எலெக்‌ஷன் அன்று நயன்தாரா படம் ரிலீஸ் ஆகாது... 'Patriot' பட ரிலீஸ் தேதி தள்ளிவைப்பு

நயன்தாரா உடன் மோகன்லால், மம்மூட்டி நடித்துள்ள பாட்ரியாட் என்கிற பான் இந்தியா திரைப்படம் ஏப்ரல் 23ந் தேதி ரிலீஸ் ஆகாது என அறிவித்துள்ள படக்குழு, புது தேதியையும் அறிவித்துள்ளது.

Patriot Movie Postponed

மலையாள சூப்பர்ஸ்டார்ஸ் மம்மூட்டி, மோகன்லால் ரெண்டு பேரும் சேர்ந்து நடிக்குற ஆக்‌ஷன் ஸ்பை த்ரில்லர் படம்தான் 'Patriot'. இந்த படத்தோட புது ரிலீஸ் தேதியை இப்போ அறிவிச்சிருக்காங்க. முதல்ல, இந்த படம் ஏப்ரல் 23-ம் தேதி ரிலீஸ் ஆகும்னு சொல்லியிருந்தாங்க. ஆனா, ரிலீஸ் தள்ளிப்போனதால ரசிகர்கள் ஏமாற்றமடைஞ்சாங்க. இப்போ, படம் 2026, மே 1-ம் தேதி தியேட்டர்கள்ல ரிலீஸ் ஆகும்னு படக்குழு உறுதிப்படுத்தியிருக்கு. இந்த தகவலை மம்மூட்டியே தன்னோட X பக்கத்துல ஷேர் பண்ணியிருக்கார். 'Patriot' படம் 2026, மே 1 முதல் உலகம் முழுவதும் திரையரங்குகளில்' அப்படின்னு அவர் போஸ்ட்ல சொல்லியிருக்கார்.

தள்ளிப்போகும் பேட்ரியாட் படம்

ரசிகர்கள் ரொம்ப ஆவலா எதிர்பார்த்துட்டு இருந்த இந்த படம் தள்ளிப்போனதுக்கு, படக்குழு முன்னாடியே ஒரு விளக்கம் கொடுத்திருந்தது. 'படத்தை மிக உயர்ந்த தரத்தில் கொண்டு வர கடுமையா உழைச்சிட்டு இருக்கோம்'னு அதுல சொல்லியிருந்தாங்க. அந்த அறிக்கைல, 'எதிர்பாராத சில காரணங்களால, ஏற்கனவே அறிவிச்ச ஏப்ரல் 23 தேதியில இருந்து படத்தோட ரிலீஸை தள்ளி வைக்க வேண்டிய அவசியம் ஏற்பட்டிருக்கு' அப்படின்னும் குறிப்பிட்டிருந்தாங்க. போன வருஷம் அக்டோபர் 2-ம் தேதி 'Patriot' படத்தோட டீசர் ரிலீஸ் ஆச்சு.

மகேஷ் நாராயணன் டைரக்‌ஷன்

அதுல, 'மத நம்பிக்கையை வெச்சு மக்களைக் கட்டுப்படுத்துற தலைவர்கள்' பத்தி ஒரு மர்மமான வாய்ஸ் ஓவர் கேட்குது. அதுக்கப்புறம், ஒரு சீக்ரெட் மிஷன்ல இருக்குற மம்மூட்டி கேரக்டரை காட்டுறாங்க. மோகன்லால் ஒரு ராணுவ வீரரா வர்றார். ஃபஹத் ஃபாசிலோட என்ட்ரி கதைக்கு இன்னும் டென்ஷனை கூட்டுது. இந்த டீசரை பார்க்கும்போது, படம் பெரிய அதிகார மோதல்களைப் பத்தி பேசும்னு தெரியுது. இந்தப் படத்தை மகேஷ் நாராயணன் எழுதி இயக்கியிருக்கார். இவர் மலையாள சினிமாவுல ரொம்ப பிரபலமானவர்.

தள்ளிப்போன நயன்தாரா படங்கள்

மம்மூட்டி, மோகன்லால் தவிர, ஃபஹத் ஃபாசில், நயன்தாரா, ராஜீவ் மேனன், ரேவதி, கிரேஸ் ஆண்டனி, ஸரின் ஷிஹாப், ஸ்ரீபார்வதி, கீத்தி சங்கீதா, ஜினு ஜோசப், டேனிஷ் ஹுசைன், ஷஹீன் சித்திக், சனல் அமன், பிரகாஷ் பெலவாடினு ஒரு பெரிய நட்சத்திர பட்டாளமே நடிச்சிருக்கு. நயன்தாரா நடித்து தள்ளிவைக்கப்பட்ட இரண்டாவது பிரம்மாண்ட படம் இதுவாகும். இதற்கு முன்னதாக நடிகர் யாஷ் உடன் அவர் நடித்த பான் இந்தியா படமான டாக்ஸிக் படத்தின் ரிலீஸ் தேதியும் தள்ளிவைக்கப்பட்டது. அப்படம் கடந்த மார்ச் மாதமே ரிலீஸ் ஆவதாக இருந்தது. ஆனால் அதன் ரிலீஸ் ஜூன் மாதத்திற்கு தள்ளிவைக்கப்பட்டது.

நயன்தாரா தயாரித்த படம்

நடிகை நயன்தாரா நடித்த படங்கள் தொடர்ச்சியாக தள்ளிவைக்கப்படுவதால் அவரது ரசிகர்கள் ஏமாற்றம் அடைந்துள்ளனர். அவர்களுக்கு ஆறுதல் அளிக்கும் விதமாக நயன்தாரா தயாரித்துள்ள லவ் இன்சூரன்ஸ் கம்பெனி என்கிற திரைப்படம் வருகிற ஏப்ரல் 10ந் தேதி திரைக்கு வர உள்ளது. அப்படத்தை நயன்தாராவின் கணவர் விக்னேஷ் சிவன் இயக்கி உள்ளார். அப்படத்தில் நடிகை நயன்தாரா கேமியோ ரோலில் நடித்திருக்க வாய்ப்பு இருப்பதாக கூறப்படுகிறது. அவர் நடித்துள்ளாரா என்பதை பொறுத்திருந்து தான் பார்க்க வேண்டும்.