மணிரத்னம் இயக்கத்தில் கமல் நடிக்கும் தக் லைஃப் படத்தில் சிம்பு நடிக்க மறுத்தது ஏன் என்பது பற்றி இந்த தொகுப்பில் விரிவாக பார்க்கலாம்.
பொன்னியின் செல்வன் படத்தின் பிரம்மாண்ட வெற்றிக்கு பின்னர் மணிரத்னம் இயக்கத்தில் புதிதாக உருவாகி வரும் திரைப்படம் தக் லைஃப். இப்படத்தில் உலகநாயகன் கமல்ஹாசன் ஹீரோவாக நடிக்கிறார். மேலும் இப்படத்தில் திரிஷா, மலையாள நடிகர் துல்கர் சல்மான், நடிகர் ஜெயம் ரவி ஆகியோரும் முக்கிய கதாபாத்திரத்தில் நடிப்பதாக நேற்று அதிகாரப்பூர்வ அறிவிப்பு வெளியானது. இப்படத்திற்கு ஏ.ஆர்.ரகுமான் இசையமைக்கிறார்.
தக் லைஃப் படத்தினை கமல்ஹாசனின் ராஜ்கமல் பிலிம்ஸ் நிறுவனமும், ரெட் ஜெயண்ட் மூவீஸ் நிறுவனமும் இணைந்து தயாரிக்க உள்ளது. நடிகர் கமலின் பிறந்தநாளை முன்னிட்டு தக் லைஃப் படத்தின் டைட்டில் டீசர் நேற்று மாலை வெளியிடப்பட்டது. அதில் நீளமான முடி, முறுக்கு மீசை, நரத்த தாடி என செம்ம மாஸாக காட்சியளித்த கமல், தான் இப்படத்தில் ரங்கராயா சக்திவேல் நாயக்கர் என்கிற கதாபாத்திரத்தில் நடிப்பதாக அறிவித்தார்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
இந்த நிலையில் தக் லைஃப் படத்தில் நடிகர் சிம்புவை முக்கிய கதாபாத்திரத்தில் நடிக்க வைக்க பேச்சுவார்த்தை நடந்ததாகவும், ஆனால் சிம்பு அதனை நிராகரித்துவிட்டதாகவும் கூறப்படுகிறது. அதன்படி இப்படத்தில் துல்கர் சல்மான் நடிக்கும் கேரக்டரில் முதலில் நடிக்க இருந்தது சிம்பு தானாம். ஆனால் அவர் நடிக்க மறுத்துவிட்டாராம். அதற்கு காரணம் எஸ்.டி.ஆர்.48 திரைப்படம் என கூறப்படுகிறது.
எஸ்.டி.ஆர்.48 படத்துக்காக நடிகர் சிம்பு முடியை நீளமாக வளர்த்து வருகிறாராம். ஆனால் தக் லைஃப் படத்தில் நடித்தால் அந்த கேரக்டருக்காக முடி மற்றும் தாடியை எடுக்க வேண்டிய சூழல் இருப்பதால் அந்த கேரக்டரில் நடிக்க மறுத்துவிட்டாராம் சிம்பு. அவரின் எஸ்.டி.ஆர் 48 படத்தை தேசிங்கு பெரியசாமி இயக்க உள்ளார். இப்படத்தையும் நடிகர் கமல்ஹாசனின் ராஜ்கமல் பிலிம்ஸ் நிறுவனம் தான் தயாரிக்கிறது.
இதையும் படியுங்கள்... நடிகைகளுக்கு தலைவலியாக மாறிய AI... ராஷ்மிகாவை தொடர்ந்து ஆபாச உடையில் சிக்கிய கத்ரீனா கைஃப்
சேனலை கிளிக் செய்து பின்தொடரவும்