JioHotstar-ல் உள்ள டாப் 3 டக்கரான தமிழ் த்ரில்லர் மூவீஸ்... ஒவ்வொன்னும் வேற லெவல்ல இருக்கும்..!

முன்னணி ஓடிடி தளங்களில் ஒன்றான ஜியோ ஹாட்ஸ்டாரில் எக்கச்சக்க படங்கள் நிரம்பி இருக்கின்றன. அதில் மிஸ் பண்ணாம பார்க்க வேண்டிய டாப் 3 தமிழ் த்ரில்லர் படங்கள் பற்றி இந்த தொகுப்பில் பார்க்கலாம்.

Tamil Thriller Movies on JioHotstar

த்ரில்லர் படங்களுக்கு எப்பவுமே மவுசு உண்டு. அடுத்த என்ன நடக்கும் என்கிற எதிர்பார்ப்போடு ரசிகர்களை சீட்டின் நுனிக்கே வர வைக்கும் த்ரில்லர் படங்கள் ஏராளம் உண்டு. தமிழிலும் சில அண்டர்ரேட்டடான த்ரில்லர் படங்கள் இருக்கின்றன. அதில் மூன்று த்ரில்லர் படங்களைப் பற்றி தான் இந்த தொகுப்பில் பார்க்க இருக்கிறோம். இந்த மூன்று படங்களுமே ஜியோ ஹாட்ஸ்டார் ஓடிடி தளத்தில் ஸ்ட்ரீம் ஆகி வருகின்றன. இதை முதன்முறையாக பார்ப்பவர்கள், இப்படி ஒரு படத்தை இவ்வளவு நாள் மிஸ் பண்ணிட்டோமே என ஃபீல் பண்ணுவீங்க. அந்த அளவுக்கு தரமான படமாக இருக்கும்.

ரங்கூன்

தங்கக் கடத்தலை மையமாக வைத்து எடுக்கப்பட்ட படம் தான் ரங்கூன். கடத்தலை சுற்றி நடக்கக்கூடிய காதல், நட்பு, துரோகம் ஆகியவற்றை மையப்படுத்தி தான் இந்தப் படம் இருக்கும். கெளதம் கார்த்திக்கின் கெரியரில் ஒரு தரமான அண்டர்ரேட்டட் படம் இது. இப்படத்தின் இயக்குநர் வேறுயாருமில்லை... சிவகார்த்திகேயனை வைத்து அமரன் என்கிற பிளாக்பஸ்டர் ஹிட் படங்களை கொடுத்த ராஜ்குமார் பெரியசாமி தான். அவர் இயக்கிய முதல் படம் இதுவாகும். இப்படம் ஜியோ ஹாட்ஸ்டாரில் ஸ்ட்ரீம் ஆகி வருகிறது.

ராஜ தந்திரம்

தமிழ் சினிமா கொண்டாடத் தவறிய ஒரு த்ரில்லர் படங்களில் ராஜ தந்திரம் திரைப்படமும் ஒன்று. மூன்று நண்பர்களின் வாழ்க்கைக்குள் நடக்கக் கூடிய விஷயங்கள் தான் இந்த படத்தின் ஒன்லைன். ஒரு இடத்தில் கொள்ளையடிக்கப் போவதை அதற்கு முன்பே அந்த இடத்தின் ஓனருக்கே போன் போட்டு நான் இப்படி தான் கொள்ளையடிக்கப் போறேன் முடிஞ்சா தடுத்துக்கோ என சொல்லிவிட்டு, ஹீரோ திட்டமிட்டபடி கொள்ளையடித்துவிட்டு வருவார். இதைமட்டும் மனதில் வைத்து போய் ஜியோ ஹாட்ஸ்டாரில் அந்த படத்தை பாருங்கள் செம விறுவிறுப்பா இருக்கும்.

குற்றமே தண்டனை

காக்கா முட்டை, கடைசி விவசாயி போன்ற படங்களை இயக்கிய மணிகண்டன் இயக்கத்தில் வெளிவந்த படம் தான் குற்றமே தண்டனை. கண் பார்வை கொஞ்சம் கொஞ்சமாக குறைஞ்சிட்டு வர்ற ஹீரோ தங்கியிருக்கும் ஏரியாவில் அவரின் வீட்டின் கீழே தான் ஐஸ்வர்யா ராஜேஷ் தங்கியிருப்பார். அவர் மர்மமான முறையில் கொல்லப்படுவார். அவருடைய கொலையை சுற்றி நடக்கக்கூடிய சம்பவங்கள் தான் இந்த படத்தின் கதை. தவறு செய்யக்கூடாது என்பதை உணர்த்தவே இந்த படத்தை எடுத்திருக்கிறார் மணிகண்டன். இப்படமும் ஜியோஹாட்ஸ்டாரில் மிஸ் பண்ணக்கூடாத படங்களில் ஒன்றாகும்.