தமிழ்நாடு ஆசிரியர் தேர்வு வாரியம் (TNTRB), 2025-ம் ஆண்டிற்கான தமிழ்நாடு ஆசிரியர் தகுதித் தேர்வு (TNTET) முடிவுகளை அதிகாரப்பூர்வமாக வெளியிட்டுள்ளது. கடந்த நவம்பர் 15 மற்றும் 16 ஆகிய தேதிகளில் நடைபெற்ற இத்தேர்வை எழுதிய லட்சக்கணக்கான தேர்வர்கள், தற்போது தங்கள் மதிப்பெண் பட்டியலை (Scorecard) இணையதளம் வாயிலாகப் பதிவிறக்கம் செய்து கொள்ளலாம். தேர்வு முடிவுகள் PDF வடிவிலும் வெளியிடப்பட்டுள்ளன.
25
தேர்ச்சி மதிப்பெண் விவரங்கள்
TNTET தேர்வில் தேர்ச்சி பெற நிர்ணயிக்கப்பட்ட குறைந்தபட்ச மதிப்பெண் விவரங்களையும் வாரியம் வெளியிட்டுள்ளது. அதன்படி, பொதுப்பிரிவு (General Category - OC) தேர்வர்கள் தேர்ச்சி பெற குறைந்தபட்சம் 90 மதிப்பெண்கள் பெற வேண்டும். BC, BCM, MBC/DNC மற்றும் மாற்றுத்திறனாளிகள் (PWD) ஆகிய பிரிவினருக்கான தேர்ச்சி மதிப்பெண் 75-ஆக நிர்ணயிக்கப்பட்டுள்ளது. அதேபோல், SC, SC(A) மற்றும் ST பிரிவு தேர்வர்கள் குறைந்தபட்சம் 60 மதிப்பெண்கள் பெற்றால் தேர்ச்சி பெற்றவர்களாகக் கருதப்படுவர்.
35
முடிவுகளை பார்ப்பது எப்படி?
தேர்வர்கள் தங்கள் ஸ்கோர் கார்டை பதிவிறக்கம் செய்ய, அதிகாரப்பூர்வ இணையதள ன trb.tn.gov.in -க்குச் செல்ல வேண்டும். முகப்புப் பக்கத்தில் உள்ள 'Examination Result with Final Answer Key' என்ற இணைப்பைக் கிளிக் செய்யவும். பின்னர், உங்கள் பதிவு எண் (Registration Number) மற்றும் கடவுச்சொல் (Password) ஆகிய விவரங்களை உள்ளிட்டு உள்நுழையவும். இப்போது உங்கள் ஸ்கோர் கார்டு திரையில் தோன்றும். அதனைப் பதிவிறக்கம் செய்து பிரிண்ட் எடுத்து வைத்துக்கொள்ளவும்.
தேர்வர்களின் OMR தாள்கள் முழுமையாக மதிப்பீடு செய்யப்பட்டு, இறுதி விடைக்குறிப்பின் (Final Answer Key) அடிப்படையில் இந்த முடிவுகள் வெளியிடப்பட்டுள்ளன. பாட வல்லுநர்களின் ஆய்வுக்குப் பிறகு இறுதி விடைக்குறிப்புகள் தயாரிக்கப்பட்டதாக வாரியம் தெரிவித்துள்ளது. ஜனவரி 28, 2026 தேதியிட்ட பள்ளிக் கல்வித் துறையின் அரசாணையின்படி (G.O (MS) No.23) இந்த நடைமுறைகள் பின்பற்றப்பட்டுள்ளன.
55
சான்றிதழ் விவரங்கள்
TNTET 2025 தேர்வில் நிர்ணயிக்கப்பட்ட குறைந்தபட்ச மதிப்பெண்களைப் பெற்று தேர்ச்சி பெற்றவர்களுக்கு, தகுதிச் சான்றிதழ் (Eligibility Certificate) வழங்கப்படும். இதற்கான அறிவிப்பு மற்றும் சான்றிதழ் வழங்கும் தேதி குறித்த விவரங்களை ஆசிரியர் தேர்வு வாரியம் விரைவில் அறிவிக்கும் என்று எதிர்பார்க்கப்படுகிறது.
