இந்தியாவின் டாப் 5 நடிகர்கள்.. அவர்கள் வீட்டை அலங்கரிக்கும் டாப் 5 காஸ்ட்லி கார்ஸ்! லிஸ்டில் First யாரு?

Top 5 Costly of Cine Actors : இந்திய திரையுலகையை பொருத்தவரை சில கோடிகளில் இருந்து பல கோடி மதிப்பிலான கார்களை முன்னணியின் நடிகர்கள் பலர் தங்கள் வசம் வைத்திருப்பது குறிப்பிடத்தக்கது.

Indian Actors

அந்த வகையில் இந்திய திரையுலகை பொறுத்தவரை டாப் 5 விலை உயர்ந்த காரை வைத்திருக்கும் டாப் 5 நடிகர்கள் பற்றி இந்த பதிவில் காணலாம். இந்த பட்டியலில் ஐந்தாவது இடத்தில் இருப்பது பிரபல பாலிவுட் நடிகர் சஞ்சய் தத் தான். அண்மையில் தளபதி விஜயின் லியோ படத்தில் அவருடைய தந்தையாக நடித்து அசத்தியிருப்பார். மிக பெரிய கார் விரும்பியான இவர், ரோல்ஸ் ராய்ஸ் நிறுவனம் தயாரிக்கும் "கோஸ்ட்" என்கின்ற ஒரு விலை உயர்ந்த காரை வைத்திருக்கிறார். அந்த காரின் தற்போதைய விலை சுமார் 6.5 கோடி ரூபாயிலிருந்து 8 கோடி ரூபாய் வரை இருக்கும் என கணக்கிடப்பட்டுள்ளது. 

prabhas

மேலும் இந்த பட்டியலில் 4ம் இடத்தில் இருப்பது பிரபல டோலிவுட் நடிகர் பிரபாஸ் தான். இவரும் பிரபல ரோல்ஸ் ராய்ஸ் நிறுவனத்தின் Phantom காரை வைத்திருக்கிறார். இதன் தற்போதைய விலை சுமார் 10 கோடி ரூபாயாகும். பூஜ்ஜியத்தில் இருந்து 60 கிலோ மீட்டர் வேகத்தை எட்ட இந்த வண்டிக்கு வெறும் 4.5 வினாடிகளே தேவைப்படும் என்பதுதான் இந்த வண்டியின் சிறப்பம்சம். ஆனால் அவ்வளவு வேகத்தில் இந்த வண்டி பயணித்தாலும், காருக்குள் அமர்ந்திருக்கும் பயணிகளுக்கு ஏதோ மிதவையில் மிதப்பது போன்ற சொகுசு கிடைக்கும் என்பது குறிப்பிடத்தக்கது.

Shah Rukh Khan

இந்த சொகுசு கார் பட்டியலில் மூன்றாம் இடத்தில் இருப்பது பிரபல பாலிவுட் நடிகர் ஷாருக்கான் தான். அவரிடம் இருக்கும் பல விலை உயர்ந்த கார்களில் ஒன்று தான் Buggati Veyron. இந்த காரின் விலை சுமார் 12 கோடியாகும். வெளிநாட்டிலிருந்து இந்த கார்கள் ஆரம்ப காலத்தில் இம்போர்ட் செய்யப்பட்டு இந்தியாவிற்கு கொண்டு வரப்பட்ட நிலையில், தற்போது இந்தியாவில் இந்த கார்கள் விற்பனையில் உள்ளது. பூஜ்ஜியத்தில் இருந்து 100 கிலோமீட்டர் வேகத்தை எட்டவே இந்த வண்டிக்கு வெறும் 5 வினாடிகள் மட்டுமே தேவைப்படும் என்பது குறிப்பிடத்தக்கது.

Amitabh Bachchan

அடுத்தபடியாக இந்த பட்டியலில் இரண்டாம் இடத்தில் இருப்பது பாலிவுட் உலகின் சாயின்ஷா என்று அனைவராலும் அன்போடு அழைக்கப்படும் அமிதாப்பச்சன் தான். அவரிடம் மெர்சிடிஸ் பென்ஸ் நிறுவனத்தின் எஸ் 600 என்ற வகை கார் உள்ளது. பல சொகுசு அம்சங்களும், பார்ப்பதற்கே ஒரு குட்டி ரதம் போல தோன்றும் இந்த காரின் விலை சுமார் 12.30 கோடி ரூபாய். இது அமிதாப்பச்சனிடம் உள்ள பல சொகுசு கார்களில் ஒன்றாகும்.

Rajinikanth

மேலும் இந்த பட்டியலில் முதலிடத்தில் இருப்பது கோலிவுட் உலகின் சூப்பர் ஸ்டார் ரஜினிகாந்த் தான். சென்டிமெண்டாக அவரிடம் பல கார்கள் இருந்தாலும், அவரிடம் உள்ள பெண்ட்லி நிறுவனத்தின் "லிமோஸ்" ரக கார் மிகவும் விலை உயர்ந்த காராகும். அதன் விலை சுமார் 22 கோடி என்று கூறப்படுகிறது.