ரயில் டிக்கெட்டில் 75% தள்ளுபடி.. பள்ளி, கல்லூரி மாணவர்களுக்கு அடித்த ஜாக்பாட்

இந்திய ரயில்வே பள்ளி மற்றும் கல்லூரி மாணவர்களுக்கு ரயில் டிக்கெட்டுகளில் 50% முதல் 75% வரை தள்ளுபடி வழங்குகிறது. இந்த ரயில் சலுகை குறித்த விவரங்களை முழுமையாக இங்கு தெரிந்து கொள்ளுங்கள்.

ரயில் டிக்கெட் மாணவர் சலுகை

நமது இந்திய ரயில் பயணிகளுக்கு வசதியாக பல விதிமுறைகளை இந்திய ரயில்வே உருவாக்கியுள்ளது. அவற்றில் ஒன்று பள்ளி மற்றும் கல்லூரி மாணவர்களுக்கு தரப்படும் ரயில் டிக்கெட் தள்ளுபடி. இந்த சலுகையை பலருக்கும் தெரியாதபடியே பயன்படுத்தாமல் விட்டுவிடுகின்றனர். ஆனால், உண்மையில் இது மாணவர்களின் படிப்பை ஆதரிக்கிறது என்றே சொல்லலாம்.

இந்திய ரயில்வே

மாணவர்கள் ரயிலில் பயணம் செய்பவர்களாக இருந்தால், இந்த விதியைத் தெரிந்துகொள்வது மிகவும் பயனுள்ளதாக இருக்கும். இந்திய ரயில்வே விதிப்படி, பள்ளி மற்றும் கல்லூரியில் படிக்கும் மாணவர்கள் ரயிலில் பயணம் செய்யும்போது 50% முதல் 75% வரை தள்ளுபடி பெறலாம். ஆனால் முக்கியமாக, இந்த தள்ளுபடி ஐஆர்சிடிசி ஆப்பில் டிக்கெட் புக் செய்தால் கிடைக்காது என்பதை நினைவில் கொள்ளுங்கள்.

ரயில் டிக்கெட் கவுண்டர்

இந்த சலுகையைப் பெற வேண்டும், நீங்கள் நேரடியாக ரயில் டிக்கெட் கவுண்டருக்குச் சென்று டிக்கெட் பதிவு செய்ய வேண்டும். 12 வயது முதல் 25 வயது வரை உள்ள பள்ளி மற்றும் கல்லூரி மாணவர்களின் மாணவர் அடையாள அட்டையை காட்டினால் மட்டுமே இந்த தள்ளுபடி வழங்கப்படும். பொதுப் பிரிவு மாணவர்கள் அதிகபட்சம் 50% தள்ளுபடியும், SC / ST பிரிவு மாணவர்கள் 75% வரையிலும் தள்ளுபடி பெற முடியும்.

பயண தள்ளுபடி விதிகள்

மேலும், இந்த தள்ளுபடி இரண்டாம் வகுப்பு மற்றும் ஸ்லீப்பர் கிளாஸ் டிக்கெட்டுகளுக்கு மட்டுமே பொருந்தும். அதாவது, AC அல்லது பிற மேல் வகை டிக்கெட்டுகளில் இந்த சலுகை கிடையாது. ரயிலில் அடிக்கடி பயணம் செய்யும் மாணவர்கள் இந்த நன்மையைப் பயன்படுத்தினால் நல்ல தொகை பணத்தைச் சேமிக்க முடியும்.

மாணவர்களுக்கு சலுகை

எனவே, நீங்கள் படிப்புக்காக, தேர்வுக்காக அல்லது விடுமுறை பயணத்துக்காக ரயில் பயணிக்கும் மாணவராக இருந்தால், உங்கள் மாணவர் அடையாள அட்டையுடன் எடுத்துச் செல்லுங்கள். நேரடியாக ரயில் நிலையத்தில் டிக்கெட் வாங்கி இந்த சலுகையைப் பயன்படுத்திக் கொள்ளுங்கள். பயணச் செலவைக் குறைத்து, படிப்புக்கான உதவியாக இந்த ரயில்வே விதியைப் பயன்படுத்த மறக்காதீர்கள்.