காந்தி ஜெயந்தியில் வந்த நல்ல செய்தி.. அதிரடியாக குறைந்த தங்கத்தின் விலை - எவ்வளவு?

தொடர்ந்து உயர்ந்து வந்த தங்கத்தின் விலை இன்று கணிசமாகக் குறைந்துள்ளது. அதே சமயம், வெள்ளியின் விலை சற்று உயர்ந்து முதலீட்டாளர்களின் கவனத்தை ஈர்த்துள்ளது.

இன்றைய தங்கம் விலை

இடைவிடாமல் உயர்ந்து கொண்டிருந்த தங்க விலை இன்று சற்று குறைந்து உள்ளது. சேமிப்பு மற்றும் முதலீட்டின் பிரதான அடையாளமாக கருதப்படும் தங்கம், வரலாறு காணாத உச்சத்தை தொட்டு வருகிறது. இதனால் சாதாரண மக்கள் நகை வாங்கும் எண்ணத்தை கூட விட்டு வைக்க வேண்டிய நிலை உருவாகி இருந்தது.

தங்கம் வெள்ளி அப்டேட்

குறிப்பாக, ஒரு கிராம் தங்கத்தின் விலை 10 ஆயிரம் ரூபாயை கடந்தால், நடுத்தர வர்க்கத்தினருக்கு நகை வாங்குவது கனவாக மாறியது. தினந்தோறும் புதிய உச்சத்தை தொட்ட தங்க விலை, சற்று குறையும் என்ற நம்பிக்கையில் இருந்தவர்களும் வாங்க முடியாத சூழலில் சிக்கினர். தங்கத்தை சேமிக்க நினைக்கும் மக்கள் அதிகம் காத்திருந்த நிலையில், இன்று விலை குறைந்திருப்பது ஓரளவு நிம்மதியை ஏற்படுத்தியுள்ளது.

அக்டோபர் 2 தங்கம் விலை

சென்னையில் இன்று (அக்டோபர் 2) தங்க விலை சவரன் ரூ. 560 குறைந்து, ஒரு சவரன் ரூ. 87,040-க்கு விற்கப்படுகிறது. மேலும், ஒரு கிராம் தங்கம் ரூ. 70 குறைந்து ரூ. 10,880-க்கு விற்பனையாகிறது. இந்த விலை குறைவு நகை விரும்பிகளுக்கு சிறு அளவிலாவது நம்பிக்கையை கொடுத்துள்ளது.

இன்றைய வெள்ளி விலை

வெள்ளி விலையும் கவனத்தைக் கவரும் வகையில் மாறியுள்ளது. ஒரு கிராம் வெள்ளி ரூ. 3 அதிகரித்து தற்போது ரூ. 163-க்கு விற்பனையாகிறது. ஒரு கிலோ வெள்ளி ரூ. 1,63,000-க்கு விற்கப்படுவதால், முதலீட்டாளர்கள் தங்கத்தை விட வெள்ளியையும் கவனத்தில் கொள்ளத் தொடங்கியுள்ளனர்.