செட்டில் மோதல்... கதறி அழுத திவாகர்! - குக் வித் கோமாளி நிகழ்ச்சியில் தொடரும் சர்ச்சைகள்!

Watermelon Divakar Files Police Complaint: குக் வித் கோமாளி படப்பிடிப்பு தளத்தில் தன்னை ஒரு நபர் உடல்ரீதியாகத் தாக்கியதாகவும், இதனால் தனக்குக் காயம் ஏற்பட்டுள்ளதாகவும் திவாகர் சமூக வலைதளத்தில் வீடியோ வெளியிட்டுள்ளார்.

Watermelon Divakar Files Police Complaint

சின்னத்திரை ரசிகர்களின் பேராதரவை பெற்ற 'குக் வித் கோமாளி' நிகழ்ச்சியின் 7வது சீசன் படப்பிடிப்பு தளத்தில், சக கலைஞர்களுக்கு இடையே ஏற்பட்டுள்ள மோதல் தற்போது மிகப்பெரிய சர்ச்சையாக வெடித்துள்ளது. இந்த சீசனில் கோமாளியாகப் பங்கேற்று வரும் வாட்டர் மெலன் திவாகர், புகழ்பெற்ற நட்சத்திரங்களான மாகாபா ஆனந்த், புகழ் மற்றும் கானா வினோத் ஆகியோர் மீது மிகத் தீவிரமான வன்முறை மற்றும் பாகுபாடு குற்றச்சாட்டுகளை முன்வைத்து புகார் அளித்துள்ளார்.

Watermelon Divakar Files Police Complaint against Makapa

இது தொடர்பாக அவர் வெளியிட்டுள்ள வீடியோவில், படப்பிடிப்புத் தளத்தில் தன்னை மாகாபா ஆனந்த் மது அருந்திவிட்டு இரும்பு ராடால் தாக்கியதாகவும், அதில் தனக்கு ரத்தக் காயம் ஏற்பட்டதாகவும் கூறி அதிர்ச்சியை ஏற்படுத்தியுள்ளார்.

இந்த விவகாரத்தில் சக கோமாளியான புகழ் குறித்தும் திவாகர் அடுக்கடுக்கான புகார்களைக் கூறியுள்ளார். குறிப்பாக, தனது அசுர வளர்ச்சியைப் பார்த்துப் பொறாமைப்படும் புகழ், செட்டில் தன்னை மரியாதைக் குறைவாக நடத்துவதாகவும், மற்றவர்களுடன் சேர்ந்து கொண்டு தன்னைத் துன்புறுத்துவதாகவும் திவாகர் தெரிவித்துள்ளார். கானா வினோத்தும் இவர்களுடன் இணைந்து கொண்டு தன்னைத் தனிமைப்படுத்தி வருவதாக அவர் குற்றம் சாட்டியுள்ளார்.

Diwakar complaint against CWC 7 MaKapa anand

ஒரு பொழுதுபோக்கு நிகழ்ச்சியில் இவ்வளவு கடுமையான உடல் ரீதியான தாக்குதல் மற்றும் மனரீதியான அழுத்தம் கொடுக்கப்படுவது சின்னத்திரை வட்டாரத்தில் பெரும் அதிர்வலையை ஏற்படுத்தியுள்ளது.

தன்னை தாக்கியவர்கள் மீது சட்டப்படி நடவடிக்கை எடுக்கப்போவதாக அறிவித்துள்ள திவாகர், படப்பிடிப்புத் தளத்திற்கு அருகிலுள்ள காவல் நிலையத்தில் மாகாபா ஆனந்த், புகழ் மற்றும் கானா வினோத் ஆகிய மூவர் மீதும் அதிகாரப்பூர்வமாகப் புகார் அளித்துள்ளார். எப்போதும் கலகலப்பாகச் சிரித்துக் கொண்டே இருக்கும் மாகாபா மற்றும் புகழ் மீது இத்தகைய குற்றச்சாட்டுகள் எழுந்துள்ளதை அவர்களது ரசிகர்களால் நம்ப முடியவில்லை. இருப்பினும், திவாகர் ரத்தக் காயங்களுடன் வீடியோ வெளியிட்டுள்ளதால், இந்த விவகாரம் சமூக வலைதளங்களில் விவாதப் பொருளாக மாறியுள்ளது.

வாட்டர் மெலன் திவாகர் புகார்

நிகழ்ச்சியின் தயாரிப்பு நிறுவனம் மற்றும் சம்பந்தப்பட்ட கலைஞர்கள் தரப்பிலிருந்து இதுவரை அதிகாரப்பூர்வ விளக்கம் எதுவும் அளிக்கப்படவில்லை. நகைச்சுவைக்கும் சமையலுக்கும் பெயர் போன குக் வித் கோமாளி செட், தற்போது போலீஸ் புகார் மற்றும் மோதல்களால் பரபரப்பான களமாக மாறியுள்ளது. வரும் நாட்களில் போலீஸ் விசாரணையின் முடிவிலேயே இதில் மறைந்திருக்கும் உண்மை நிலவரம் என்ன என்பது தெளிவாகத் தெரியும்.