UPI Payments: டிஜிட்டல் உலகத்துல செலவை குறைப்பது எப்படி? இந்த ஈஸி டிப்ஸ் ஃபாலோ பண்ணுங்க!

இந்தியாவுல UPI பரிவர்த்தனைகள் புது சாதனை படைக்குது. டிஜிட்டல் பேமெண்ட் ஈஸியா இருக்கறதால உங்க செலவுகள் அதிகமாகுதா? தனி பேங்க் அக்கவுண்ட், UPI லைட்னு செலவை கட்டுப்படுத்த சில சூப்பர் டிப்ஸ் இதோ.

QR கோடு ஸ்கேன் எனும் டிஜிட்டல் மாயாஜாலம்

QR கோடு ஸ்கேன் பண்றது இப்போ நம்ம அன்றாட வாழ்க்கையில ஒரு முக்கிய அங்கமா மாறிடுச்சு. இந்த டிஜிட்டல் புரட்சி இப்போ உலக அளவுல ஒரு புது ஆல்-டைம் ரெக்கார்டை படைச்சிருக்கு. இந்திய தேசிய கொடுப்பனவு கழகம் (NPCI) வெளியிட்ட அதிகாரப்பூர்வ புள்ளிவிவரங்கள் படி, கடந்த அக்டோபர் மாசம் மட்டும் நம்ம நாட்டுல ₹31.53 லட்சம் கோடி அளவுக்கு UPI பரிவர்த்தனைகள் நடந்திருக்கு.

பணமில்லா சமூகத்தை நோக்கி செல்லும் இந்தியா

அதாவது, இந்தியர்கள் தினமும் சராசரியா ₹1 லட்சம் கோடிக்கும் அதிகமான பணத்தை மொபைல் மூலமா டிஜிட்டல் முறையில அனுப்புறாங்க. அக்டோபர் மாசத்துல பதிவான மொத்தம் 2,547 கோடி பரிவர்த்தனைகள், வருடாந்திர அடிப்படையில 23 சதவீதம் பெரிய வளர்ச்சியை காட்டியிருக்கு. இந்தியா எவ்வளவு வேகமா பணமில்லா சமூகத்தை நோக்கி போகுதுங்கறதுக்கு இது ஒரு நல்ல உதாரணம்.

செலவை கட்டுப்படுத்தலாம் வாங்க.!

ஆனா, இதுக்கு பின்னாடி ஒரு சீரியஸான பொருளாதார ஆபத்தும் மறைஞ்சிருக்கு. நிதி நிபுணர்கள் இதை 'வலியில்லாத செலவு' அப்படின்னு சொல்றாங்க. அதாவது, முன்னாடி எல்லாம் பாக்கெட்ல இருந்து நோட்டுகளை எண்ணி கொடுக்கும்போது பணம் காலியாகுதுங்கற எச்சரிக்கை உணர்வு மனசுல வரும். ஆனா UPI சிஸ்டத்துல எவ்வளவு பணம் செலவு பண்றோம்னு கணக்கே தெரியாம, மாச கடைசியில அக்கவுண்ட் காலியாகி நடுத்தர மக்கள் கஷ்டப்படுற நிலைமை உருவாகுது.

இந்த டிஜிட்டல் மாயாலோகத்துல அளவுக்கு அதிகமா ஆகுற செலவை கட்டுப்படுத்த நிபுணர்கள் சில முக்கியமான வழிகளை சொல்றாங்க:

அன்றாட செலவுக்கு தனி பேங்க் அக்கவுண்ட்

உங்க மாச சம்பளம் வர்ற அல்லது அவசர சேமிப்பு இருக்கிற மெயின் பேங்க் அக்கவுண்ட்டை UPI கூட இணைக்கக் கூடாது. அதுக்கு பதிலா, அன்றாட சில்லறை செலவுகளுக்காகவே தனியா ஒரு அக்கவுண்ட் வெச்சுக்கோங்க. மாச ஆரம்பத்துல பட்ஜெட்டுக்கு ஏத்த மாதிரி வெறும் ₹5,000 அல்லது ₹10,000 பணத்தை மட்டும் அதுக்கு மாத்துங்க. அந்த பணம் முடிஞ்ச உடனே உங்க கை தானாகவே கட்டப்படும்.

சில்லறை பேமெண்ட்டுக்கு UPI லைட் பயன்பாடு

ஒரு நாளைக்கு பத்து தடவைக்கு மேல பண்ற ₹10, ₹20 அல்லது ₹50-க்கான சின்னச் சின்ன டீ, ஸ்நாக்ஸ் செலவுகளுக்கு UPI லைட் பயன்படுத்துங்க. இதுல பின் நம்பர் (PIN) இல்லாமலேயே சீக்கிரமா பேமெண்ட் பண்ணலாம். அதுமட்டுமில்லாம, உங்க மெயின் பேங்க் பாஸ்புக்ல சின்னச் சின்ன பரிவர்த்தனைகள் பெரிய லிஸ்ட்டா சேர்றதும் தவிர்க்கப்படும்.

தினசரி பரிவர்த்தனை லிமிட் செட் பண்ணுங்க

UPI ஆப்ஸ்கள்ல ஒரு நாளைக்கு அதிகபட்சம் எவ்வளவு UPI பேமெண்ட் பண்ணலாம்ங்கற லிமிட்டை நாமளே செட் பண்ணிக்கலாம். அவசர காலங்களை தவிர்த்து, ஒரு நாளைக்கு அதிகபட்சம் ₹2,000 அல்லது ₹3,000 அப்படின்னு லிமிட் வெச்சுக்கோங்க.

செலவுக்கு நடுவுலயே சில்லறை முதலீடு

நீங்க நாள் முழுக்க பணம் செலவு பண்ணும்போதே, ரவுண்ட்-அப் அல்லது மைக்ரோ-SIP மாதிரியான ஆப்ஸ்கள் மூலமா ஒவ்வொரு பரிவர்த்தனையிலயும் ₹5 அல்லது ₹10 சில்லறை பணம் தானாகவே இண்டெக்ஸ் ஃபண்டுகள்ல சேர்ற மாதிரி பார்த்துக்கோங்க. இதனால செலவு நடக்க நடக்க சேமிப்பு நிதியும் வளர்ந்துகிட்டே போகும்.