மீண்டும் மீண்டும் பார்க்க தூண்டும்.. ரொம்பவும் லாஜிக்கா எடுக்கப்பட்ட டாப் 4 தமிழ் படங்கள் - லிஸ்ட் இதோ!

Kollywood Movies : கோலிவுட் திரை உலகில் ஒரு வருடத்திற்கு பலநூறு திரைப்படங்கள் வெளியாகின்றது. அவை அனைத்துமே நமது மனதிற்கு பிடித்தமான படங்கள் என்றாலும், வெகு சில படங்கள் மட்டுமே நம் மனதிற்கு மிகவும் நெருக்கமான திரைப்படங்களாக மாறுகிறது.

Thozha

அந்த வகையில் தமிழ் திரையுலகில் வெளியான சில திரைப்படங்கள் மிகவும் நேர்மையாக எடுக்கப்பட்ட திரைப்படங்களாகவே நமக்கு தெரிகின்றது. அதாவது அந்த திரைப்படத்தில் லாஜிக்காககூட எந்த விதமான தவறுகளையும் நம்மால் சொல்ல முடியாது. 

அப்படிப்பட்ட ஒரு படம் தான் தோழா, வாரிசு படத்தை இயக்கி புகழ்பெற்ற வம்சியின் படம் இது. 2011ம் ஆண்டு வெளியான ஒரு French மொழி படத்தின் கதையை தழுவி எடுக்கப்பட்ட படம். உடல் செயலிழந்த, அதே சமயம் தலை மட்டும் அசைகின்ற ஒரு பணக்காரர். அவரது வீட்டில் பணிவடை பணிக்காக வரும் ஹீரோ. தன்னுடைய வாழ்க்கைக்கு தேவையானது வரும்போது, அதை தேடி நகருகிறார். இதுவரை தான் வேலை செய்து வந்த எஜமானருக்கு அவருடைய எதிர்காலத்தையும் ஏற்படுத்திக் கொடுக்கிறார். எந்த இடத்திலும் சுவாரசியம் குறையாமல், ஆனால் தேவைக்கு அதிகமாகவும் இல்லாமல் பயணிக்கும் இந்த படம்.

kadhalum kadanthu pogum

நலம் குமாரசாமி இயக்கத்தில் வெளியான விஜய் சேதுபதியின் "காதலும் கடந்து போகும்". ஐடி வேலை தேடி நகரத்திற்கு செல்லும் ஒரு பெண். வேலைபார்த்த நிறுவனம் மூடப்படுகிறது, மீண்டும் ஊருக்கு செல்ல மனமின்றி, ஒரு வீட்டில் குடியேறுகிறார். அதே பகுதியில் பார் ஒன்றை வாங்க வேண்டும் என்ற ஆசையோடு ரவுடி கும்பலிடம் வேலைபார்க்கும் ஹீரோவும் இருக்கின்றார். இவர்கள் இருவருக்கும் இடையே நடக்கும் எதார்த்தமான சம்பவங்களின் கோர்வையாக இந்த திரைப்படம் மிக நேர்த்தியாக அமைக்கப்பட்டிருக்கும். எத்தனை முறை பார்த்தாலும் அழுக்காத ஒரு திரைப்படமாக இருக்கிறது.

Aandavan kattalai

2016ம் ஆண்டு மணிகண்டன் இயக்கத்தில், விஜய் சேதுபதி நடிப்பில் "ஆண்டவன் கட்டளை" என்கிற திரைப்படம் நிச்சயம் பலருடைய விருப்பப்பட்டியிலில் இருக்கும். வெளிநாட்டுக்கு கள்ளத்தனமாக சென்று வேலை செய்ய முயலும் ஒரு இளைஞன், சொந்த ஊரை விட்டு சென்னை வந்தால் எவ்வளவு கஷ்டப்படுவார் என்பதை மிகவும் எதார்த்தமான கதைகளத்தில் மணிகண்டன் கூறிய திரைப்படம். வசூல் ரீதியாக இந்த திரைப்படம் வெற்றி பெறவில்லை என்றாலும், மக்கள் மத்தியில் இந்த திரைப்படத்திற்கு பெரிய ஆதரவு கிடைத்தது.

evano oruvan

மாதவன் நடிப்பில் நிஷிகாந்த் இயக்கத்தில் வெளியான "எவனோ ஒருவன்" என்கின்ற திரைப்படம் ஆண்டுகள் பல கடந்தும் பலருக்கு பிடித்தமான படங்களில் ஒன்று. "ஸ்ரீதர் வாசுதேவன்" என்கின்ற கதாபாத்திரத்தில் மாதவன் நேர்த்தியாக நடித்திருப்பார். ஒரு வங்கியில் வேலை செய்யும் நடுத்தர குடும்பத்தை சேர்ந்த மனிதன், தனது வாழ்க்கையில் அனைத்தையும் சரியாக பின்பற்றி, மற்றவர்களும் சரியாக இருக்க வேண்டும் என்று நினைக்கும் ஒரு மனிதன். 

சமுதாயம் செய்யும் தவறுகளால் ஒரு கட்டத்தில் என்கவுன்ட்டர் செய்யப்படும் அளவிற்கு சட்டத்தை மீறி குற்றம் செய்து மாண்டுபோகிறார். பல சராசரி மனிதர்களின் வாழ்க்கையோடு ஒத்துப் போகும் ஒரு கதையாக இது இருந்தது என்று பல விமசகர்கள் கூறினார்கள் என்பது குறிப்பிடத்தக்கது.