ரயிலில் வெயிட் லிஸ்ட் டிக்கெட் புக் செய்வது எப்படி? பயணிகளுக்கு சூப்பர் சான்ஸ்!

இந்திய ரயில்வே காத்திருப்பு டிக்கெட் முன்பதிவு வசதியை ஐஆர்சிடிசி வழங்குகிறது. இந்த அம்சம் பயணிகளுக்கு அதிக நெகிழ்வுத்தன்மையுடன் பயணத்தைத் திட்டமிடுவதற்கும் உதவியாக இருக்கும். பயணிகள் எந்தவித கவலையும் இன்றி டிக்கெட் முன்பதிவு செய்து தங்கள் பயணத்திற்கு தயாராகலாம்.

IRCTC Waitlist Ticket

பயணிகள் தங்கள் பயணத் தேதி அருகில் இருந்தாலும், ரயில்வேயின் காத்திருப்புப் பட்டியலில் உள்ள டிக்கெட்டுகளை முன்பதிவு செய்யலாம். குறிப்பாக, கடைசி நிமிட பயணத் திட்டங்களை மேற்கொள்ளும் அல்லது திடீரென பயணம் செய்ய வேண்டிய பயணிகளுக்கு இது மிகவும் பயனுள்ளதாக இருக்கும்.

Waitlist Ticket

காத்திருப்பு டிக்கெட் அல்லது வெயிட் லிஸ்ட் டிக்கெட் என்பது ரயிலில் உள்ள அனைத்து இருக்கைகளும் முன்பதிவு செய்யப்பட்டவுடன் வழங்கப்படும் டிக்கெட் ஆகும். இந்த டிக்கெட்டில் காத்திருக்கும் வரிசையில் நீங்கள் இருக்கும் நிலையைக் குறிக்கும் எண்ணும் இருக்கும். உறுதிப்படுத்தப்பட்ட டிக்கெட்டுகள் ரத்து செய்யப்படும்போது, காத்திருப்பு டிக்கெட்டுகள் உறுதிப்படுத்தப்படும்.

Waitlist benefits

பயணிகள் காத்திருக்கும் கவலையின்றி இப்போது டிக்கெட்டுகளை முன்பதிவு செய்யலாம். பயணத் தேதிக்கு அருகில் டிக்கெட்டுகளை முன்பதிவு செய்யலாம்.
இந்த வசதி அனைத்து ரயில்களிலும் உள்ளது. பயணிகள் தங்கள் விருப்பப்படி எந்த வகுப்பிலும் டிக்கெட்டுகளை முன்பதிவு செய்யலாம். ஏசி மற்றும் ஏசி அல்லாத கோச்களிலும் வெயிட் லிஸ்ட் டிக்கெட் கிடைக்கும். ஐஆர்சிடிசி (IRCTC)
இணையதளம் அல்லது மொபைல் ஆப் மூலம் எளிதாக ஆன்லைனில் முன்பதிவு செய்யலாம்.

Types of Waitlist Tickets

ரயில்வேயில் பல வகையான காத்திருப்பு டிக்கெட்டுகள் உள்ளன. ஒவ்வொரு வகைக்கும் தனித்துவமான முக்கியத்துவம் மற்றும் முன்னுரிமை உள்ளது. GNWL என்பது பொதுவான காத்திருப்பு டிக்கெட். RLWL என்பது சிறிய ஸ்டேஷன்களுக்கான சிறப்பு காத்திருப்பு பட்டியல். PQWL என்பது வெவ்வேறு ஒதுக்கீடுகளுக்கான ஒருங்கிணைந்த காத்திருப்பு பட்டியல். RSWL என்பது ரயில் புறப்படும் நிலையத்திற்கான காத்திருப்பு பட்டியல். TQWL என்பது தட்கல் டிக்கெட்டுகளுக்கான காத்திருப்பு பட்டியல்.

Confirmation of Waitlist Ticket

வெயிட்லிஸ்ட் டிக்கெட் உறுதி செய்யப்படும் செயல்முறை தானியங்கி முறையில் நிகழ்கிறது. உறுதிப்படுத்தப்பட்ட டிக்கெட்டுகள் ரத்து செய்யப்படுவதால், அந்த இடங்கள் காத்திருப்பு பட்டியலில் உள்ளவர்களுக்கு வழங்கப்படுகின்றன. பயணத் தேதிக்கு முன் எந்த நேரத்திலும் வெயிட் லிஸ்டில் உள்ள டிக்கெட்டுகள் உறுதிப்படுத்தப்படலாம். இதனால் பயணிகள் தங்கள் PNR நிலையை அவ்வப்போது சரிபார்த்துக்கொள்ளலாம்.

Indian Railways Waitlist Ticket Booking

காத்திருப்பு டிக்கெட் ரத்துக்கான விதிகளை IRCTC மாற்றியுள்ளது. ரத்து கட்டணம் முன்பை விட மிகவும் குறைவு. இப்போது வெயிட்லிஸ்ட் டிக்கெட்டை ரத்து செய்ய ரூ.60 மட்டும் கட்டணமாக வசூலிக்கப்படும். இந்த விதி அனைத்து வகை ரயில்களுக்கும் (ஏசி மற்றும் ஏசி அல்லாதது) பொருந்தும்.

Waitlist Ticket Rules

காத்திருப்பு டிக்கெட் உறுதிசெய்யப்படவில்லை என்றால் அதை வைத்துக்கொண்டு ரயிலில் பயணிக்க முடியாது. அவ்வாறு பயணம் செய்வது சட்டவிரோதமானது. எனவே, டிக்கெட் உறுதிசெய்யப்படும் வரை காத்திருக்க வேண்டும். டிக்கெட் கன்ஃபார்ம் ஆகவில்லை என்றால் ரயிலில் பயணிக்க அனுமதி இல்லை.