தமிழில் வரிசையாக பல உலகநாயகன் கமல் ஹாசன், சூப்பர் ஸ்டார் ரஜினிகாந்த், அர்ஜுன், என வரிசையாக முன்னணி நடிகர்களை வைத்து, பிரமிக்க வைக்கும் கதையம்சம் கொண்ட படங்களை இயக்கியவர் ஷங்கர்.
கதையில் மட்டும் பிரமாண்டம் இல்லை இவருடைய படங்களின் காட்சிகளிலும் பிரமாண்டம் நினைத்ததை விட அதிகமாகவே இருக்கும்.
தமிழில் மட்டுமே படம் இயக்கி வந்த, ஷங்கர் தற்போது டோலிவுட் மற்றும் பாலிவுட் திரையுலகிற்கும் சென்றுள்ளார். இயக்குனர் ராம் சரணை வைத்து இன்னும் பெயரிடாத படத்தை இயக்கி வரும் இவர், விரைவில் இழுபறியாக இருக்கும் இந்தியன் பட பிடிபிடிப்பையும் துவங்குவார் என எதிர்பார்க்கப்படுகிறது.
மேலும் இவரது இரண்டாவது மகளான, அதிதி ஷங்கர் 'விருமன்' படம் மூலமாக தமிழ் சினிமாவில் ஹீரோயினாக அடியெடுத்து வைத்துள்ள நிலையில், இந்த படத்தின் படப்பிடிப்பு விறுவிறுப்பாக நடந்து வருகிறது.
இந்நிலையில், அதிதி ஷங்கர் தற்போது தன்னுடைய மருத்துவ படிப்பை முழுமையாக முடித்து பட்டம் பெற்றுள்ளார். இந்த நிகழ்ச்சியில் இயக்குனர் ஷங்கர், அவரது மனைவி மற்றும் மகன் என அனைவருமே கலந்து கொண்டுள்ளனர்.
இதுகுறித்த புகைப்படம் தற்போது வெளியாகியுள்ள நிலையில், இதில்... ஷங்கரின் மகன் அர்ஜித் ஷங்கர் இருக்கிறார். நீண்ட இடைவெளிக்கு பின்னர் இவருடைய புகைப்படம் தற்போது வெளியாகியுள்ளது.
இதில் அர்ஜித் மிகவும் கேஷுவலாக... பேன்ட் - ஷார்ட் அணிந்து கையில் கருப்பு கலர் சில ஸ்டைலிஷ் பேன்டு மற்றும் கழுத்தில் சில்வர் செயின் போட்டுள்ளார். இப்படி இவரை பார்ப்பதற்கு இளம் வயது சிம்புவை பார்ப்பது போலவே உள்ளது.
ஏற்கனவே அர்ஜித் ஷங்கர், துருவ் விக்ரம் , மற்றும் அமீன் ஏ.ஆர்.ரகுமான் ஆகியோர் மூன்று பெரும் ஒரு படிக்கட்டில் அமர்ந்திருப்பது போன்ற புகைப்படம் வெளியாகி வைரலானது குறிப்பிடத்தக்கது.