கிரெடிட் கார்டுகள் பல நன்மைகளை அளித்தாலும், சிலருக்கு அவை ஆபத்தானதாகவும் இருக்கலாம். செலவு பழக்கம், கடன் சுமை, பட்ஜெட் திட்டமிடல் போன்ற காரணிகளைப் பொறுத்து, கிரெடிட் கார்டு சிலருக்கு பொருத்தமற்றதாக இருக்கலாம்.
கிரெடிட் கார்டுகள் தற்போது பொதுவானதாகவும் எளிதில் அணுகக்கூடியதாகவும் மாறிவிட்டன. முந்தைய காலத்தில் மக்கள் அவற்றிற்கு விண்ணப்பிக்க தயங்கினாலும், இன்று தனிநபர்கள் பல கிரெடிட் கார்டுகளை அசால்ட்டாக வைத்திருக்கின்றனர். இவற்றைப் பயன்படுத்த இலாபகரமான சலுகைகள், தள்ளுபடிகள் மற்றும் ரிவார்ட்ஸ் பாயிண்ட்கள் என பல காரணங்கள் உள்ளது. இருப்பினும், பெரிய கேள்வி உள்ளது. அனைவரும் கிரெடிட் கார்டு வைத்திருக்க வேண்டுமா?
கிரெடிட் கார்டுகள் பல நன்மைகளை அளிக்கும் அதே வேளையில், அவை அபாயங்களுடனும் வருகின்றன. குறிப்பிட்ட இந்த 6 வகையான நபர்கள் கிரெடிட் கார்டு வாங்கவே கூடாது. இல்லையெனில் வாழ்நாள் முழுவதும் வருந்துவீர்கள் என்று பொருளாதார ஆலோசகர்கள் அறிவுரை கூறுகின்றனர். செலவுகளை நிர்வகிப்பதில் சிரமம் உள்ளவர்களுக்கு, கிரெடிட் கார்டு வைத்திருப்பது நிதி சிக்கலுக்கு வழிவகுக்கும். கிரெடிட் கார்டுகளின் சௌகரியம் உங்களுக்கு மனக்கிளர்ச்சியை ஏற்படுத்தி வாங்குவதை ஊக்குவிக்கும்.
நீங்கள் அடிக்கடி பணம் செலுத்தும் காலக்கெடுவை தவறவிடுபவர் என்றால், கிரெடிட் கார்டு சிறந்த தேர்வாக இருக்காது. கிரெடிட் கார்டு பில்களை சரியான நேரத்தில் செலுத்தத் தவறினால், அதிக தாமதக் கட்டணங்கள் மற்றும் அதிக வட்டிக் கட்டணங்கள் ஏற்படலாம். இது உங்கள் நிதிச் சுமையை அதிகரிக்கும். அதேபோல தனிநபர் கடன்கள், கல்விக் கடன்கள் அல்லது வீட்டுக் கடன்கள் போன்ற குறிப்பிடத்தக்க கடனைச் சுமக்கும் நபர்கள் கிரெடிட் கார்டுக்கு விண்ணப்பிக்கும் முன் ஒருமுறைக்கு இருமுறை யோசிக்க வேண்டும். ஏற்கனவே உள்ள நிதிக் கடமைகளுக்கு மேல் கிரெடிட் கார்டு கடனைச் சேர்ப்பது ஏற்கனவே சவாலான சூழ்நிலையை மோசமாக்கும்.
பட்ஜெட்டை உருவாக்கி அதன்படி வரவு, செலவை மேற்கொள்ளும் பழக்கம் உங்களுக்கு இல்லையென்றால், கிரெடிட் கார்டு உங்களுக்கு தேவையில்லை ஒன்று என்றே கூறலாம். சரியான திட்டமிடல் இல்லாமல், நீங்கள் பணம் செலுத்துவதில் தவறிவிடுவீர்கள், இது உங்கள் கிரெடிட் ஸ்கோர் மற்றும் நிதி ஆரோக்கியத்திற்கு தீங்கு விளைவிக்கும். குறைந்த வருமானம் உள்ளவர்களுக்கு, கிரெடிட் கார்டு வைத்திருப்பது ஆபத்தானது ஆகும். அவர்களின் சக்திக்கு மீறி செலவழிக்க ஆசைப்படுவது நிதி நெருக்கடிக்கு வழிவகுக்கும், அன்றாட செலவுகளை நிர்வகிப்பதை கடினமாக்குகிறது.
கிரெடிட் கார்டுகள் வட்டி விகிதங்கள் மற்றும் இஎம்ஐ விருப்பங்கள் உட்பட பல்வேறு விதிமுறைகளுடன் வருகின்றன. அவை கவனமாக புரிந்து கொள்ள வேண்டும். இதனால் கவனக்குறைவாக தங்கள் கிரெடிட் கார்டுகளைத் தவறாகப் பயன்படுத்த வாய்ப்பு உள்ளது. கிரெடிட் கார்டை பொறுப்புடன் பயன்படுத்துவதற்கு ஒழுக்கம் தேவை. தங்கள் நிதியை சரியாக நிர்வகிக்காதவர்கள் அல்லது தங்கள் செலவு பழக்கங்களில் கட்டுப்பாடு இல்லாதவர்கள் சிக்கலில் சிக்கக்கூடும். எனவே நீங்கள் கிரெடிட் கார்டை வாங்குவதற்கு முன்பு, உங்கள் நிதி நிலைமையை சரி பார்த்து வாங்க வேண்டும்.
இந்த மாநிலத்தில் தங்கம் கம்மி விலையில் கிடைக்குது.. எந்த மாநிலம் தெரியுமா?
சேனலை கிளிக் செய்து பின்தொடரவும்