IAS கனவோடு இருப்பவர்களுக்கு ஒரு முக்கிய அப்டேட்! UPSC வெளியிட்ட திடீர் அறிவிப்பு!

மத்திய அரசுப் பணியாளர் தேர்வாணையம் (UPSC), 2026-ம் ஆண்டுக்கான சிவில் சர்வீசஸ் மற்றும் இந்திய வனப்பணித் தேர்வு அறிவிப்புகளை நிர்வாக காரணங்களுக்காக ஒத்திவைத்துள்ளது. இந்த அறிவிப்புக்காக காத்திருந்த தேர்வர்கள் ஏமாற்றம் அடைந்துள்ளனர்.

UPSC தேர்வு 2026

மத்திய அரசுப் பணியாளர் தேர்வாணையம் (UPSC), இன்று (ஜனவரி 14, 2026) வெளியிட வேண்டியிருந்த சிவில் சர்வீசஸ் தேர்வு (CSE) 2026 மற்றும் இந்திய வனப்பணித் தேர்வு (IFS) 2026 ஆகியவற்றுக்கான அதிகாரப்பூர்வ அறிவிப்புகளை (Notifications) திடீரென ஒத்திவைப்பதாக அறிவித்துள்ளது.

ஏன் இந்த தள்ளிவைப்பு?

UPSC வெளியிட்டிருந்த 2026-ம் ஆண்டுக்கான தேர்வு கால அட்டவணையின்படி, இந்த அறிவிப்புகள் இன்று வெளியாகியிருக்க வேண்டும். ஆனால், "நிர்வாக காரணங்களுக்காக" (Administrative Reasons) இந்த வெளியீடு தள்ளிவைக்கப்பட்டுள்ளதாக தேர்வாணையம் தனது அதிகாரப்பூர்வ இணையதளத்தில் தெரிவித்துள்ளது.

புதிய தேதி எப்போது?

அறிவிப்பு எப்போது வெளியாகும் என்ற துல்லியமான தேதியை UPSC தற்போது குறிப்பிடவில்லை. எனினும், இதற்கான புதிய தேதி விரைவில் அதிகாரப்பூர்வ இணையதளமான upsc.gov.in-இல் அறிவிக்கப்படும் என்று தெரிவிக்கப்பட்டுள்ளது. லட்சக்கணக்கான தேர்வர்கள் இந்த அறிவிப்புக்காக காத்திருந்த நிலையில், இந்த திடீர் தள்ளிவைப்பு அவர்களுக்கு ஒரு சிறிய ஏமாற்றத்தை அளித்துள்ளது.

அறிவிப்பை பெறுவது எப்படி?

அறிவிப்பு வெளியானவுடன், தேர்வர்கள் கீழ்க்கண்ட படிகளைப் பின்பற்றி அதைப் பதிவிறக்கம் செய்யலாம்:

1. UPSC-யின் அதிகாரப்பூர்வ இணையதளமான upsc.gov.in-க்குச் செல்லவும்.

2. முகப்புப் பக்கத்தில் உள்ள "UPSC Civil Services 2026 Notification" அல்லது "Indian Forest Service Examination 2026 Notification" என்ற இணைப்பைக் கிளிக் செய்யவும்.

3. இப்போது அறிவிப்பு பிடிஎஃப் (PDF) வடிவில் திரையில் தோன்றும். அதை எதிர்காலத் தேவைக்காகப் பதிவிறக்கம் செய்து சேமித்து வைத்துக்கொள்ளவும்.

இந்த அறிவிப்பில் விண்ணப்பிக்கும் முறை, காலியிடங்களின் எண்ணிக்கை, கல்வித் தகுதி, வயது வரம்பு மற்றும் தேர்வு பாடத்திட்டம் போன்ற முக்கிய விவரங்கள் இடம்பெற்றிருக்கும்.