அடேங்கப்பா! பிரதமர், ஆளுநர்களுக்கு இவ்வளவு சம்பளமா?; அதிக சம்பளம் வாங்கும் முதலமைச்சர் இவர்தான்!

இந்தியாவில் பிரதமர், ஆளுநர்கள், முதலமைச்சர்கள் மற்றும் எம்.பி.க்களுக்கு மாத சம்பளம் வழங்கப்படுகிறது. அது குறித்து விரிவாக பார்ப்போம்.

Prime Minister and , Governor

இந்தியாவில் மத்திய, மாநில அரசு ஊழியர்கள் மாத சம்பளம் பெறுகின்றனர். தனியார் நிறுவனங்களில் வேலை பார்ப்பவர்களுக்கும் அந்தந்த நிறுவனங்கள் சம்பளம் வழங்கி வருகின்றன. இதேபோல் மக்கள் சேவையில் ஈடுபட்டுள்ள குடியரசுத் தலைவர், குடியரசு துணைத் தலைவர், பிரதமர், மாநில ஆளுநர்கள், மாநில முதல்வர்களுக்கும் சம்பளம் வழங்கப்பட்டு வருவது உங்களுக்கு தெரியுமா? இது குறித்து இந்த செய்தியில் விரிவாக பார்க்கலாம்.

குடியரசுத் தலைவர்

இந்திய அரசின் தலைவராகவும், நாட்டின் முதல் குடிமகனாகவும் உள்ள குடியரசுத் தலைவர் திரெளபதி முர்முவுக்கு மாதம் ரூ.5 லட்சம் சம்பளம் கொடுக்கப்படுகிறது. இது தவிர குடியரசுத் தலைவருக்கு இலவச வீடு, 
இலவச மருத்துவ சிகிச்சைகளும், வாகன வசதியும் உண்டு. 

துணை குடியரசுத் தலைவர் 

இந்திய குடியரசு துணைத் தலைவர் ஜெகதீப் தங்கருக்கு மாதம் ரூ.4 லட்சம் சம்பளம் வழங்கப்படுகிறது. இது தவிர அவருக்கு வாகன வசதி, வீடு, மருத்துவ வசதிகள் ஆகியவையும் உள்ளது. 

PM Narendra Modi

பிரதருக்கு எவ்வளவு சம்பளம்?

இந்திய பிரதமர் மோடிக்கு தோராயமாக மாதம் ரூ.2,80,000 அடிப்படை சம்பளம் கொடுக்கப்பட்டு வருகிறது. 

மாநில ஆளுநர்கள் 

தமிழ்நாட்டின் ஆளுநர் ஆர்.என்.ரவி உள்பட அனைத்து மாநிலங்களின் ஆளுநர்களுக்கு மாதம்தோறும் ரூ.3.50 லட்சம் சம்பளம் வழங்கப்படுகிறது. இது பிரதமரை விட அதிகம் ஆகும். 

மாநில முதல்வர்களின் சம்பளம்?

இந்தியாவிலேயே அதிகம் சம்பளம் வாங்கும் முதல்வராக தெலங்கானா முதல்வர் ரேவந்த் ரெட்டி உள்ளார். அவருக்கு மாதம் ரூ.4,10,000 சம்பளம் கொடுக்கப்படுகிறது. இதற்கு அடுத்தபடியாக டெல்லி முதல்வர் அரவிந்த் கெஜ்ரிவாலுக்கு மாதம் ரூ.3,90,000 சம்பளம் அளிக்கப்பட்டு வருகிறது. உத்தரபிரதேச முதல்வர் யோகி ஆதித்யநாத் மாதம் ரூ.3,65,000 சம்பளம் பெறுகிறார். ஆந்திராவின் முதல்வர் சந்திரபாபு நாயுடு அலவன்ஸுடன் சேர்த்து ரூ.3,35,000 மாத சம்பளமாக பெற்று வருகிறார்.

Tamilnadu CM MK Stalin

மு.க.ஸ்டாலின் சம்பளம் என்ன?

தமிழ்நாடு முதல்வர் மு.க.ஸ்டாலின் மாதம்தோறும் ரூ.2.05,000 சம்பளம் வாங்கி வருகிறார். அண்டை மாநிலங்களை பொறுத்தவரை கேரள முதல்வர் பினராயி விஜயன் ரூ.1,85,000மும், கர்நாடக முதல்வர் சித்தராமையா ரூ.2,00,000மும் சம்பளம் பெற்று வருகின்றனர். நாட்டிலேயே குறைவான சம்பளம் வாங்கும் முதல்வராக திரிபுரா முதல்வர் மாணிக் சகா உள்ளார். அவருக்கு மாதம் ரூ.1,05,000 சம்பளம் வழங்கப்பட்டு வருகிறது.

DMK MP kanimozi

எம்.பி.க்களின் சம்பளம்

இந்திய எம்.பி.க்களுக்கு மாதம்தோறும் ரூ.1 லட்சம் சம்பளம் அளிக்கப்படுகிறது. 5 ஆண்டுகளுக்கு ஒருமுறை சம்பளம் உயரும். இது தவிர அவர்களுக்கு கூட்டங்களில் கலந்து கொள்ள பயணப்படி, ரயில்களில் முதல் வகுப்பு ஏசி பெட்டியில் இலவசம் உள்ளிட்ட பல்வேறு சலுகைகள் உண்டு.

தலைமை நீதிபதி, ஐஏஎஸ், ஐபிஎஸ் அதிகாரிகள் 

இந்திய தலைமை நீதிபதியின் மாத சம்பளம் ரூ.2.80 லட்சமாகும், உச்ச நீதிமன்ற நீதிபதிகளின் சம்பளம் ரூ.2.50 லட்சம் ஆகும். ஐ.ஏ.எஸ் மற்றும் ஐ.பி.எஸ் அதிகாரிகளை பொறுத்தவரை அவர்கள் வகிக்கும் பதவிகள் மற்றும் நிலையைப் பொறுத்து ரூ.50,000 முதல் ரூ.2,50,000 வரை சம்பளம் கிடைக்கும்.