வட்டி விகிதத்தில் மேலும் தளர்வு.. சாமானிய மக்களுக்கு குட் நியூஸ் சொல்லுமா ரிசர்வ் வங்கி.?

பணவீக்கம் கட்டுக்குள் இருப்பதால் இந்த நடவடிக்கை எடுக்கப்படலாம் என்றும், இது வீட்டுக் கடன், தனிநபர் கடன் வாங்கியவர்களுக்குப் பயனளிக்கும் என்றும் எதிர்பார்க்கப்படுகிறது.

ரெப்போ விகிதம் குறைப்பு

டெல்லியில் இருந்து வெளியான தகவலின்படி, யூனியன் பேங்க் ஆஃப் இந்தியா வெளியிட்டுள்ள சமீபத்திய அறிக்கை, பிப்ரவரி மாதத்தில் ரிசர்வ் வங்கி ஆஃப் இந்தியா ரெப்போ விகிதத்தை மீண்டும் குறைக்க வாய்ப்பு இருப்பதாக தெரிவிக்கப்பட்டுள்ளது. பிப்ரவரி 2025 முதல் இதுவரை நான்கு முறை மொத்தம் 125 அடிப்படைப் புள்ளிகள் வட்டி விகிதம் குறைக்கப்பட்டுள்ளது, அடுத்த கட்டமாக மேலும் 25 அடிப்படைப் புள்ளிகள் குறைக்கப்படலாம் என அந்த அறிக்கை சுட்டிக்காட்டுகிறது. இதன் மூலம் ரெப்போ விகிதம் 5 சதவீதமாக மாற்றப்படலாம் என்றும் கூறப்படுகிறது.

யூனியன் பேங்க் ஆஃப் இந்தியா

கடந்த டிசம்பரில் நடைபெற்ற நிதிக் கொள்கைக் குழு (MPC) கூட்டத்தில், ரெப்போ விகிதம் 25 அடிப்படைப் புள்ளிகள் குறைக்கப்பட்டு 5.25 சதவீதமாக நிர்ணயிக்கப்பட்டது. இதைத் தொடர்ந்து, பிப்ரவரி அல்லது ஏப்ரல் 2026-ல் மீண்டும் ஒருமுறை இதே அளவிலான குறைப்பு மேற்கொள்ளப்படலாம் என யூனியன் பேங்க் ஆஃப் இந்தியா கணிப்பு வெளியிட்டுள்ளது. ரிசர்வ் வங்கியின் அடுத்த நிதிக் கொள்கைக் குழு கூட்டம் 2026 பிப்ரவரி 4 முதல் 6 வரை நடைபெற உள்ளது.

ரிசர்வ் வங்கி வட்டி விகிதம்

ரிசர்வ் வங்கியின் பணவியல் கொள்கைக் குழு இரண்டு மாதங்களுக்கு ஒருமுறை கூடுகிறது. மூன்று நாட்கள் நடைபெறும் இந்த கூட்டத்திற்குப் பிறகு, ஆளுநர் வட்டி விகிதம் உள்ளிட்ட முக்கிய பணவியல் முடிவுகளை அறிவிப்பார். சமீப காலங்களில் பணவீக்கம் கட்டுக்குள் வந்ததால், கடந்த நான்கு கூட்டங்களில் தொடர்ந்து ரெப்போ விகிதம் குறைக்கப்பட்டுள்ளது. இதன் நேரடி பலன் வீட்டு கடன், தனிநபர் கடன் மற்றும் வாகனக் கடன் வாங்கியவர்களுக்கு கிடைக்கும்.

வட்டி விகித மாற்றம்

நுகர்வோர் குறியீட்டு விலை (CPI) காரணமாக பணவீக்கம் குறைந்ததன் காரணமாகவே, ரிசர்வ் வங்கி பிப்ரவரி முதல் இதுவரை 125 அடிப்படைப் புள்ளிகள் வட்டி விகிதத்தைக் குறைத்துள்ளது. அடுத்த குறைப்புடன் சேர்ந்து இது 150 அடிப்படைப் புள்ளிகளாக உயரலாம். பணவீக்கம் தொடர்ந்து குறையும் பட்சத்தில், எதிர்காலத்திலும் மேலும் வட்டி விகிதக் குறைப்புகள் இருக்கலாம் என பொருளாதார வல்லுநர்கள் எதிர்பார்க்கின்றனர்