தேர்வு எழுதியவர்கள் அவர்களின் தரவரிசை நிலை, இணையவழி விண்ணப்பத்தில் கோரியுள்ள உரிமைகோரல்கள் மற்றும் இடஒதுக்கீட்டு விதியின் அடிப்படையில் தேர்வாணையம் பரிந்துரைத்த விகிதாச்சாரம் ஆகியவற்றின் அடிப்படையில் சான்றிதழ் சரிபார்ப்புக்கு (Onscreen Certificate Verification) அனுமதிக்கப்படுவார்கள்.
டிஎன்பிஎஸ்சி வெளியிட்ட அறிவிப்பு
காணொளிச் சான்றிதழ் சரிபார்ப்புக்கு தற்காலிகமாக அனுமதிக்கப்பட்ட விண்ணப்பதாரர்களின் பதிவு எண்கள் அடங்கிய பட்டியல் விரைவில் தேர்வாணையத்தின் இணையதளத்தில் வெளியிடப்படும். இது குறித்த தகவல் விண்ணப்பதாரர்களுக்கு குறுஞ்செய்தி (SMS) மற்றும் மின்னஞ்சல் (e-mail) மூலமாக மட்டுமே அனுப்பப்படும்.
தனிப்பட்ட தகவல் அஞ்சல் மூலம் விண்ணப்பதாரர்களுக்கு அனுப்பப்படாது என்று டிஎன்பிஎஸ்சி தெரிவித்துள்ளது. மேலும் விவரங்களுக்கு www.tnpsc.gov.inஎன்ற தேர்வாணயத்தின் இணையதளத்தை பார்த்து தெரிந்து கொள்ளலாம்.