வாக்கு சேகரிப்பில் ஈடுபட்ட பிரபல காமெடி நடிகருக்கு மாரடைப்பு! ICU-வில் அனுமதி!

Benjamin: தேர்தல் பரப்புரையில் ஈடுபட்ட பிரபல நடிகர் பெஞ்சமினுக்கு திடீர் என மாரடைப்பு ஈடுபட்ட சம்பவம் அதிர்ச்சியை ஏற்படுத்தியுள்ளது.

நகைச்சுவை நடிகர் பெஞ்சமின்:

தமிழகத்தில் 2026 சட்டமன்றத் தேர்தல்... நெருங்க நெருங்க பரபரப்பும் அதிகரித்து வரும் நிலையில், திரைத்துறையிலும் அரசியல் வட்டாரங்களிலும் கவலையை ஏற்படுத்தும் ஒரு சம்பவம் நடந்துள்ளது. மேடை நாடகத்தில் இருந்து திரைத்துறைக்கு வந்தவர் தான் நகைச்சுவை நடிகராக அறியப்படும் பெஞ்சமின். நடிப்பை தாண்டி அரசியலிலும் ஆர்வம் காட்டி வருகிறார்.

தேர்தல் பிரச்சாரம்:

கடந்த சில நாட்களாக, பெஞ்சமின் சேலம் பகுதியில் தீவிர தேர்தல் பிரச்சாரத்தில் ஈடுபட்டு வந்தார். குறிப்பாக திமுக வேட்பாளர் ஆர். ராஜேந்திரன் அவர்களுக்கு ஆதரவாக மக்கள் சந்திப்பு, பேரணி போன்ற நிகழ்ச்சிகளில் கலந்து கொண்டு வந்தார். அதிக வெயில் காரணமாகவும், ஓய்வு இல்லாமலும் இருந்ததால் அவரது உடல்நிலை மோசமடைந்துள்ளது.

திடீர் மாரடைப்பு:

இந்த நிலையில் தான் ஏப்ரல் 20, அன்று நடந்த இருசக்கர வாகன பேரணியில் கலந்து கொண்டிருந்தபோது, திடீரென அவருக்கு கடுமையான நெஞ்சு வலி ஏற்பட்டு மாரடைப்பு ஏற்பட்டுள்ளது. அப்போது அவர் பேசிக் கொண்டிருந்தபோதே உடல் பலவீனமடைந்து நிலை தடுமாறி கீழே விழுந்துள்ளார். இதை பார்த்த கட்சித் தொண்டர்கள் உடனடியாக அவரை அருகிலிருந்த தனியார் மருத்துவமனைக்கு கொண்டு சென்றுள்ளனர்.

மருத்துவர்கள் அறிவுறுத்தல்:

மருத்துவர்கள் இவருக்கு தொடர்ந்து சிகிச்சை அளித்து வருகின்றனர். பின்னர் அவர் தீவிர சிகிச்சைப் பிரிவில் (ICU) அனுமதிக்கப்பட்டார். மருத்துவர்கள் பரிசோதனை செய்தபோது, பெஞ்சமினுக்கு இதயத்தில் பிரச்சனை இருப்பது தெரியவந்தது. ஆனால் தற்போது அவர் மருத்துவர்களின் கண்காணிப்பில் உள்ளார், உடல்நிலை சீராக இருந்தாலும், தொடர்ந்து மருத்துவர்களின் கண்காணிப்பில் இருக்க வேண்டும் என மருத்துவர்கள் அறியுறுத்தி உள்ளனர்.  

நடிகர் பெஞ்சமின் தமிழில் பல படங்களில் நகைச்சுவை கதாபாத்திரங்களில் நடித்துள்ளார். குறிப்பாக தளபதி விஜயின் நண்பனாக திருப்பாச்சி, வெற்றிகொடிக்கட்டு போன்ற பல படங்களில் நடித்துள்ளார். இவரது உடல்நிலை குறித்து ரசிகர்களும், நண்பர்களும், கவலை தெரிவித்துள்ளனர். சமூக வலைதளங்களில் பலரும் அவர் விரைவில் குணமடைய வேண்டும் என்று பிரார்த்தனை செய்து வருகின்றனர்.