அப்பா, அண்ணனை எல்லாம் தாண்டி தனக்கென தனி ரசிகர்கள் பட்டாளத்தை தனது நடிப்பால் சேர்த்து வைத்திருப்பவர் நடிகர் கார்த்தி. அமீர் இயக்கத்தில் பருத்தி வீரன் படத்தில் தொடங்கிய கார்த்தியின் பயணம் இதுவரை செம்ம சூப்பராக சென்று கொண்டிருக்கிறது.
கடைசியாக ரெமோ பட இயக்குநர் பாக்கியராஜ் கண்ணன் இயக்கத்தில் உருவாகியுள்ள சுல்தான் படத்தில் நடித்து முடித்துள்ளார். படத்தின் இறுதிக்கட்ட பணிகள் அனைத்தும் நிறைவடைந்த நிலையில் பொங்கல் விருந்தாக படம் திரைக்கும் வரலாம் என தகவல்கள் வெளியாகியுள்ளன.
சுல்தான் படத்தை அடுத்து கார்த்தியின் கைவசம் மணிரத்னத்தின் பொன்னியின் செல்வன் படம் உள்ளது. இந்த படத்திற்காக தனது தலைமுடி, தாடியை நீளமாக வளர்ந்துள்ள கார்த்தியின் புகைப்படங்கள் சமீபத்தில் வெளியாகின.
சூர்யா நடிப்பில் வெளியான சூரரைப் போற்று பட இயக்குநர் சுதாகொங்கரா மகள் திருமணத்தில் பங்கேற்ற போது கூட சூர்யா, கார்த்தி, ஜி.வி.பிரகாஷ் மூவரும் ஒரே மாதிரி ஹேர் ஸ்டைலுடன் இருந்த புகைப்படம் வெளியாகி வைரலானது.
இதனிடையே 2டி எண்டர்டெயின்மெண்ட் நிறுவனம் அடுத்து தயாரிக்க உள்ள படத்தின் பூஜையில் பங்கேற்ற கார்த்தியின் லேட்டஸ்ட் போட்டோக்களை சோசியல் மீடியாவில் வைரலாகி வருகிறது.
காரணம் தலை முடி மற்றும் தாடி சற்றே நரைத்து, 43 வயதிலேயே கார்த்தி வயதானவர் போல் காட்சியளிப்பது ரசிகர்கள் சிலரை அதிர்ச்சி அடைய வைத்துள்ளது. இருப்பினும் சால்ட் அண்ட் பெப்பர் ஸ்டைலில் கார்த்தி செம்ம ஸ்டைலிஷாக இருப்பதாக சோசியல் மீடியாவில் கமெண்ட்கள் குவிந்து வருகிறது.
சேனலை கிளிக் செய்து பின்தொடரவும்