ரிசர்வ் வங்கியின் சமீபத்திய தகவலின்படி, புழக்கத்தில் இருந்த ரூ.2000 நோட்டுகளில் 98.44% திரும்பப் பெறப்பட்டுள்ளன. இருப்பினும், இன்னும் ரூ.5,551 கோடி மதிப்புள்ள நோட்டுகள் பொதுமக்களிடம் உள்ளன.
ரூ.2000 நோட்டுகள் குறித்து ரிசர்வ் வங்கி மீண்டும் ஒரு முக்கிய தகவலை வெளியிட்டுள்ளது. 2023 மே 19ஆம் தேதி இந்த உயர்மதிப்புள்ள நோட்டுகள் பரிவர்த்தனையில் இருந்து திரும்பப் பெறப்பட்டன. பொதுமக்கள் தங்களிடம் உள்ள ரூ.2000 நோட்டுகளை வங்கிகளில் செலுத்த சில மாதங்கள் அவகாசமும் வழங்கப்பட்டது. அதன்பிறகு பெரும்பாலான நோட்டுகள் வங்கி முறைமைக்கு திரும்பியுள்ளன.
25
ஆர்பிஐ வெளியிட்ட தகவல்
ஆர்பிஐ வெளியிட்ட சமீபத்திய தரவுகளின்படி, புழக்கத்தில் இருந்த ரூ.2000 நோட்டுகளில் 98.44 சதவீதம் திரும்பியுள்ளது. அதாவது, பெரும்பாலான நோட்டுகள் தற்போது வங்கிக் கணக்குகளின் மூலம் அமைப்புக்குள் வந்துவிட்டன. இருந்தாலும், இன்னும் ஒரு சிறிய தொகை முழுமையாக திரும்பவில்லை என்பது கவனிக்கத்தக்கது.
35
2000 நோட்டு மாற்றும் முறை
மே 19, 2023 அன்று அறிவிப்பு வெளியிடப்பட்ட சமயம், ரூ.3.56 லட்சம் கோடி மதிப்புள்ள ரூ.2000 நோட்டுகள் புழக்கத்தில் இருந்தன. ஆனால் 2026 பிப்ரவரி 28 நிலவரப்படி, அது ரூ.5,551 கோடியாகக் குறைந்துள்ளது. இதன் பொருள், இன்று ரூ.5,551 கோடி மதிப்புள்ள ரூ.2000 நோட்டுகள் பொதுமக்களிடம் அல்லது பரிவர்த்தனையில் இருப்பதாகக் கணக்கிடப்படுகிறது.
இன்று உங்கள் கையில் ரூ.2000 நோட்டுகள் இருந்தால், அவற்றை மாற்றிக்கொள்ளும் வாய்ப்பு உள்ளது. இந்திய ரிசர்வ் வங்கியின் 19 வெளியீடு அலுவலகங்களில் நேரடியாக சென்று இந்த நோட்டுகளை மாற்றிக்கொள்ளலாம். அஹமதாபாத், சென்னை, மும்பை, டெல்லி, ஹைதராபாத், கொல்கத்தா உள்ளிட்ட முக்கிய நகரங்களில் இந்த வசதி உள்ளது.
55
பழைய ரூ.2000 நோட்டுகள்
மேலும், அருகிலுள்ள தபால் நிலையத்தின் மூலம் இந்திய தபால் சேவையைப் பயன்படுத்தி ரூ.2000 நோட்டுகளை ஆர்பிஐ வெளியீடு அலுவலகத்துக்கு அனுப்பலாம். அதன் பிறகு, அந்த தொகை உங்கள் வங்கி கணக்கில் வரவு வைக்கப்படும். எனவே, இந்த பழைய ரூ.2000 நோட்டுகள் இருந்தால், அவற்றை உடனே சட்டப்படி மாற்றிக்கொள்ளலாம்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
