இந்திய பங்குச் சந்தைகளின் இந்த வளர்ச்சி காரணமாக கடந்த ஓராண்டில், 50%க்கும் அதிகமான பங்குகள் உயர்ந்துள்ள நிலையில், ஒரு வருடத்தில் அதிக வருமானம் தரும் ஐந்து சிறந்த மியூச்சுவல் ஃபண்டுகளைப் இத்தொகுப்பில் பார்க்கலாம்.
மியூச்சுவல் ஃபண்ட் கடந்த 5 ஆண்டுகளில் ஏறக்குறைய மூன்று மடங்கு அதிகரித்துள்ளது. 2019 இல் சுமார் ரூ.25 லட்சம் கோடியிலிருந்து 2024-ல் சுமார் 67 லட்சம் கோடியாக உயர்ந்துள்ளது. இந்திய பங்குச் சந்தைகளின் இந்த வளர்ச்சி காரணமாக கடந்த ஓராண்டில், 50%க்கும் அதிகமான பங்குகள் உயர்ந்துள்ளன. ஒரு வருடத்தில் அதிக வருமானம் தரும் ஐந்து சிறந்த மியூச்சுவல் ஃபண்டுகளைப் இத்தொகுப்பில் பார்க்கலாம்.
இன்வெஸ்கோ இந்தியா ஃபோகஸ்டு ஃபண்ட் ரெகுலர் திட்டம் 2020ஆம் ஆண்டில் தொடங்கப்பட்டது. ஒரு வருடத்திற்கு முன் ரூ.1 லட்சம் முதலீடு செய்திருந்தால் ரூ.1,74,158 ஆக வளர்ந்திருக்கும்.
இதில் 1 வருடத்தில் கிடைக்கும் வருவாய் 74.16%. குறைந்தபட்ச முதலீடு ரூ 1000. மொத்த நிதி அளவு: ரூ 3080 கோடி. செலவு விகிதம்: 1.92%. NAV: ரூ 29.40
மோதிலால் ஓஸ்வால் மிட்கேப் நிதி - ரெகுலர் திட்டம் 2014ஆம் ஆண்டு தொடங்கப்பட்டது. இதில் ஒரு வருடத்துக்கு முன் ரூ.1 லட்சம் முதலீடு செய்திருந்தால், ரூ.1,72,975 ஆக வளர்ந்திருக்கும். ஓர் ஆண்டில் கிடைக்கும் வருவாய் 72.97%.
குறைந்தபட்ச முதலீடு ரூ 500. மொத்த நிதி அளவு ரூ 15,940 கோடி. செலவு விகிதம் 1.65%. NAV ரூ 108.02.
எல்ஐசி எம்.எஃப். உள்கட்டமைப்பு நிதி 2008ஆம் ஆண்டு ஆரம்பிக்கப்பட்டது. இதில் குறைந்தபட்ச முதலீடு ரூ.5,000. ஒரு வருடத்தில் கிடைகுகம் வருவாய் 72.22%. ஓராண்டுக்கு முன் ரூ.1 லட்சம் முதலீடு செய்திருந்தால், ரூ.1,72,217 ஆக உயர்ந்திருக்கும்.
மொத்த நிதி அளவு: ரூ 725 கோடி. செலவு விகிதம் 2.40%. NAV ரூ 51.17
மோதிலால் ஓஸ்வால் ELSS வரி சேமிப்பு நிதி - ரெகுலர் திட்டம் 2015ஆம் ஆண்டில் அறிமுகமானது. ஓராண்டில் 71.46% வருவாய் கொடுக்கும் இத்திட்டத்தில் குறைந்தபட்ச முதலீடு ரூ 500. இதில் ரூ.1 லட்சம் முதலீடு செய்திருந்தால் ரூ.1,65,087 ஆக வளர்ந்திருக்கும்.
மொத்த நிதி அளவு ரூ. 3,984 கோடி. செலவு விகிதம் 1.83%. NAV ரூ 55.95.
ஐசிஐசிஐ புருடென்ஷியல் நிஃப்டி நெக்ஸ்ட் 50 இன்டெக்ஸ் ஃபண்டில் குறைந்தபட்ச முதலீடு ரூ 100. ஒரு வருடத்தில் 69.24% வருவாய் தருகிறது. 2010ஆம் ஆண்டில் தொடங்கப்பட்ட இந்த பண்டில் ரூ.1 லட்சம் முதலீடு செய்திருந்தால் ரூ.1,57,489 ஆக வளர்ந்திருக்கும்.
மொத்த நிதி அளவு ரூ.6,863 கோடி. செலவு விகிதம் 0.66%. NAV ரூ 67.48