40 வயதில் இரண்டாவது கர்ப்பத்தை அறிவித்த முன்னணி நடிகை – ரசிகர்கள் வாழ்த்து மழை!

Deepika Padukone: பிரபல பாலிவுட் நடிகை தீபிகா படுகோன், தற்போது இரண்டாவது முறையாக கர்ப்பமாக இருக்கும் தகவலை, அதிகார பூர்வமாக உறுதி செய்துள்ளதை தொடர்ந்து, வாழ்த்துக்கள் குவிந்த வண்ணம் உள்ளது.

திருமணத்திற்கு பின்னரும் நடித்து வரும் தீபிகா

திருமணத்திற்கு பின்னரும் முன்னணி ஹீரோயினாக தொடர்ந்து நடித்து வரும் சில நடிகைகளில் தீபிகா படுகோனும் ஒருவர். தனது திறமையான நடிப்பாலும், தனித்துவமான குணாதிசயங்களாலும் ரசிகர்களின் மனதில் நிலையான இடத்தை பிடித்துள்ளார். பாலிவுட் நடிகர் ரன்வீர் சிங்-குடன் காதலில் இருந்த இவர், அதை வெளிப்படையாக அறிவிக்காமல் 2018 ஆம் ஆண்டு இத்தாலியில் திருமணம் செய்து கொண்டார்.

8 மணி நேரம் மட்டுமே வேலை

திருமணத்திற்கு பின்னரும் சினிமாவில் தொடர்ந்து கவனம் செலுத்தி வந்தார். குறிப்பாக இவரது நடிப்பில் வெளியான ‘கல்கி 2829 AD', 'ஜவான்,’ போன்ற படங்கள் பெரிய வெற்றியை பெற்றன. திருமணத்திற்கு பிறகு தினமும் 8 மணி நேரம் மட்டுமே வேலை செய்வேன் என தெரிவித்தது சில சர்ச்சைகளை ஏற்படுத்தினாலும், பலர் அவருக்கு ஆதரவாக கருத்து தெரிவித்தனர்.

தீபிகா படுகோன் – ரன்வீர் சிங் தம்பதி

தீபிகா படுகோன் – ரன்வீர் சிங் தம்பதியினருக்கு ஏற்கனவே துவா என்ற மகள் உள்ளார். தற்போது தங்களது குடும்பத்தில் இன்னொரு குழந்தை வர உள்ளதை, தீபிகா சமூக வலைத்தளத்தில் புகைப்படம் மூலம் உறுதி செய்துள்ளார். இதையடுத்து, ரசிகர்கள் மற்றும் திரையுலக பிரபலங்கள் இவர்களுக்கு வாழ்த்துகளை தெரிவித்துவருகின்றனர்.

40 வயதில் 2-ஆவது கர்ப்பம்

தீபிகா மற்றும் ரன்வீர் சிங் தம்பதியினர் தங்களது தனிப்பட்ட வாழ்க்கையை அதிகம் வெளிப்படுத்தாமல் பாதுகாப்பாக வைத்திருப்பதையே விரும்புகின்றனர். இருப்பினும், சில முக்கியமான தருணங்களை ரசிகர்களுடன் பகிர்ந்து கொள்வது இவர்களின் வழக்கமாக உள்ளது. அந்த வகையில், 40 வயதில் இரண்டாவது முறையாக தாயாக உள்ளதை தீபிகா தற்போது அறிவித்துள்ளார்.

ராக்கா:

மேலும், அல்லு அர்ஜுனுக்கு ஜோடியாக ‘ராக்கா’ என்ற படத்தில் நடித்துள்ளார். அதேபோல், சில பட வாய்ப்புகளை தவிர்த்துள்ளார் என்ற தகவலும் உறுதியாக தெரியவில்லை.

தற்போது கர்ப்பமாக உள்ளதால், தீபிகா படுகோன் ஓய்வில் இருக்கலாம் என எதிர்பார்க்கப்படுகிறது. அவருக்கு ரசிகர்கள் மட்டுமின்றி, பல பிரபலங்களும் தொடர்ந்து வாழ்த்துகளை தெரிவித்து வருகின்றனர்.