Godfather movie : சூப்பர்ஸ்டார் படத்தில் நயன்தாரா... ஹாட்ரிக் கூட்டணியால் விஜய் பட இயக்குனர் செம்ம ஹாப்பி

தமிழ், தெலுங்கில் முன்னணி நடிகையாக வலம் வரும் நயன்தாரா, அடுத்ததாக பிரபல நடிகரின் படத்தில் பெண் அரசியல்வாதி கதாபாத்திரத்தில் நடித்து வருகிறார்.

தமிழ் திரையுலகில் முன்னணி ஹீரோயினாக வலம் வருபவர் நயன்தாரா (Nayanthara). இவர் தமிழ் படங்களில் கவனம் செலுத்தி வந்தாலும், அவ்வப்போது தெலுங்கு, மலையாளம் போன்ற பிற மொழி படங்களில் நடிப்பதையும் வழக்கமாக வைத்துள்ளார். அண்மையில் பாலிவுட்டிலும் அறிமுகமாகி உள்ளார். அங்கு அட்லீ இயக்கத்தில் ஷாருக்கான் நடிக்கும் படத்தில் ஹீரோயினாக நடித்து வருகிறார்.

இவர் கைவசம் தமிழில், விக்னேஷ் சிவனின் ‘காத்துவாக்குல ரெண்டு காதல்’, அஸ்வின் சரவணன் இயக்கும் ‘கனெக்ட்’, விக்னேஷ் இயக்கும் O2, மலையாளத்தில் அல்போன்ஸ் புத்திரன் இயக்கும் ‘கோல்டு’ போன்ற படங்கள் உள்ளன. இதுதவிர தெலுங்கிலும் ‘காட்ஃபாதர்’ (Godfather) என்கிற படத்தில் நடித்து வருகிறார்.

‘காட்ஃபாதர்’ படத்தை மோகன்ராஜா (MohanRaja) இயக்குகிறார். இது மலையாளத்தில் பிரித்விராஜ் இயக்கத்தில் மோகன்லால் நடித்து பிளாக்பஸ்டர் ஹிட்டான லூசிபர் படத்தின் தெலுங்கு ரீமேக் ஆகும். இப்படத்தில் நடிகர் சிரஞ்சீவி ஹீரோவாக நடிக்கிறார். இதில் நடிகை நயன்தாரா பெண் அரசியல்வாதி கதாபாத்திரத்தில் நடிப்பதாக கூறப்பட்டு வந்தது.

தற்போது அதனை உறுதிப்படுத்தும் விதமாக இயக்குனர் மோகன் ராஜா தனது டுவிட்டர் பக்கத்தில் ‘காட்ஃபாதர்’ படத்தின் படப்பிடிப்பு தளத்தில் நடிகை நயன்தாராவுடன் (Nayanthara) எடுத்த புகைப்படம் ஒன்றை பதிவிட்டுள்ளார். அதில் அவர் கூறியுள்ளதாவது: “காட்ஃபாதர் படத்தின் முக்கிய கட்ட படப்பிடிப்பை லேடி சூப்பர்ஸ்டார் நயன்தாராவுடன் நடத்தி முடித்துள்ளோம்” என தெரிவித்துள்ளார்.

மேலும் நயன்தாராவுடன் தொடர்ந்து மூன்றாவது முறையாக பணியாற்றியது மிக்க மகிழ்ச்சி எனவும் மோகன் ராஜா குறிப்பிட்டுள்ளார். நடிகை நயன்தாரா ஏற்கனவே மோகன்ராஜா இயக்கத்தில் ஜெயம் ரவியுடன் தனி ஒருவன், சிவகார்த்திகேயனுக்கு ஜோடியாக வேலைக்காரன் போன்ற படங்களில் பணியாற்றி இருந்தார். இயக்குனர் மோகன்ராஜா நடிகர் விஜய்யின் வேலாயுதம் படத்தை இயக்கியவர் என்பது குறிப்பிடத்தக்கது.  

இதையும் படியுங்கள்.... நயன்தாராவுக்கு வாணி போஜன் மேலே இன்னா பயம்..? வயசு தெரிஞ்சுடுமோ..!