7 Seater Cars : இந்திய சந்தையில் அடுத்த சில ஆண்டுகளில் ஏழு இருக்கைகள் கொண்ட SUV-கள் மற்றும் MPV-கள் அறிமுகம் செய்யப்பட உள்ளது. இவற்றில் பல, இந்த ஆண்டே வெளியாகும் என்று எதிர்பார்க்கப்படுகிறது.
டொயோட்டா ஃபார்ச்சூனர் காருக்கு போட்டியாக கடந்த 2020ம் ஆண்டு முதல் விற்பனையாகி வரும் கார் தான் எம்ஜி க்ளோஸ்டர். அந்த கார் இப்போது மிட்-லைஃப் மேக்ஓவர் செய்யப்பட உள்ளது. க்ளோஸ்டர் ஃபேஸ்லிஃப்ட் இந்த ஆண்டு இறுதிக்குள் இந்தியாவில் அறிமுகப்படுத்தப்படும் என்று ஜனவரியில் அறிவிப்பு வெளியானது. புதிய ஹெட்லேம்ப்கள், பெரிய கிரில், புதிய டெயில்-லேம்ப்கள், புதுப்பிக்கப்பட்ட பம்பர்கள் மற்றும் ஏற்கனவே இருக்கும் மாடலில் சில கூடுதல் அம்சங்கள் போன்ற மாற்றங்களை இதில் எதிர்பார்க்கலாம். இந்திய சந்தையில் சுமார் 36 லட்சம் என்ற விலையில் இது அறிமுகமாகலாம்.
நான்காவது தலைமுறை "கியா கார்னிவல்" எதிர்வரும் பண்டிகை காலத்தில் இந்தியாவிற்கு வரும் என்று எதிர்பார்க்கப்படுகிறது. இந்த MPV (Multi Person Vehicle) ஆனது சமீபத்தில் வெகுஜன மக்களுக்கு முன்னே சோதனைக்கு உட்படுத்தப்பட்டது. மேலும் இதன் உட்புறம் உலகளாவிய அளவில் ஸ்பெக் கொண்ட கார் மாடலைப் போலவே இருக்கும் என்று எதிர்பார்க்கப்படுகிறது. 2.2 லிட்டர் டீசல் எஞ்சின் கொண்டு செல்லப்படும் இந்த கார் சுமார் 40 லட்சம் என்ற விலையில் இந்தியாவில் அறிமுகமாகலாம்.
இந்த ஆண்டின் தொடக்கத்தில் ஹ்யுண்டாய் நிறுவனம் தனது "க்ரெட்டாவுக்கு" ஒரு மேக்ஓவரை வழங்கிய பிறகு, இப்போது அதன் மூன்று வரிசை கொண்ட, ஃபேஸ்லிஃப்ட் செய்யப்பட்ட காரை விரைவில் வெளியிட உள்ளது. ஹ்யுண்டாய் நிறுவனத்தின் க்ரெட்டாவுடன் ஒப்பிடும்போது இந்த புதிய "அல்காசர்" ஃபேஸ்லிஃப்ட் கார் சற்று வித்தியாசமான ஸ்டைலிங் கொண்டிருக்கும் என்று கூறப்படுகிறது. ADAS பாதுகாப்பு அம்சங்களுடன் பொருத்தப்பட்டிருக்கும் Alcazar ஃபேஸ்லிஃப்ட் 17 முதல் 22 லட்சம் என்ற விலையில் அறிமுகமாகலாம்.
சென்னையில் வலம் வரும் ‘புஜ்ஜி’ கார்! பிரபாஸின் கல்கி படத்தில் பயன்படுத்திய எதிர்கால கார்!