ப்ளீஸ் வேணாம் விட்டுடுங்க! நான் உங்க பொண்ணு மாதிரி! கதறியும் விடாமல் பாலியல் தொந்தரவு கொடுத்தவருக்கு ஆப்பு.!

9 வயது சிறுமிக்கு பாலியல் தொந்தரவு கொடுத்த வாலிபருக்கு போக்சோ சட்டத்தின் கீழ் 5 ஆண்டுகள் சிறை தண்டனை விதித்து தேனி மகிளா நீதிமன்றம் பரபரப்பு தீர்ப்பு வழங்கியுள்ளது.

rape

தேனி மாவட்டம் பெரியகுளம் தாலுகாவிற்கு உட்பட்ட பகுதியைச் சேர்ந்த ரஹீம் என்ற கமர்தீன் (47). இவர் பெட்டிக்கடை நடத்தி வருகிறார். கடந்த 2020ம் ஆண்டு அவரது கடைக்கு தின்பண்டம் வாங்க வந்த 9 வயது சிறுமியை பாலியல் ரீதியாக தொல்லை கொடுத்து துன்புறுத்தியுள்ளார். இதுதொடர்பாக வெளியில் சொன்னால் கொலை செய்து விடுவதாக மிரட்டியுள்ளார். 

அப்படி இருந்த போதிலும் பாதிக்கப்பட்ட சிறுமி பெற்றோரிடம் கூறி கதறி அழுதுள்ளார். இதுதொடர்பாக பெற்றோர் அளித்த புகாரின் அடிப்படையில் தேனி அனைத்து மகளிர் காவல் நிலையத்தில் வழக்கு பதிவு செய்யப்பட்டது. மேலும் இந்த வழக்கு விசாரணையானது தேனி மாவட்ட ஒருங்கிணைந்த நீதிமன்றத்தில் உள்ள மகிளா நீதிமன்றத்தில் நடைபெற்று வந்தது. அனைத்து தரப்பு வாதங்களும் நிறைவு பெற்றதை அடுத்து தீர்ப்பு ஒத்திவைக்கப்பட்டது. 

court hammer

இந்நிலையில்,  சிறுமியை பாலியல் ரீதியான துன்புறுத்தல் செய்தது உறுதி செய்யப்பட்டதை அடுத்து ரஹீம் என்ற கமர்தீனுக்கு போக்சோ சட்டத்தின் கீழ் ஐந்து ஆண்டுகள் சிறை தண்டனையும், ரூ.1000 அபராதமும் விதித்து தேனி மகிளா நீதிமன்ற நீதிபதி கோபிநாதன் தீர்ப்பு வழங்கினார். அபராதம் கட்ட தவறினால் மேலும் ஒரு மாதம் சிறை தண்டனை விதிக்கப்படும் என நீதிபதி கூறியுள்ளார்.