3D நோட்பேட், வாட்ச் பட்ஸ்.. அடேங்கப்பா இவ்வளவு கேட்ஜெட்ஸ் வந்துவிட்டதா!

முப்பரிமாண டிஸ்ப்ளே கொண்ட நோட்பேட், இயர்பட்டுடன் கூடிய ஸ்மார்ட்வாட்ச் என புத்தம் புதிய நவீன தொழில்நுட்ப கேட்ஜெட்கள் அறிமுகமாகியுள்ளன. இது குறித்த விரிவான விவரங்களை இங்குக் காணலாம். மொபைல் வேர்ல்டு காங்கிரஸ் 2023 அண்மையில் நடைபெற்றது. இதில் பல்வேறு டெக் தயாரிப்புகள் அறிமுகப்படுத்தப்பட்டு டெமோ காட்சியாக வைக்கப்பட்டிருந்தன அவற்றில் குறிப்பிடத்தக்க வகையில் ஆறு அற்புத கேட்ஜெட்கள் பயனர்கள் மத்தியில் நல்ல வரவேற்பைப் பெற்றன.  

1. Nubia Pad 3D

நுபியா பேட் 3டி என்பது நோட்பேட் பிரியர்களுக்காக புதிதாக வடிவமைக்கப்பட்டுள்ள முப்பரிமாண நோட்பேட் ஆகும். இது கிட்டத்தட்ட 3டியில் எழுத்துக்கள், படங்கள், வீடியோக்களைப் பார்க்கக்கூடிய டேப்லெட் என்றே சொல்லலாம். அதுவும் 3D கண்ணாடிகள் இல்லாமலே பார்க்கலாம்.

இந்த டேப்லெட்டில் 12.4-இன்ச் அளவிலான டிஸ்ப்ளே, டிஃப்ராக்டிவ் லைட்ஃபீல்ட் பேக்லைட்டிங் லேயருடன் (DLB) வருகிறது. இதில் எளிமையான முறையில், முப்பரிமாண கோணத்தில் வீடியோக்களை மாற்றிக் கொடுக்கிறது. அதற்காக டிஸ்ப்ளேக்கு அருகில் சென்சார்கள் உள்ளன, அவை நீங்கள் பார்க்கும் கோணத்தை கண்டறிந்து அதற்கேற்ப 3D எஃபெக்ட்டை வழங்குகிறது.

டேப்லெட்டில் டூயல் கேமராக்கள் உள்ளன. பின்புறத்தில் 16 மெகாபிக்சல் கேமராக்கள் அடங்கிய டூயல் கேமராவும், முன்பக்கத்தில் 8 மெகாபிக்சல் கேமராவும் உள்ளன. இவை அனைத்தும் 3D படங்கள் மற்றும் வீடியோக்களை உருவாக்க உதவுகிறது. டேப்லெட்டை வழக்கம் போல் இயக்கலாம். எதிர்பாரத அளவில் இந்த நோட்பேடில் குவால்காம் ஸ்நாப்டிராகன் 888 பிராசசர் உள்ளது. இது நல்ல திறன்வாய்ந்த பிராசசர் ஆகும்.

2. Huawei Watch Buds

ஸ்மார்ட்வாட்ச்சையும், இயர் பட்ஸையும் ஒருங்கிணைத்து வாட்ச் பட்ஸ் என்ற பெயரில் புதிய கேட்ஜெட்டை ஹூவாய் நிறுவனம் தயாரித்துள்ளது. அதாவது ஸ்மார்ட்வாட்ச்க்கான கேஸை அப்படியே TWS இயர்பட்ஸாக மாற்றியமைத்ததுள்ளது. இதில் 1.43 இன்ச் அமோலெட் டிஸ்ப்ளே உள்ளது. அதை திருப்பினால் வாட்ச்சுக்குள்  ஒரு ஜோடி TWS இயர்பட்ஸ் வைக்கப்பட்டுள்ளது. 

நாய்ஸ் கேன்சலேஷன், பிரீமியம் தோற்றம், காது உணர் சென்சார் நுட்பங்களுடன் இயர்பட்ஸ் உருவாக்கப்பட்டுள்ளது. இதே போல் ஸ்மார்ட்வாட்ச்சில் இதய துடிப்பு சென்சார், கைரோஸ்கோப், ஆப்டிகல் சென்சார் என பல்வேறு நுட்பங்கள் உட்புகுத்தப்பட்டுள்ளன.

3. Lenovo ரோலிங் டிஸ்ப்ளே நோட்புக்: 

லெனவோ தரப்பில் ரோலிங் டிஸ்ப்ளேவுடன் கூடிய ஸ்மார்ட் நோட்புக் அறிமுகமாகியுள்ளது. இது பார்ப்பதற்கு கைக்கு அடக்கமாக இருக்கும். பக்கவாட்டில் உள்ள ஒரு பட்டனை அழுத்தினால் போதும், நோட்புக் அப்படியே விரிந்து டிஸ்ப்ளே அளவு அதிகரிக்கிறது.

இருப்பினும், லேப்டாப்பில் இதேபோன்ற காட்சி வைக்கப்பட்டபோது, ​​அது வித்தியாசமாகத் தோன்றியது. இயல்பு நிலையில் லெனோவா 4:3 விகிதத்துடன் 12.7 இன்ச் டிஸ்ப்ளேவாக வருகிறது. பக்கவாட்டில் பட்டனை அழுத்தியபிறகு,  8:9 விகிதத்துடன் 15.3 அங்குலம் வரை விரிகிறது. இது தொழில்நுட்ப ரீதியாக கவர்ச்சிகரமானதாக இருக்கிறது, ஆனால் எந்தளவு பயனுள்ளதாக அமையும் என்பது குறித்து இனி தான் தெரியவரும்.