இன்றைய காலகட்டத்தில் சம்பளத்தை மட்டும் வைத்து குடும்பம் நடத்துவது சுலபமல்ல. இந்தச் சூழலில், பலரும் சொந்தமாக ஒரு தொழில் தொடங்க விரும்புகிறார்கள். நல்ல டிமாண்டில் இருக்கும் 5 சூப்பர் பிசினஸ் ஐடியாக்களை இங்கே பார்க்கலாம்.
LED பல்பு அசெம்பிளிங் - மாதம் ரூ. 1 லட்சம் லாபம் கிடைக்கும்
மின்சாரத்தை சேமிக்க மக்கள் LED பல்புகளை அதிகம் விரும்புவதால், இதன் தேவை தொடர்ந்து அதிகரித்து வருகிறது. குறிப்பாக, சிறிய நகரங்கள் மற்றும் ஊர்களில் இதற்கு நல்ல டிமாண்ட் உள்ளது. நீங்கள் இந்தத் தொழிலை 30,000 முதல் 50,000 ரூபாய் முதலீட்டில் தொடங்கலாம். இதில் மூலப்பொருட்கள், கருவிகள் மற்றும் பேக்கிங் செலவுகள் அடங்கும். ஒரு LED பல்பில் சராசரியாக 15 முதல் 30 ரூபாய் வரை லாபம் கிடைக்கும். தினமும் 100-150 பல்புகளை அசெம்பிள் செய்தால் கூட, மாத வருமானம் 60,000 முதல் 1 லட்சம் ரூபாய் வரை ஈட்ட முடியும். உள்ளூர் எலக்ட்ரானிக் கடைகள் மற்றும் மொத்த விற்பனையாளர்களுடன் தொடர்பு வைத்து விற்பனையை எளிதாக அதிகரிக்கலாம்.
25
ஜவுளி விற்பனை - ரூ.70 ஆயிரம் கட்டாயம் கிடைக்கும்
தனித்துவமான டிசைன்களுடன் கூடிய டி-ஷர்ட்கள், மக்குகள் மற்றும் மொபைல் கவர்களின் டிரெண்ட் வேகமாகப் பரவி வருகிறது. இந்தத் தொழிலின் சிறப்பம்சமே, நீங்கள் முன்கூட்டியே பொருட்களை ஸ்டாக் வைக்கத் தேவையில்லை என்பதுதான். தொடக்கத்தில், இணையதளம், சாம்பிள் பொருட்கள் மற்றும் மார்க்கெட்டிங் என மொத்தமாக 20,000 முதல் 40,000 ரூபாய் வரை செலவாகும். ஒரு பொருளுக்கு சராசரியாக 300 முதல் 700 ரூபாய் வரை லாபம் பார்க்கலாம். மாதம் 150-200 ஆர்டர்கள் கிடைத்தால் கூட, 70,000 முதல் 1 லட்சம் ரூபாய் வரை சம்பாதிக்க வாய்ப்புள்ளது.
35
ஹோம் மேட் மசாலா பொடிக்கள்
வீட்டில் தயாரிக்கப்பட்ட சுத்தமான மசாலாப் பொடிகளுக்கு எப்போதுமே நல்ல வரவேற்பு உண்டு. உடல்நலத்தில் அக்கறை கொண்டவர்கள் இதை அதிகம் விரும்புகிறார்கள். இந்தத் தொழிலை 25,000 முதல் 50,000 ரூபாய் முதலீட்டில் தொடங்கலாம். இதில் மூலப்பொருட்கள், அரைக்கும் இயந்திரம் மற்றும் பேக்கிங் செலவுகள் அடங்கும். ஒரு கிலோ மசாலாவில் 150 முதல் 300 ரூபாய் வரை லாபம் கிடைக்கும். உள்ளூர் கடைகள் மற்றும் வாட்ஸ்அப் ஆர்டர்கள் மூலம் விற்பனையைத் தொடங்கி, மாதந்தோறும் 50,000 முதல் 90,000 ரூபாய் வரை சம்பாதிக்கலாம். போகப்போக வருமானம் இன்னும் அதிகரிக்கும்.
சோப்பு, ஃபினாயில், ஃப்ளோர் கிளீனர் - ரூ.60,000 கிடைக்கும்
டிடர்ஜென்ட், ஃபினாயில், ஃப்ளோர் கிளீனர் போன்ற பொருட்கள் ஒவ்வொரு வீட்டிலும் அத்தியாவசியமானவை. இந்தத் தொழிலை 30,000 முதல் 45,000 ரூபாய் முதலீட்டில் ஆரம்பிக்கலாம். இதில் மூலப்பொருட்கள், கலக்கும் டிரம் மற்றும் பேக்கிங் செலவுகள் அடங்கும். ஒரு லிட்டர் பொருளுக்கு சராசரியாக 25 முதல் 40 ரூபாய் லாபம் கிடைக்கும். உள்ளூர் மளிகைக் கடைகளுடன் டை-அப் வைத்து தினமும் விற்பனை செய்தால், மாத வருமானம் 60,000 முதல் 1 லட்சம் ரூபாய் வரை ஈட்ட முடியும். இது ஒரு நிலையான மற்றும் குறைந்த ரிஸ்க் உள்ள தொழிலாகக் கருதப்படுகிறது.
55
டிஜிட்டெல் சேவை மையங்கள்
இன்றைக்கும் கணிசமான மக்கள் ஆன்லைன் விண்ணப்பங்கள், அரசுத் திட்டங்கள் மற்றும் பிற டிஜிட்டல் சேவைகளுக்கு மற்றவர்களைச் சார்ந்திருக்கிறார்கள். ஒரு சிறிய டிஜிட்டல் சேவை மையத்தை 40,000 முதல் 50,000 ரூபாய் முதலீட்டில் தொடங்கலாம். இதில் லேப்டாப், பிரிண்டர் மற்றும் இன்டர்நெட் செலவுகள் அடங்கும். ஒவ்வொரு சேவைக்கும் 20 ரூபாய் முதல் 200 ரூபாய் வரை கட்டணம் பெறலாம். தினமும் 30-40 வாடிக்கையாளர்கள் வந்தாலே, மாத வருமானம் 50,000 முதல் 80,000 ரூபாய் வரை சென்றடையும். இந்தத் தொழில் வாடிக்கையாளர் நம்பிக்கை மற்றும் சிபாரிசுகள் மூலமாகவே வளரும்.
பொறுப்புத் துறப்பு: இந்தக் கட்டுரையில் கொடுக்கப்பட்டுள்ள தகவல்கள் பொதுவான நோக்கத்திற்காக மட்டுமே. இங்கு குறிப்பிடப்பட்டுள்ள தொழில் ஐடியாக்கள் உங்கள் தனிப்பட்ட அனுபவம், திறன் மற்றும் உள்ளூர் சூழலைப் பொறுத்து மாறுபட்ட முடிவுகளைத் தரலாம். எந்தவொரு முதலீட்டையும் செய்வதற்கு முன்பு, நீங்களாகவே முழுமையாக ஆய்வு செய்து, நிதி அல்லது சட்ட நிபுணர்களிடம் ஆலோசனை பெறுவது அவசியம்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
