சமூக வலைத்தளத்தில் அதிகம் ஃபாலோவர்சை வைத்திருப்பது மிகவும் பெருமையான ஒன்றாக பார்க்கப்பட்டு வரும் நிலையில், இதுகுறித்த டாப் 10 பட்டியல் இதோ...
5.7 மில்லியன் ஃபாலோவர்சுகளுடன் முதல் இடத்தை தொடர்ந்து தக்க வைத்து கொண்டுள்ளவர் இசை புயல் ஏ.ஆர்.ரகுமான்.
இவரை தொடர்ந்து 4.8 மில்லியன் ஃபாலோவர்சுடன் இரண்டாம் இடத்தை பிடித்திருப்பவர், இளம் இசையமைப்பாளரும், பாடகருமான ராக் ஸ்டார் அனிருத் தான்.
முதல் இரண்டு இடங்களை பிடித்துள்ளது, இசையமைப்பாளர்கள் என்றாலும் மூன்றாவது இடத்தில் உள்ளது நடிகர் சிம்பு தான். இவர் 4 .7 மில்லியன் ஃபாலோவர்சுடன் 3 வது இடத்தில் உள்ளார்.
இவரை தொடர்ந்து நான்காவது இடத்தில் 4.6 மில்லியன் ஃபாலோவர்சுடன், பிரபல இளம் இசையமைப்பாளரும், நடிகருமான ஹிப் ஹாப் ஆதி உள்ளார்.
5 ஆவது இடத்தை தக்க வைத்துள்ளவர் மக்கள் செல்வன் விஜய் சேதுபதிதான் 4.4 மில்லியன் ஃபாலோவர்ஸ் இவரை பின்தொடர்ந்து வருகிறார்கள்.
சூர்யா போன்ற முன்னணி நடிகர்களை பின்னுக்கு தள்ளி 6 வது இடத்தை பிடித்து வைத்துள்ளவர் பிரபல நடிகர் சிவகார்த்திகேயன். இவரை இன்ஸ்டாகிராம் பக்கத்தில் 3.8 மில்லியன் ரசிகர்கள் பின் தொடர்ந்து வருகிறார்கள். கடந்த வாரம் இவர் நடிப்பில் வெளியான டாக்டர் திரைப்படம் திரையரங்கில் சக்க போடு போட்டு வருவது குறிப்பிடத்தக்கது.
7 வது இடத்தில் இருப்பவர் பிரபல நடிகர் சூர்யா தான். சமீபத்தில் தான் இவர் இன்ஸ்டாகிராம் பக்கத்தில் இணைந்த இவரை மிக குறுகிய நாட்களிலேயே 3.4 மில்லியன் ரசிகர்கள் பின்தொடர்ந்து வருகிறார்கள்.
இவரை தொடர்ந்து சுமார் 3.3 மில்லியன் ரசிகர்கள் ஃபாலோபண்ணுவது குக் வித் கோமாளி நிகழ்ச்சி மூலம், சமையல் திறமையை நிரூபித்து, தற்போது திரைப்படங்களில் அடுத்தடுத்து நடிக்க கமிட் ஆகி வரும் அஷ்வினை தான்.
3.2 மில்லியன் ஃபாலோவர்ஸுடன் 9 வது இடத்தில் உள்ளார், பிரபல நடிகர் தனுஷ். நடிப்பை தவிர, இயக்கம், தயாரிப்பு, பாடல், என அனைத்திலும் கலக்கி வருபவர் தனுஷ் என்பது குறிப்பிடத்தக்கது.
தனுஷை போல் 3 . 2 மில்லியன் ஃபாலோவார்சுடன் 10 இடத்தில் உள்ளவர் விஜய் டிவி காமெடி நிகழ்ச்சி மூலம் திரையுலகில் கால் பதித்து கலக்கி கொண்டிருக்கும், காமெடி நடிகர் புகழ் தான்...