேபோல், சிலருக்கு வாசனையிலும் ஒவ்வாமையை உண்டாக்கி குமட்டல் உணர்வை உண்டாக்கும்.இதில் பசியின்மையம் சேர்த்து கொள்ளலாம்.