பெண் குழந்தைகளின் எதிர்காலத்திற்காக உருவாக்கப்பட்ட செல்வமகள் சேமிப்பு திட்டத்தில், தற்போது 8% வட்டி வழங்கப்படுகிறது. வட்டி விகிதம் மாற்றம் இருப்பதாக தகவல் வெளியாகியுள்ளது. ஜனவரி மாதம் வட்டி விகிதம் அதிகரிக்க வாய்ப்பு உள்ளதாக கூறப்படுகிறது.
குழந்தைகளின் வருங்காலத்திற்காக சேமிக்க வேண்டும் என்பது ஒவ்வொரு பெற்றோர்களின் எண்ணமாக உள்ளது. அந்த வகையில் பல்வேறு சேமிப்பு திட்டங்களில் முதலீடுகளை செய்து வருகின்றனர். குழந்தைகளுக்காக தங்கம் சேமிப்பது. நிலத்தில் முதலீடு செய்வது, படிப்பிற்காக வங்கியில் பணம் கட்டுவது என பல திட்டங்களில் முதலீடு செய்கின்றனர். இதே போல எல்ஐசி தொடங்கி போஸ்ட் ஆபிசில் உள்ள பல திட்டங்களுக்கு மாதம், மாதம் ஒரு தொகையை ஒதுக்கி வருகின்றனர், மத்திய அரசும், மாநில அரசும் பல்வேறு சேமிப்பு திட்டங்களையும் நடைமுறைப்படுத்தி வருகிறது.
அதில் ஒரு சேமிப்பு திட்டம்தான் இந்த செல்வமகள் சேமிப்பு திட்டம் ஆகும். இந்த திட்டத்தை பிரதமர் மோடி கடந்த 2015ஆம் ஆண்டு தொடங்கி வைத்தார். பெண் பிள்ளைகளுக்காக இந்த திட்டம் தொடங்கப்பட்டதாகும், பெண்கள் உயர் கல்வி, திருமணம், மருத்துவ தேவைகளுக்காக இந்த திட்டம் மிகப்பெரிய அளவில் பயன் அளித்து வருகிறது. இந்த திட்டத்தில் மாதம் 1000 ரூபாய் முதல் முதலீடு செய்ய முடியும். 15 ஆண்டுகள் முதலீடு செய்தால் 21 ஆண்டுகள் வட்டியோடு சேர்த்து உங்களுக்கு 11 லட்சம் ரூபாய் வரை ரொக்கமாக பணம் கிடைக்கும்.
இந்த சேமிப்பு திட்டத்தில் 8 சதவிகிதம் வட்டி கொடுக்கப்படுகிறது. இதனால் பல லட்சம் மக்கள் தங்களது பெண் குழந்தைகளின் எதிர்காலத்திற்காக தற்போதே சிறுக சிறுக சேர்க்க தொடங்கியுள்ளனர். அந்த வகையில் திட்டமிட்டு இந்த திட்டத்தில் முதலீடு செய்தால் பல லட்சங்களை சம்பாதிக்க முடியும்.
இந்த நிலையில் செல்வ மகள் சேமிப்பு திட்டத்தில் வட்டி விகிதங்கள் மாற்றம் செய்யப்பட இருப்பதாக தகவல் வெளியாகியுள்ளது. அந்த வகையில் கடந்த 2023ஆம் ஆண்டு டிசம்பர் முதல் தற்போது வரை வட்டி விகிதங்களில் பெரிய அளவில் மாற்றங்கள் இல்லை. இந்த நிலையில் இந்த காலாண்டில் மாற்றும் இருக்கும் என எதிர்பார்க்க்கப்பட்டது. ஆனால் எந்த வித வட்டி மாற்றமும் இல்லையென தகவல் வெளியாகியுள்ளது. எனவே செல்வ மகள் சேமிப்பு திட்டத்தில் தற்போது வழங்கப்பட்டு வரும் 8.2% வட்டியானது வருகிற ஜனவரி மாதம் மேலும் அதிகரிக்க வாய்ப்பு இருப்பதாக தகவல் வெளியாகியுள்ளது.
சேனலை கிளிக் செய்து பின்தொடரவும்