Heart attack : இதய பிரச்சனை உள்ளவர்களுக்கு இலவச சிகிச்சை அளிக்கும் மருத்துவமனை.! எங்கே இருக்கிறது தெரியுமா?

கர்நாடக மாநிலம் ஹாசன் மாவட்டத்தில் அதிகரித்து வரும் மாரடைப்பு மரணங்களுக்கு இடையே, ஸ்ரீ மதுசூதன் சாய் இன்ஸ்டிடியூட் ஆஃப் மெடிக்கல் சயின்சஸ் அண்ட் ரிசர்ச் இலவச சிகிச்சை அளிக்கிறது. 

அதிகரிக்கும் மாரடைப்பு

நாளுக்கு நாள் அதிகரிக்கும் மாரடைப்பு

நவீன காலத்திற்கு ஏற்ப உணவு பழக்க வழக்கம் நாளுக்கு நாள் மாறி வருகிறது. இதன் காரணமாக திடீர் திடீரென மாரடைப்பு ஏற்பட்டு வருகிறது. அந்த வகையில் கர்நாடக மாநிலம் ஹாசன் மாவட்டத்தில் கடந்த வெறும் 40 நாட்களில் 22 பேர் மாரடைப்பால் உயிரிழந்தது பெரும் அதிர்ச்சியை ஏற்படுத்தியுள்ளது. 

இந்த சம்பவங்கள் குறித்து முதல்வர் உத்தரவின் பேரில் உயர்மட்ட விசாரணை நடைபெற்று வருகிறது. மாரடைப்பு மரணங்களுக்கு கோவிட் தடுப்பூசி காரணம் என்று சிலர் சந்தேகிக்கின்றனர். இந்த கருத்தை மத்திய அரசு மறுத்துள்ளது. ஆனாலும், ஹாசன் மக்களிடையே இன்னும் அச்சம் நீங்கவில்லை.

உதவிக்கரம் நீட்டும் ஸ்ரீ மதுசூதன் சாய் இன்ஸ்டிடியூட்

மக்களுக்கு உதவிடும் ஸ்ரீ மதுசூதன் சாய் இன்ஸ்டிடியூட்

இந்த நெருக்கடியான சூழலில், ஹாசன் மாவட்ட மக்களுக்கு ஸ்ரீ மதுசூதன் சாய் இன்ஸ்டிடியூட் ஆஃப் மெடிக்கல் சயின்சஸ் அண்ட் ரிசர்ச் ஆறுதல் அளிக்கிறது. இந்த அமைப்பு மாநிலத்தில் முத்தேனஹள்ளி அருகே 400 படுக்கைகள் கொண்ட சூப்பர் ஸ்பெஷாலிட்டி மருத்துவமனையை நடத்தி வருகிறது. கடந்த நான்கு ஆண்டுகளாக இந்த மருத்துவமனையில் அனைத்து மருத்துவ சேவைகளும் முற்றிலும் இலவசமாக வழங்கப்படுகின்றன.

உலகத்தரம் வாய்ந்த சிகிச்சை

இலவசமாக மருத்துவ சிகிச்சை

இந்த மருத்துவமனையில் இதய சிகிச்சை தொடர்பாக தேசிய மற்றும் சர்வதேச நிபுணர்களின் சேவைகள் வழங்கப்படுகின்றன. இங்கு அதிநவீன உபகரணங்களுடன், உலகத்தரம் வாய்ந்த சிகிச்சை அளிக்க ஏற்பாடுகள் உள்ளன. ஹாசன் மாவட்டத்தில் இதய நோய் பாதிப்பு அதிகரித்துள்ள நிலையில், பாதிக்கப்பட்டவர்களுக்கு முற்றிலும் இலவசமாக சிகிச்சை அளிக்கப்படும் என்று மருத்துவமனை நிர்வாகம் தெரிவித்துள்ளது.

இலவச அறுவை சிகிச்சைகள்

34ஆயிரத்திற்கும் மேற்பட்ட குழந்தைகளுக்கு சிகிச்சை

இந்த மருத்துவமனையை உலகளாவிய மனிதநேய, ஆன்மீகத் தலைவர் ஸ்ரீ மதுசூதன் சாய் மேற்பார்வையில் நடத்தப்படுகிறது. அவர் தொடங்கிய ஸ்ரீ சத்ய சாய் குளோபல் ஹியூமானிட்டேரியன் மிஷன் மூலம் இதுவரை நாடு முழுவதும் 34,000க்கும் மேற்பட்ட குழந்தைகளுக்கு இலவசமாக இதய அறுவை சிகிச்சைகள் செய்யப்பட்டுள்ளன. இது நாட்டிலேயே மிகவும் நம்பகமான சேவையாக அங்கீகரிக்கப்பட்டுள்ளது.

மருத்துவமனை விவரங்கள்

மருத்துவ சிகிச்சைக்கு தொடர்பு கொள்ள வேண்டிய தொலைபேசி எண்

08156 275811 (காலை 10:00 மணி முதல் மாலை 4:00 மணி வரை) தொடர்பு கொள்ளவும். முழு விவரங்களுக்கு இந்த வலைத்தளத்தை கிளிக் செய்யவும் மருத்துவமனை முகவரி: ஸ்ரீ மதுசூதன் சாய் இன்ஸ்டிடியூட் ஆஃப் மெடிக்கல் சயின்சஸ் அண்ட் ரிசர்ச், முத்தேனஹள்ளி, சத்ய சாய் கிராமம், சிக்கபல்லாப்பூர் மாவட்டம், கர்நாடகா.