கொல்கத்தா நைட் ரைடர்ஸ் அணிக்கு எதிரான முதல் குவாலிஃபையர் சுற்று போட்டியில் முதலில் பேட்டிங் செய்த சன்ரைசர்ஸ் ஹைதராபாத் அடுத்தடுத்து விக்கெட்டுகளை இழந்து 159 ரன்கள் மட்டுமே எடுத்தது.
அகமதாபாத் மைதானத்தில் சன்ரைசர்ஸ் ஹைதராபாத் மற்றும் கொல்கத்தா நைட் ரைடர்ஸ் அணிகளுக்கு இடையிலான முதல் தகுதிச் சுற்று போட்டி நடைபெற்று வருகிறது. இதில், டாஸ் வென்று முதலில் பேட்டிங் செய்த ஹைதராபாத் அடுத்தடுத்து விக்கெட்டுகளை இழந்து 159 ரன்கள் மட்டுமே எடுத்தது.
டிராவிஸ் ஹெட் மற்றும் அபிஷேக் சர்மா இருவரும் தொடக்க வீரர்களாக களமிறங்கினர். இதில், ஹெட் 2 பந்துகளில் ரன் ஏதும் எடுக்காமல் ஆட்டமிழந்தார். அபிஷேக் சர்மா 3 ரன்னில் வெளியேறினார். நிதிஷ் ரெட்டி 9 ரன்னிலும் ஷாபாஸ் அகமது 0 ரன்னிலும் வெளியேறினர்.
அடுத்து ராகுல் திரிபாதி மற்றும் ஹென்ரிச் கிளாசென் இருவரும் இணைந்து ஓரளவு ரன்கள் சேர்த்தனர். எனினும் கிளாசென் 32 ரன்களில் வெளியேறவே, ராகுல் திரிபாதி அரைசதம் அடித்த நிலையில் ரன் அவுட் முறையில் ஆட்டமிழந்தார்.
சன்வீர் சிங் 0 ரன்னிலும், அப்துல் சமாத் 16 ரன்னிலும், புவனேஷ்வர் குமார் 0 ரன்னிலும் ஆட்டமிழந்தனர். கடைசியாக பேட் கம்மின்ஸ் அதிரடி காட்ட சன்ரைசர்ஸ் ஹைதராபாத் 20 ஓவர்களில் அனைத்து விக்கெட்டுகளையும் இழந்து 159 ரன்கள் மட்டுமே எடுத்தது.
பவுலிங்கைப் பொறுத்த வரையில் கொல்கத்தா நைட் ரைடர்ஸ் அணியில் மிட்செல் ஸ்டார் 3 விக்கெட்டும், வருண் சக்கரவர்த்தி 2 விக்கெட்டும், வைபவ் அரோரா, ஹர்ஷித் ராணா, சுனில் நரைன், ஆண்ட்ரே ரஸல் ஆகியோர் தலா ஒரு விக்கெட்டுகள் கைப்பற்றினர்.
அகமதாபாத் மைதானத்தில் நடைபெற்ற கொல்கத்தா நைட் ரைடர்ஸ் அணிக்கு எதிரான போட்டியில் சன்ரைசர்ஸ் ஹைதராபாத் அணியானது 20 ஓவர்களில் அனைத்து விக்கெட்டுகளையும் இழந்து 159 ரன்கள் மட்டுமே எடுத்துள்ளது.
இந்த நிலையில் இந்தப் போட்டியில் ஆரம்பம் முதலே சன்ரைசர்ஸ் விக்கெட்டுகளை இழந்து வந்த நிலையில் அந்த அணியின் துணை உரிமையாளர் காவ்யா மாறன் அதிர்ச்சி மேல் அதிர்ச்சி அடைந்தார். முக்கியமான இந்தப் போட்டியில் ஹைதராபாத் வீரர்கள் இப்படி மோசமாக பேட்டிங் செய்து ஆட்டமிழந்தனர்.
இதனால் அதிர்ச்சி அடைந்த காவ்யா மாறன் கடைசி வரை சிரிக்கவே இல்லை. அவரது ரியாக்ஷன் ஒவ்வொன்றும் ஒவ்வொரு விதமாக பதில் அளிக்கும் வகையில் இருந்துள்ளது என்பது குறிப்பிடத்தக்கது. எனினும், இந்தப் போட்டியில் சன்ரைசர்ஸ் ஹைதராபாத் தோல்வி அடைந்தால் 2ஆவது தகுதிச் சுற்று போட்டியில் விளையாடும். இந்த போட்டி சென்னையில் நடைபெறுகிறது என்பது குறிப்பிடத்தக்கது.