CSIR UGC NET CSIR UGC NET டிசம்பர் 2025 முடிவுகள் வெளியாகின. தேர்வர்கள் csirnet.nta.nic.in தளத்தில் ஸ்கோர் கார்டை பதிவிறக்கம் செய்யலாம். முழு விவரம் மற்றும் இணைப்பு உள்ளே.
தேசிய தேர்வு முகமை (NTA), டிசம்பர் 2025 அமர்வுக்கான அறிவியல் மற்றும் தொழில்துறை ஆராய்ச்சி கவுன்சில் (CSIR) UGC NET தேர்வு முடிவுகளை அதிகாரப்பூர்வமாக வெளியிட்டுள்ளது. இத்தேர்வில் பங்கேற்ற சுமார் 1.54 லட்சம் தேர்வர்கள் தற்போது தங்கள் முடிவுகளை இணையதளம் வாயிலாக அறிந்துகொள்ளலாம். ஜூனியர் ரிசர்ச் ஃபெல்லோஷிப் (JRF), உதவிப் பேராசிரியர் மற்றும் பிஎச்டி (PhD) படிப்புகளுக்கான தகுதியை நிர்ணயிக்கும் இந்தத் தேர்வின் மதிப்பெண் பட்டியல் (Scorecard) தற்போது தரவிறக்கம் செய்யக் கிடைக்கிறது.
25
ஸ்கோர் கார்டை பதிவிறக்கம் செய்வது எப்படி?
தேர்வர்கள் தங்கள் முடிவுகளைப் பார்க்க, அதிகாரப்பூர்வ இணையதள ன csirnet.nta.nic.in -க்குச் செல்ல வேண்டும். முகப்புப் பக்கத்தில் உள்ள 'CSIR UGC NET December 2025 Result' என்ற இணைப்பைக் கிளிக் செய்யவும். பின்னர், உங்கள் விண்ணப்ப எண் (Application Number) மற்றும் பிறந்த தேதியை (Date of Birth) உள்ளிட்டு சமர்ப்பிக்கவும். இப்போது உங்கள் ஸ்கோர் கார்டு திரையில் தோன்றும். எதிர்காலத் தேவைக்காக இதனைப் பதிவிறக்கம் செய்து வைத்துக்கொள்வது அவசியம்.
35
மதிப்பெண் மற்றும் தகுதி விவரங்கள்
வெளியிடப்பட்டுள்ள ஸ்கோர் கார்டில் தேர்வர்கள் பெற்ற பாடவாரியான மதிப்பெண்கள், பெர்சன்டைல் (Percentile) மற்றும் தகுதி நிலை ஆகியவை குறிப்பிடப்பட்டுள்ளன. இறுதி விடைக்குறிப்பு (Final Answer Key) மற்றும் நார்மலைசேஷன் (Normalisation) முறையின் அடிப்படையில் இந்த முடிவுகள் தயாரிக்கப்பட்டுள்ளன. ஜனவரி 30 அன்று இறுதி விடைக்குறிப்பு வெளியிடப்பட்ட நிலையில், தற்போது முழுமையான தேர்வு முடிவுகள் அறிவிக்கப்பட்டுள்ளன.
ஜூனியர் ரிசர்ச் ஃபெல்லோஷிப் (JRF) தகுதி பெற்றவர்கள், அங்கீகரிக்கப்பட்ட பல்கலைக்கழகங்களில் ஆராய்ச்சிப் படிப்புகளை (PhD) மேற்கொள்ளவும், உதவித்தொகை பெறவும் தகுதியுடையவர் ஆவர். உதவிப் பேராசிரியர் (Assistant Professor) தகுதி பெற்றவர்கள், நாடு முழுவதும் உள்ள கல்லூரிகள் மற்றும் பல்கலைக்கழகங்களில் பேராசிரியர் பணியிடங்களுக்கு விண்ணப்பிக்கலாம்.
55
முக்கிய அறிவுறுத்தல்
CSIR NET தேர்வில் தேர்ச்சி பெற்றவர்களுக்கு மத்திய அளவிலான கலந்தாய்வு (Centralised Counselling) நடத்தப்படாது. எனவே, தேர்ச்சி பெற்ற மாணவர்கள் தாங்கள் விரும்பும் பல்கலைக்கழகங்களின் அதிகாரப்பூர்வ இணையதளங்களில் வெளியாகும் மாணவர் சேர்க்கை மற்றும் வேலைவாய்ப்பு அறிவிப்புகளைத் தொடர்ந்து கண்காணிக்குமாறு அறிவுறுத்தப்படுகிறார்கள்
