கோலிவுட் ரீவைண்டு! தளபதி vs குணா... 1991 தீபாவளிக்கு வந்த கமல், ரஜினியின் மாஸ்டர் பீஸ் படங்கள்... ஆனா ரிசல்ட்?

1991-ம் ஆண்டு தீபாவளிக்கு போட்டி போட்டு திரைக்கு வந்த ரஜினிகாந்தின் தளபதி மற்றும் கமல்ஹாசனின் குணா ஆகிய படங்களைப் பற்றி பார்க்கலாம்.

Thalapathy, guna

தமிழ் சினிமாவில் சம கால நடிகர் என்றாலே போட்டி நிச்சயம் இருக்கும். அப்படி தன் தமிழ் சினிமாவில் சம்கால நடிகர்களாக அறிமுகமாகி இன்று சூப்பர்ஸ்டாராக உயர்ந்திருப்பவர்கள் தான் ரஜினி, கமல். இவர்கள் இருவரும் இன்றளவும் நண்பர்களாக இருந்தாலும் சினிமாவில் இவர்களுக்கு எப்போதுமே கடுமையான போட்டி என்பது இருந்துகொண்டு தான் இருக்கிறது. அதுவும் 1990-களில் ரஜினி, கமல் படங்கள் போட்டியாக வெளிவந்தால் ரசிகர்கள் மோதலுக்கும் பஞ்சமிருக்காது.

Kamal, Rajini

அந்த வகையில் கடந்த 1991-ம் ஆண்டு தீபாவளிக்கு போட்டி போட்டு ரிலீசான படங்கள் தான் ரஜினியின் தளபதி மற்றும் கமல்ஹாசனின் குணா. அந்த தீபாவளிக்கு இப்படங்களோடு, விஜயகாந்தின் மூன்றெழுத்தில் என் மூச்சிருக்கும், சத்யராஜ் நடிப்பில் பிரம்மா, ராம்கி நடித்த பிள்ளைப்பாசம், பிரவின் தாலாட்டு கேக்குதம்மா, ராமராஜன் நடித்த நெஞ்சமுண்டு நேர்மையுண்டு ஆகிய திரைப்படங்களும் ரிலீஸ் ஆகின. ஆனால் ரஜினி - கமல் படங்களின் மோதலில் இவையெல்லாம் காணாமல் போனது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Thalapathy movie

இதில் தளபதி படத்துக்கு மிகப்பெரிய எதிர்பார்ப்பு இருந்தது. ஏனெனில் மணிரத்னம் செம்ம பார்மில் இருந்த சமயத்தில் ரஜினி உடன் அவர் கூட்டணி அமைத்த முதல் படம் தளபதி தான். அதுமட்டுமின்றி அப்படத்திற்கு இளையராஜா இசை என்பதால் அதுவும் ஒரு தனிச்சிறப்பாக அமைந்தது. அதோடு ரஜினியுடன் மலையாள நடிகர் மம்முட்டியும் நடித்திருந்ததால் கேரளாவிலும் இப்படத்திற்கு மவுசு இருந்தது.

ரஜினி என்றாலே அவரது ஸ்டைல் தான் அனைவரையும் கவர்ந்தது என்பதை புரிந்துகொண்டு, தளபதி படத்தில் சூப்பர்ஸ்டாருக்கென தனி ஸ்டைலை கொடுத்து அசத்தினார் மணிரத்னம். அதுமட்டுமின்றி தளபதி படத்தின் பாடல்கள் இன்றளவும் கொண்டாடப்படுவதற்கு இளையராஜாவின் கைவண்ணம் தான் காரணம். அதில் இடம்பெற்ற ராக்கம்மா கையத்தட்டு பாடல் முதல் சுந்தரி கண்ணால் ஒரு சேதி பாடல் வைரை ஒவ்வொன்று ஒரு ரகம். இப்படி திறமையாளர்களின் சங்கமமாக அமைந்த இப்படம் பாக்ஸ் ஆபிஸில் வசூலை வாரிக்குவித்து வெற்றி கண்டது.

Guna movie

தளபதி படத்தோடு ஒப்பிடுகையில் குணா பாக்ஸ் ஆபிஸில் பெரியளவில் சோபிக்காமல் தோல்வியை தழுவினாலும், அது இன்றளவும் கொண்டாடப்படும் படமாகவே உள்ளது. சந்தானபாரதி இயக்கிய இப்படத்திற்கும் இளையராஜா தான் இசையமைத்து இருந்தார். ‘மனிதர் உணர்ந்துகொள்ள இது மனிதக் காதல் அல்ல... அதையும் தாண்டி புனிதமானது’ என்பது தான் குணா படத்தின் ஒன்லைன்.

அப்படத்தில் பல்வேறு சிறப்பம்சங்கள் உள்ளன. இதில் கமல்ஹாசன் பேசும் அபிராமி... அபிராமி என்கிற டயலாக் இன்று ஒரு மீம் டெம்பிளேட் ஆகவே உள்ளது. அதேபோல் கொடைக்கானலில் உள்ள ஒரு குகையில் இப்படம் படமாக்கப்பட்டதை அடுத்து அதற்கு குணா குகை என பெயர் வந்ததோடு, இன்று முக்கிய சுற்றுலாக் தலமாகவும் உள்ளது. அதோடு இளையராஜாவின் இசையில் கண்மணி அன்போடு காதலன் பாடலை விரும்பாத ஆளே இருக்க முடியாது. இப்படி ரிசல்ட் வெவ்வேறாக இருந்தாலும் தளபதி, குணா இரண்டுமே தமிழ் சினிமாவின் மாஸ்டர் பீஸ் படங்கள் என்பது குறிப்பிடத்தக்கது.

இதையும் படியுங்கள்... பெண்களுக்கு பாதுகாப்பு இல்லைனு துரத்திய கமலுக்கு ரெட் கார்டை வைத்தே தரமான பதிலடி கொடுத்த பிரதீப் - வைரல் photo