மறைந்த நடிகை ஸ்ரீதேவிக்கு இப்படியொரு தங்கையா?... அழகில் அக்காவையே மிஞ்சும் பேரழகியின் போட்டோஸ்...!
First Published Jun 11, 2020, 11:58 AM ISTஇந்திய திரையுலகின் கனவுக்கன்னியாக, முடிசூடா ராணியாக வலம் வந்த ஸ்ரீதேவி 2018ம் ஆண்டு பிப்ரவரி மாதம் 24ம் தேதி மாரடைப்பால் உயிரிழந்தார். துபாயில் நடந்த உறவினர் திருமணத்திற்கு சென்ற ஸ்ரீதேவி மரணமடைந்த செய்தி கேட்டு திரையுலகமே சோகத்தில் மூழ்கியது. கடைசியாக நடித்த மாம் திரைப்படம் உட்பட ஸ்ரீதேவி 300 படங்களில் நடித்துள்ளார். மண்ணை விட்டு மறைந்தாலும் ரசிகர்களின் மனதை விட்டு நீங்காத ஸ்ரீதேவியை இன்றளவும் சோசியல் மீடியாக்கள் உயிர்ப்புடன் வைத்திருக்கின்றன.
அவ்வப்போது ஸ்ரீதேவியுடன் எடுத்துக்கொண்ட மறக்க முடியாத புகைப்படங்களை மகள் ஜான்வியும், கணவர் போனிகபூரும் சோசியல் மீடியாக்களில் பகிர்ந்து வருகின்றனர். இந்நிலையில் நடிகை ஸ்ரீதேவி தனது தங்கை ஸ்ரீலதாவுடன் எடுத்துக்கொண்ட புகைப்படங்கள் சோசியல் மீடியாவில் வைரலாகி வருகிறது. பார்க்க அச்சு, அசலாக ஸ்ரீதேவியைப் போலவே இருக்கும் அவரது தங்கையின் புகைப்படங்களை பார்த்து ரசிகர்கள் மிரண்டு போகிறார்கள்.