தங்கத்தின் விலையானது தொடர்ந்து உச்சத்தை தொட்டு வரும் நிலையில், மக்களுக்கு மகிழ்ச்சி அளிக்கும் வகையில் தங்கத்தின் விலையில் நாள் தோறும் மாற்றங்களை ஏற்படுத்தி வருகிறது. இன்றைய தினமும் விலை குறைந்துள்ளதால் மக்கள் மகிழ்ச்சி அடைந்துள்ளனர்.
தங்கத்தின் மீது மக்கள் ஆர்வம்
தங்கம் மற்றும் நிலத்தில் முதலீடு செய்ய மக்கள் அதிகளவு விரும்புவார்கள். இதற்கு காரணமாக எப்போதும் நஷ்டம் ஏற்படாது என்ற காரணம் ஒன்று தான். மேலும் தங்களது குழந்தைகளுக்கு எதிர்கால தேவைகளுக்காகவும், திருமணம் போன்ற சுப நிகழ்வுகளுக்காகவும் தங்கம் உள்ளிட்ட ஆபரணங்களை சேமிப்பார்கள். அந்த வகையில் உலகத்திலையே அதிகளவு தங்கம் வாங்கும் நாடாக இந்தியா உள்ளது.
உச்சத்தில் தங்கம் விலை
அந்த அளவிற்கு மக்களின் விருப்ப தேர்வாகவும் உள்ளது. இதன் காரணமாகவே தங்கத்தின் விலையானது உச்சத்தில் உள்ளது. கடந்த 2010ஆம் ஆண்டு ஒரு சவரன் தங்கம் விலை 10ஆயிரம் ரூபாயை எட்டியது.இந்த விலையானது ஒவ்வொரு ஆண்டும் உச்சத்தை தொட்டது. அந்த வகையில் இந்த 2024ஆம் ஆண்டு புதிய உச்சமான 60ஆயிரத்தை தங்கம் விலை நெருங்கியது. இதனால் நடுத்தர வர்க்க மக்கள் தங்கத்தை வாங்குவதை நினைத்துக்கூட பார்க்க முடியாத நிலை உருவானது.
தங்கத்தில் முதலீடு
அதே நேரம் முதலீட்டாளர்கள் தங்கத்தில் பல கோடி ரூபாய் அளவிற்கு முதலீடு செய்தனர். மேலும் வரும் நாட்களில் தங்கத்தின் விலை இன்னமும் அதிகரிக்க வாய்ப்பு இருப்பதாக கூறப்பட்டது. அதன் படி இன்னும் 10 ஆண்டுகளில் ஒரு சவரன் தங்கம் ஒரு லட்சம் முதல் 1.50 லட்சம் வரை விற்பனை செய்யப்படலாம் என கூறப்பட்டது. ஆனால் பொருளாதார வல்லுநர்களின் கணிப்புக்கு எதிராக தங்கத்தின் விலையானது கடந்த 10 நாட்களில் 2 ஆயிரம் ரூபாய் அளவிற்கு தங்கம் விலை குறைந்துள்ளது.
இன்றைய தங்கம் விலை
இந்த நிலையில் தங்கத்தின் விலையானது நேற்று ஒரு கிராம் 7,275 ரூபாய்க்கு விற்பனை செய்யப்பட்டது. இன்று கிராம் ஒன்றுக்கு 55 ரூபாய் குறைந்துள்ளது. அதன்படி தற்போது 7,220 ரூபாய்க்கு விற்பனையாகிறது. இதே போல 8 கிராம் கொண்ட ஒரு சவரன் தங்கத்ததில் 440 ரூபாய் குறைந்துள்ளது. அதன்படி ஒரு சவரன் தங்க நகை 57 ஆயிரத்து 760 ரூபாய்க்கு விற்பனை ஆகிறது.
சேனலை கிளிக் செய்து பின்தொடரவும்