விஜய் டி.வி.யின் பிரபல தொகுப்பாளியாக வலம் வருபவர் திவ்யதர்ஷினி. க்யூட்டான ஸ்மைல், கலகலப்பான பேச்சால் கவரப்பட்ட ரசிகர்கள் இவரை செல்லமாக டிடி என அழைக்கின்றனர். இவரது சகோதரி ப்ரியதர்ஷினியும் தொகுப்பாளியாக உள்ளார்.
திவ்ய தர்ஷினி விஜய் தொலைக்காட்சியில் ஒளிபரப்பான ஏராளமான நிகழ்ச்சிகளை தொகுத்து வழங்கி வருகிறார்.
இவற்றில் பெரும்பாலானவை சூப்பர் டூப்பர் ஹிட்டடித்தவை. “ஜோடி நம்பர்1”,“சூப்பர் சிங்கர்”, “காபி வித் த டிடி”, “ஹோம் ஸ்வீட் ஹோம்” போன்ற பல நிகழ்ச்சிகளை தொகுத்து வழங்கியுள்ளார்.
15 வருடங்களுக்கு மேல் தொகுப்பாளினியாக இருக்கும், இவர் சீரியல் மற்றும் திரைப்படங்களிலும் நடித்துள்ளார். விஜய் டி.வி.யின் செல்ல பிள்ளையாக வலம் வரும் டிடி தொகுத்து வழங்கும் அனைத்து நிகழ்ச்சிகளுமே டி.ஆர்.பி.யில் வேற லெவல் இடத்தை பிடித்துவிடுகிறது.
முன்னணி தொகுப்பாளினியாக இருக்கும் போதே தனது நண்பரான ஸ்ரீகாந்த் ரவிச்சந்திரன் என்பவரை காதலித்து, கடந்த 2014 ஆம் ஆண்டு திருமணம் செய்து கொண்டார். ஆனால் திருமணமான ஒரு வருடத்திற்குள்ளேயே இருவரும் கருத்து வேறுபாடு காரணமாக விவாகரத்து செய்து கொண்டனர்.
விவாகரத்து பின்னர், திரைப்படங்களில் நடிப்பதிலும்... மாடலிங் போட்டோ கிராபி, ஆல்பம் பாடங்களில் நடிப்பது போன்றவற்றில் தன்னுடைய கவனத்தை செலுத்தினார்.
விவாகரத்து குறித்து யாரேனும் கேள்வி எழுப்பினால், முடிந்ததை பற்றி நினைத்து டைம் வேஸ்ட் பண்ண கூடாது, வாழ்க்கையில் கடந்து செல்ல வேண்டியது நிறைய உள்ளது, எனவே அடுத்தடுத்த அடியை எடுத்து வைத்து செல்ல வேண்டும் என்பது போல், மிகவும் பாசிட்டிவாக பதில் கொடுத்து வந்தார்.
திவ்ய தர்ஷினி - ஸ்ரீகாந்த் தம்பதிகளுக்கு விவாகரத்து ஆகி 5 வருடங்களுக்கு மேல் ஆகும் நிலையில், தற்போது டிடியின் முன்னாள் கணவர் ஸ்ரீகாந்த் வேறு பெண் ஒருவருடன் மிகவும் நெருக்கமாக உள்ளது போன்ற புகைப்படம் வெளியாகியுள்ளது.
எனவே, ஸ்ரீகாந்த் இரண்டாம் திருமணம் செய்துகொண்டாரா? இவர் தான் அவரது இரண்டாவது மனைவியா என்கிற சந்தேகத்தை பலர் எழுப்பி வருகிறார்கள். படு வைரலாகி வரும் அந்த புகைப்படம் இதோ...
சேனலை கிளிக் செய்து பின்தொடரவும்