UPSC Tips: யுபிஎஸ்சி தேர்வில் வெற்றி பெற என்.சி.இ.ஆர்.டி., அரசு தகவல்கள், செய்தித்தாள்கள் உள்ளிட்ட 6 முக்கிய ஆதாரங்களை எப்படி பயன்படுத்துவது என்பதை தெரிந்துகொள்ளுங்கள்.
யுபிஎஸ்சி சிவில் சர்வீஸ் தேர்வு இந்தியாவின் மிகவும் போட்டி நிறைந்த தேர்வில் ஒன்றாகும். இதற்குத் தயாராகும் மாணவர்கள் அதிகமான புத்தகங்களையும் குறிப்புகளையும் படிப்பதைவிட, தேர்வுக்குத் தேவையான விஷயங்களைத் தெளிவாகத் தேர்ந்தெடுத்து மீண்டும் படிப்பது பயனுள்ளதாக இருக்கும்.
ஐஏஎஸ் அதிகாரி அவனிஷ் சரண் பகிர்ந்துள்ள ஆலோசனைகளின்படி, பயிற்சி மையங்களின் குறிப்புகளை மட்டும் சார்ந்திருப்பதைவிட அடிப்படை கருத்துகள், பகுத்தறியும் திறன் மற்றும் அதிகாரப்பூர்வ தகவல்களுக்கு முக்கியத்துவம் கொடுப்பது நல்லது. குறிப்பாக முதல் நிலைத் தேர்வில் வெறும் தகவல்களை மனப்பாடம் செய்வது மட்டும் போதாது.
26
என்.சி.ஐ.ஆர்.டி புத்தகங்கள்
முதலில், 6 முதல் 12-ம் வகுப்பு வரையிலான என்.சி.ஐ.ஆர்.டி. பாடப்புத்தகங்கள் வலுவான அடித்தளத்தை உருவாக்க உதவும். வரலாறு, புவியியல், அறிவியல், பொருளாதாரம், அரசியல் உள்ளிட்ட பாடங்களின் அடிப்படை புரிதல் பெற இந்தப் புத்தகங்கள் பயன்படும்.
யுபிஎஸ்சி பாடத்திட்டத்தில் இடம்பெறும் பல தலைப்புகளைப் புரிந்துகொள்ள முதலில் அடிப்படை அறிவு தேவைப்படுவதால், இந்தப் புத்தகங்களை அவசரமாகப் படித்து முடிப்பதைவிடக் கருத்துகளைப் புரிந்துகொண்டு படிப்பது முக்கியம். அதன் பிறகு தேவைக்கேற்ப குறிப்பிட்ட பாடங்களுக்கான நிலையான ஆதாரப் புத்தகங்களைத் தேர்வு செய்யலாம்.
அடுத்ததாக, அரசின் அதிகாரப்பூர்வ தகவல்களை தொடர்ந்து கவனிப்பது அவசியம். மத்திய அரசின் திட்டங்கள், அறிவிப்புகள் மற்றும் முக்கிய நடவடிக்கைகள் குறித்து தகவல் பெற பத்திரிகை தகவல் அலுவலகம் போன்ற அதிகாரப்பூர்வ ஆதாரங்களைப் பயன்படுத்தலாம். அரசின் மாத இதழ்களும் பயனுள்ளதாக இருக்கும்.
குறிப்பாக முதன்மைத் தேர்வில் பதில் எழுதும்போது பயன்படுத்தக்கூடிய புள்ளிவிவரங்கள், அரசுத் திட்டங்களின் நோக்கங்கள் மற்றும் நடைமுறை உதாரணங்களைத் தெரிந்துகொள்ள இவை உதவும்.
முக்கிய செய்தித்தாள்கள் மற்றும் தலையங்கங்களுக்கும் தயாரிப்பில் இடம் கொடுக்க வேண்டும். ஒரு பிரச்சினையை ஒரே கோணத்தில் பார்க்காமல், அதற்கு ஆதரவான மற்றும் எதிரான கருத்துகளைப் புரிந்துகொள்ள தலையங்க வாசிப்பு உதவும்.
இது பகுத்தறியும் திறனை வளர்ப்பதோடு, முதன்மைத் தேர்வில் சமநிலையான பதில்களை எழுதுவதற்கும் பயன்படும். தினசரி செய்திகளைப் படிப்பதுடன், அந்தச் செய்தி ஏன் முக்கியமானது, அதன் பின்னணி என்ன, சமூகப் பொருளாதாரத்திலும் அதன் தாக்கம் என்னவென்று சிந்திப்பது நல்ல பயிற்சியாக இருக்கும்.
56
ஐஏதேர்வு தயாரிப்பு
இந்தியப் பொருளாதாரத்தைப் புரிந்துகொள்ள மத்திய பட்ஜெட் மற்றும் பொருளாதார ஆய்வறிக்கையைப் படிப்பதும் முக்கியம். பொருளாதார ஆய்வறிக்கை நாட்டின் பொருளாதார நிலை மற்றும் முக்கிய போக்குகளைப் புரிந்துகொள்ள உதவும். மேலும், மத்திய பட்ஜெட் மூலம் அரசு எந்தத் துறைகளுக்கு முன்னுரிமை அளிக்கிறது என்பதை அறிய முடியும்.
மேலும், இந்தியா ஆண்டு நூல் போன்ற அதிகாரப்பூர்வ குறிப்பு நூல்கள் மத்திய அமைச்சகங்கள், மாநிலங்கள், அரசுத் திட்டங்கள், புவியியல், அறிவியல் மற்றும் தொழில்நுட்பம் உள்ளிட்ட பல துறைகள் குறித்த தகவல்களை ஒரே இடத்தில் வழங்குகின்றன.
66
யுபிஎஸ்சி தேர்வு டிப்ஸ்
இறுதியாக, யுபிஎஸ்சி தயாரிப்பில் “அதிகமாகப் படிப்பது” என்பதைவிட “சரியாகப் புரிந்துகொள்வது” முக்கியம். பல புத்தகங்களையும் குறிப்புகளையும் சேகரிப்பதைவிட, குறைந்த எண்ணிக்கையிலான நம்பகமான ஆதாரங்களைத் தேர்வு செய்தால் அவற்றைப் பலமுறை படிப்பது பயனுள்ளதாக இருக்கும்.
அதோடு, அதிகாரப்பூர்வ யுபிஎஸ்சி பாடத்திட்டம், முந்தைய ஆண்டு வினாத்தாள்கள் மற்றும் அதிகாரப்பூர்வ அறிவிப்புகள் தொடர்பான படிப்புத் திட்டத்தை அமைக்க வேண்டும். ஒரு தலைப்பைப் படித்த பிறகு, அதை வினாவில் எப்படிப் பயன்படுத்துவது என்று பயிற்சி செய்வதே தேர்வுக்கான தயாரிப்பை மேலும் வலுப்படுத்தும்.
